!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

ОЈО-Скопје: За смртта на лекарката се вршат сослушувања


Скопје, 10 мај, 2017 - 11:00 (META) 

Основното јавно обвинителство – Скопје (ОЈО-Скопје) соопшти дека за случајот со пронајденото мртво тело на лекарката Ј.М.С., се вршат сослушувања на луѓе кои би помогнале во расчистувањето на случајот и утврдување на причините за смртта.

Според ОЈО-Скопје, вчера е извршен увид на улицата Елисие Поповски – Марко, спроти Клиничкиот центар во Скопје, каде беше пронајдено телото на 53-годишната Ј.М.С., вработена како лекарка на Клиниката за нефрологија во Скопје. При увидот кај Ј.М.С. е забележан видлив убод со нож во пределот на вратот.

„Телото на починатата веднаш е дадено на обдукција, а од местото на настанот се прибрани сите материјални траги и докази што можат да помогнат во истрагата и тие се дадени на вештачење. По наредба на дежурен јавен обвинител, ќе се врши ДНК-анализа на трагите од крв пронајдени на местото. Дополнително, јавниот обвинител нареди да се обезбедат и евентуални снимки од видеонадзорот на околните објекти“, се вели во соопштението од ОЈО-Скопје.


Непознат маж пронајден починат во бараките на Министерство за здравство


Скопје, 14 март, 2017 - 15:26 (META) 

Во бараките на Министерството за здравство, веднаш до Средното медицинско училиште „Панче Караѓозов“, вчера било пронајдено мртво тело на непознат маж.

Како што соопшти МВР, по наредба на јавен обвинител телото е предадено на обдукција.


Жената најдена во Калиманци починала од давење во вода, имала повреди по телото


Делчево, 4 август, 2016 - 11:23 (META) 

Триесет и едногодишната Тања Стоилкова, чие мртво тело вчера беше пронајдено во езерото кај браната Калиманци, починала од давање во вода, покажала обдукцијата на телото, велат за „Мета“ од Министерството за внатрешни работи.

Сепак, како што информираат оттаму, на телото на Стоилкова биле констатирани и повреди на главата, на десната надлактица и на долниот дел од грбот.

Оттаму велат дека во тек е истрага која треба да ги утврди околностите за смртта на жената. Полицијата сè уште го бара нејзиниот сопруг Д.С. (41) и возилото со кое тие вчера се превезувале, пред да биде пронајдено телото на Стоилкова во акумилацијата Калиманци.

Според информациите што ги добивме од МВР, вчера, околу 12.10 часот, мајката на Стоилкова во полиција пријавила дека ќерка ѝ заедно со нејзиниот сопруг, со кого имале брачни проблеми, со возило се упатиле кон Делчево. Таа се јавила во полиција бидејќи, како што рекла, при комуникација со нејзината ќерка слушнала вресок и се посомневала дека нешто се случило.

Околу 17.45 часот, полициска екипа забележала тело на жена како плута во водите на Калиманци, а подоцна било утврдено дека ѝ припаѓа на 31-годишната Тања Стоилкова.

Во близина на езерото, како што информираат од МВР, биле забележани траги од возило кои воделе до езерото.

Обдукцијата на телото била извршена во Делчево, од страна на патолог од штипската болница.

Од јавното обвинителство соопштуваат дека надлежен јавен обвинител од Основното јавно обвинителство Делчево и понатаму врши увид на локацијата кај вештачката акумулација Калиманци.

„Телото е идентификувано како 31-годишната Т.С. од село Дулица. Во близина на акумулацијата се пронајдени траги на автомобил, но сè уште не се пронајдени ниту автомобилот, ниту друго лице во водите на езерото. Надлежниот јавен обвинител интензивно работи на расветлување на причините за смртта“, стои во соопштението од Обвинителството.


26-годишно момче пронајдено мртво во куќа во Радовиш


Радовиш, 6 ноември, 2015 - 12:06 (META) 

Вчера, доцна попладне, во куќа во Радовиш било пронајдено безживотно тело на 26-годишно момче.

Полицијата го потврди случајот и првично информира дека станува збор за Ј.Р. (26) од Радовиш.

Според информациите, мртвото тело го пронашол сопственикот на куќата, во која момчето живеело како потстанар.

Причините за смртта засега се непознати. Надлежните ги чекаат резулатите од обдукцијата на телото, која треба да утврди дали Ј.Р. починал од насилна или од природна смрт.