!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

ВМРО-ДПМНЕ: СДСМ за директор на „Танец“ постави човек со средно градежно училиште


Скопје, 15 август, 2017 - 11:31 (META) 

Алаѓозовски е поим за неспособност и деструкција. Тој е целосно неспособен и незаинтересиран за развојот на културата која секојдневно ја разорува. Поставувањето на Стојанче Павловски за в.д. директор на Националната установа за народни игри и песни ансамбл „Танец” е уште еден доказ за хаосот и партизацијата што ги создава СДС, рече денеска на прес-конференција Владимир Атанасов од ВМРО-ДПМНЕ.

Тој рече дека Павловски е човек со завршено средно градежно образование, „кој е поставен само затоа што е политички подобен за Заев и Алаѓозовски“.


СДСМ: Апсурдните интерпелации нема да го сокријат криминалот на ВМРО-ДПМНЕ


Скопје, 12 август, 2017 - 16:12 (META) 

Со неоснованите, неиздржани и апсурдни иницијативи за интерпелации, ВМРО-ДПМНЕ продолжува очајнички да се обидува да ги закочи реформите и проектите за кои што гласаа мнозинството граѓани, се вели во реакцијата на СДСМ по интерпелацијата што пратенциите на ВМРО-ДПМНЕ денеска ја поднесоа за министерот за култура Роберт Алаѓозовски.

„Поднесената интерпелација за министерот за култура Роберт Алаѓозовски само докажува дека ВМРО-ДПМНЕ не се грижи ниту за културата, ниту за граѓаните, туку единствено се грижи да го сокрие деценискиот криминал што раководството на таа партија го правеше, особено со проектот ‘Скопје 2014’“, стои во соопштението на СДСМ.

Оттаму додаваат дека ВМРО-ДПМНЕ 11 години ја „партизираше културата и потроши над 600 милиони евра народни пари на сомнителни тендери за проектот „Скопје 2014“, додека вистинското културно наследство беше намерно оставано да скапува и да се распаѓа“.

„Наместо криминалниот и злосторнички пристап кон културата што ВМРО-ДПМНЕ го практикуваше со години, министерот за култура и министерството воведуваат нови, ефикасни и инклузивни политики и проекти во културата што носат напредок и заштита на културната дејност“, велат од СДСМ.


ВМРО-ДПМНЕ поднесe интерпелација и за Алаѓозовски


Скопје, 12 август, 2017 - 14:49 (META) 

Пратениците на ВМРО-ДПМНЕ денеска во Собранието на Република Македонија поднесоа интерпелација за министетот за култура Роберт Алаѓозовски, бидејќи, како што изјави пратеничката Ане Лашкоска на прес-конференција, со доаѓањето на Алаѓозовски на функцијата, оваа област за кратко време го допрела дното.

Алаѓозовски е шестиот министер од владата на Зоран Заев за кого опозициската коалиција неделава поднесува интерпелација.

Лашкоска нагласи дека под итно мора да запре „неоварваризмот кој што секојдневно го шири Алаѓозовски со што нанесува огромна штета на угледот на Република Македонија на културен план“.

– Во изминатиот период наместо унапредување на културата и културниот развој на Република Македонија, за многу кратко време откако Роберт Алаѓозовски беше назначен за министер од страна на СДСМ, имаме тренд на уназадување на културата и на културниот развој, преку партизација на културата, селекција и дискриминација на уметниците и културните дејци во нашата држава, не водење грижа за културното наследство, запирања на сите капитални инвестиции во културата и многу други активности кои водат во таа насока – рече Лашоска.

Таа потензираше дека ребалансот на Буџетот и кратењето на средствата во културата се најеклатантен пример за тоа колку Владата на СДСМ и министерот Алаѓозовски „немаат никакво чувство на припадност, никакво чувство за култура и за културните и уметничките вредности и за македонското културно наследство“.

ВМРО-ДПМНЕ обвинува и дека со доставените измени на Законот за култура Алаѓозовски донел одлука за централизација на одлучувањето во културата.

 


ВМРО-ДПМНЕ: Алаѓозовски спречи Охрид да добие современ центар за култура


Скопје, 10 јули, 2017 - 16:26 (META) 

Министерот за култура, Роберт Алаѓозовски, тајно и зад грбот на јавноста, без никаква транспарентност ниту дебата, ги прекина и ги поништи постапките за реализација на проектот за реконструкција, надградба и за осовременување на Центарот за култура „Григор Прличев“ во Охрид, во кој се сместени и работат националните установи Театар Охрид, „Охридско лето“ и Библиотеката „Григор Прличев“, обвини пратеникот на ВМРО-ДПМНЕ, Крсто Јовановски.

– Веќе беше обезбеден буџет, избрано беше идејно решение и фирма проектант, која треба да ја изработи потребната проектна документација по што би се почнало со градежните активности за реконструкцијата на објектот. Но, сега тоа е стопирано од Алаѓозовски, Заев и од СДС, кои не сакаат во Охрид да има нов, современ и квалитетен објект, кој не е ниту нивна идеја ниту, пак, нивно дело. По контекст на ова, јавно ги прашуваме министерот за култура и владата на СДС, дали прекинувањето на овој значаен проект за бисерот на културата, Охрид, значи „живот“ за Охрид и за охриѓани? Дали за Алаѓозовски, охриѓани не се достојни да добијат објект на кој ќе се гордеат и во кој ќе може да ги следат бројните културно-уметнички настани во својот град? – праша Јовановски.