!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Биљали: Очекувам брз прием на Македонија во НАТО, а потоа решавање на спорот за името


Скопје, 13 август, 2017 - 12:14 (META) 

Меѓународната заедница ќе инсистира Македонија првин да добие покана за членство во НАТО, без да има промена на името, а потоа да се даде рок за преговори за изнаоѓање решение за спорот со Грција, вели универзитетскиот професор Мерсел Биљали во неделното интервју за македонскиот сервис на „Радио Слободна Европа“.

– Колку што јас имам информации, меѓународната заедница или главните креатори на НАТО ќе инсистираат на некакво соломонско решение, Македонија да добие покана за членство во НАТО без да има промена на името, па потоа да се даде некој рок,  да се даде можност да се преговара. Од прилика така ќе оди и интеграцијата во ЕУ и не мислам дека толку брзо ќе ѝ се даде толку големо значење на неминовна промена на името кое може да има негативни ефекти кај нас – вели Биљали.

Во врска со имплементацијата на Охридскиот рамковен договор, од чие потпишување денеска се одбележуваат 16 години, тој вели дека недостасува срповедување на практичниот дел од договорот, за што дел од вината ја лоцира кај албанскиот субјект.

– Од нормативен аспект многу е имплементирано, меѓутоа во практичниот дел многу работи останаа неимплементирани. За жал тука вината е и кај самиот албански субјект. Наша рак рана е партизацијата на институциите и на општеството како целина. Наместо Рамковниот договор да стане инструмент на една граѓанска рамноправност на луѓе со еднакви можности, стана инструмент на партизирани односи и партиски интереси – вели Биљали.


Крајно време е за завршен удар, порачаа демонстрантите


Скопје, 28 мај, 2016 - 21:48 (META) 

Забавата „Информативен разговор“ наместо пред полициската станица „Беко“ се одржа на крстосницата пред зградата „Палома Бјанка“, бидејќи безбедносните сили ги спречија граѓаните да дојдат до пред полициската станица, која од сите страни беше опколена.

На забавата учесниците на протестот пред полицајците палеа факели, играа и пееја.

Претходно граѓаните беа пред Собранието каде што ги повикаа сите да не седат и да чекаат некој друг да ги донесе промените, туку и тие да бидат дел од тие промени.

Професорот и политички аналитичар Мерсел Биљали, рече дека граѓаните кои седат дома, наликуваат на некој на кој што куќата му гори, внатре му се децата и роднините, а тој седи и гледа од страна.

– Тие луѓе се или индифирентни, или се плашат од власта, или им се доволни 200 евра, па нека оди се по пустината. Ако веруваат во Господ, тогаш не се вистински верници, ако се обични граѓани тогаш не поседуваат основен морал. Ги повикувам без разлика на верска, етничка припадност, социјална положба да излезат бидејќи крајно време е за завршен удар – истакна Биљали.

„Шарена револуција наместо шарена аболиција“, „ Информативен разговор, Митко Чавков“ беа дел од пораките на вечерашниот протест кој започна пред Специјалното јавно обвинителство, продолжи пред Собранието каде што повторно беше фрлана боја.