!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Горбачов: Не е сè изгубено меѓу Западот и Русија


Берлин, 10 ноември, 2014 - 13:44 (META) 

Поранешниот претседател на СССР, Михаил Горбачов, смета дека е неопходно Западот и Русија да направат заедничка работна група која би создала мир во Европа.

– Сметам дека прва работа што мора да ја направиме е да ги оживееме заедничките интереси и идеи за изградба на Европа како наш дом, а не како театар на антагонизам – наведе Горбачов на отворањето на форумот посветен на 25-годишнината од падот на Берлинскиот ѕид.

Според поранешниот лидер, Русија и Западот ја губат меѓусебната доверба кога мора да најдат заеднички сличности.

– Прва задача е да ја вратиме довербата, а уверен сум дека не е сè комплетно изгубено. Мораме да работиме на можностите, да ги одбиеме негативните тенденции. Верувам дека имаме сила за тоа – наведе Горбачов.


Горбачов со поддршка за политиката на Путин


Москва, 6 ноември, 2014 - 15:16 (META) 

Порашениот советски лидер Михаил Горбачов (83), денеска изјавил дека ќе ја брани политиката на рускиот претседател Владимир Путин кога ќе отпатува во Германија на одбележувањето на 25-годишнината од падот на Берлинскиот ѕид, пренесуваат светските медиуми.

Според Горбачов, кога станува збор за интересите на Русија, Путин е најдобриот човек за нивна одбрана.

Овој викенд, Горбачов ќе престојува во Берлин по повод 25-годишнината од падот на Берлискиот ѕид, симбол на Студената војна, но и, како што пренесуваат светските медиуми, на силната конфронтација меѓу Москва и Западот поради украинската криза.

Горбачов рекол дека е убеден оти кризата во Украина им послужила на САД како изговор да ù се спротистават на Русија.

Вашингтон, како што истакнал Горбачов, има план кој треба да им овозможи на САД секаде да се мешаат, без разлика дали тоа е добро или лошо.

Горбачов, чии реформи придонесоа за падот на Берлинскиот ѕид, во Берлин треба да се состане со германската канцеларка Ангела Меркел и со претседалот Јоаким Гаук.