!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Светскиот шампион во кревање тегови Андреј Драчев убиен во тепачка со шампион на ММА


Хабаровск, 21 август, 2017 - 13:21 (META) 

Светскиот првак во дигање тегови, Русинот Андреј Драчев го загуби животот вчера претпладне во договорена тепачка во рускиот град Хабаровск. Тој се тепал пред едно кафуле во центарот на градот со шампионот во ММА, Анар Алакверанов.

Како што пренесуваат руските медиуми, до тепачката дошло откако двајцата „борци“ во алкохолизирана состојба се расправале кој спорт е посилен, дали дигање тегови и ММА, па одлучиле со тепачка да ги решат несогласувањата.

Откако  во тепачката Драчев паднал, шампионот во комбинирани боречки спортови Алакверанов, продолжил да го удира, како што се гледа на видеото.


Телевизиите формираа Македонска медиумска асоцијација


Скопје, 25 ноември, 2014 - 16:10 (META) 

Националните телевизии „Телма“, „Канал 5“, „Сител“, „Алсат-М“ и „Алфа“ денеска формираа Македонска медиумска асоцијација (ММА), која ќе биде дел од Стопанската комора на Македонија.

Во оваа асоцијација ќе можат да членуваат и телевизиите и новинарите вработени во нив.  За претседател е избран Иван Мирчевски, генерален директор на „Канал 5“, а за заменик Атанас Кировски, главен и одговорен уредник на „Телма“. Правилникот за работа на асоцијацијата што досега функционираше како групација, според најавите, ќе биде готов за 15 дена.

– Станува збор за асоцијација која, пред сè, има цел да ги сублимира нашите заложби и детектирани проблеми  во системот, во законите – рече Мирчевски на прес-конференција.

Според Кировски, на асоцијацијата не треба да се гледа како на здружение на новинари.

– Не станува збор на никакво здружение на новинари, туку  за асоцијација на приватни медиуми – рече Кировски, коментирајќи го односот со ЗНМ и со МАН.

Според  министерот Ивановски, досегашната соработка со телевизиите ќе продолжела и на ниво на асоцијацијата.

Од новинарските здруженија велат дека асоцијацијата не ја гледаат како конкуренција поради тоа што во неа ќе членуваат и новинари.

– Секој наш член може да членува во други организации. Телевизиите ги штитат правата и интересите на самите телевизии како компании со свој капитал и интереси, а МАН се грижи за професионалните права и интереси на новинарските поединци и индивидуалци – изјави Слаѓана Димишкова.

Насер Селмани, претсетател на Здружението на новинари на Македонија вели дека е позитивно што националните телевизии се здружиле. Тој посочи дека ваква организација недостигала и поради тоа ЗНМ имало тешкотии во соработката со овие медиуми.

– Ние сме подготвени да соработуваме со асоцијацијата и се надеваме дека освен за бизнис-интересите на сопствениците на медиумите, ќе се залагат и за слободата на медиумите и за почитувањето на професионалните стандарди и етика – рече Селмани.