С.А.Р.С – главни ѕвезди на фестивалот „Битола Отворен град 2018“


Битола, 21 јуни, 2018 - 12:16 (META) 

Главни ѕвезди на фестивалот „Битола Отворен град 2018” се култниот белградски алтернативен рок бенд “С.А.Р.С”.

На големиот музички концерт ќе настапат и бендовите „THE PRODIGY live tribute band“ од Белград и „FUNK SHUI” од Скопје, соопштува организаторот, Младински културен центар -Битола.

Фестивалот ќе се одржи на големата сцена на плоштадот Гоце Делчев во Битола, на 28 јуни со почеток во 21 часот, а влезници нема да се наплатуваат, благодарение на поддршката од Министерство за култура и од Општина Битола.


Еден загинат и тројца повредени откако автомобил влета на фестивал во Холандија


Хаг, 18 јуни, 2018 - 11:23 (META) 

Едно лице го загуби животот, а тројца се повредени откако утрово „фиат добло“ удри во публиката на музичкиот фестивал „Пинкпоп“, кој се одржува на југот на Холандија. Во моментот на нападот настапувал музичарот Бруно Марс.

Возачот потоа избегал со автомобилот и полицијата трага по него во Ландграф, град на југот од Холандија, кој се наоѓа на неколку километри од границата со Германија.


Евакуирани 20.000 посетители на музички фестивал во Барселона поради пожар


Барселона, 30 јули, 2017 - 10:40 (META) 

Повеќе од 20.000 посетители на музичкиот фестивал „Тумороуленд јунајт спејн“ во Барселона се евакуирани синоќа откако пожар изби на главната сцена, јавуваат шпанските медиуми.

Организаторот на настанот на социјалната мрежа „Фејсбук“ соопшти дека пожарот бил предизвикан од петарда што паднала на сцената и ја запалила целата конструкција на бината.

Пожарникарите успеале да го изгаснат пожарот, но конструкцијата на сцената целосно изгорела.

Полицијата соопшти дека евакуацијата минала мирно и без паника. Засега нема инфиормации за повредени при инцидентот.