!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Гориватa на полноќ ќе поевтинат за два денари


Скопје, 20 март, 2017 - 15:44 (META) 

Бензинот и дизел-горивата од полноќ ќе поевтинат за два денари по литар, одлучи денеска Регулаторната комисија за енергетика.

Еден литар „еуросупер БС-95“ ќе се продава за 65 денари, а „еуросупер БС-98“ за 67 денари.

Дизелот ќе чини 52 денари за еден литар, а eкстралесното масло за домаќинство ќе се продава по цена од 40,5 денари за еден литар.

Новите цени се резултат на пониските цени на горивата на светските пазари во изминатите две недели.


Мазутот од „Ина“ во Јадранско море е најголема еколошка катастрофа на Кварнер


Кострена, 19 мај, 2016 - 12:19 (META) 

Чистењето на крајбрежјето на морето кај Кострена во Хрватска се уште трае, откако од нафтената платформа на рафинеријата „Ина“ во Урињ истече мазут.

Надлежните институции и мештаните сметаат дека се работи за огромна еколошка катастрофа која ја погодила областа Кварнер.

Ова може да ја доведе во прашање и претстојната туристичка сезона, имајќи предвид дека фотографиите од загадувањето го обиколија светот.

Од „Ина“ информирале дека мазутот истекол од кругот на рафинеријата надвор од заштитната брана.

Истрагата ќе утврди кој е одговорен за овој еколошки инцидент кој предизвика непроценлива штета по еко-составот на морето.


Бензините поевтинуваат за два денари


Скопје, 7 септември, 2015 - 14:42 (META) 

Бензините од ноќеска на полноќ поевтинуваат за два денари, а цената на дизелот и на екстралесното масло за домаќинство останува непроменета, соопшти Регулаторната комисија за енергетика.

Според одлуката на Регулаторната комисија за енергетика, новата цена на „еуросупер БС-95“ ќе изнесува 62 денари за еден литар, а на „еуросупер БС-98“ ќе биде 64 денари за литар.

Се намалува и цената на мазутот и ќе изнесува 19,9 денари за еден килограм.

Просечната цена на сурова нафта на светскиот пазар во изминатите 14 дена изнесувала 46,27 долари за еден барел, а курсот на денарот во однос на доларот бил 54,32 денари.

 


Музичкото училиште во Битола остана без греење на минус четири степени


Битола, 15 декември, 2014 - 10:00 (META) 

Нижото музичко училиште во Битола денеска остана без греење. Радијаторите се ладни како мраз, а децата сепак останаа на настава. Родители се пожалија дека нивните шестгодишни деца морале да ги остават на час, облечени со јакни и завиткани со шалови и со капи, кога внатре во просториите температурата била околу два степени над нулата.

– Не знам како може среде грејна сезона да остане училиштето без греење. Ова може да се случи само во Македонија. Децета ни смрзнаа, стуткани седат во клупите, а надвор утринската е минус четири степени. Овде ни кажаа дека немало мазут. Професосрите нè уверуваат дека наставата ќе биде скратена. Но, и дваесет минути да се седи на толку ладно, навистина не е хумано – се пожалија родители на ученици во нижото музичко училиште во Битола.

Првиот човек на училиштето, Василчо Пецаковски, ја потврдува информацијата и вели дека проблемот настанал поради доцна објавениот тендер за набавка на гориво за парното греење.

– Поради промена на директорот во октомври, се задоцни со распишувањето на тендерот за набавка на мазут. Но, сега се прават сите напори до вечер или најдоцна до утре наутро да стаса мазутот и наставата да тече нормално. Денеска часовите ќе бидат скратени, само она што е непоходно ќе се сработи – вели директорот Пецаковски.

Ова државно училиште во Битола се финансира директно од Министерството за образование.

Во октомври годинава Пецаковски седна на директорското место во Државното музичко училиште во Битола откако претходно на оваа позиција беше вршител на должност. Пецковски вели дека проблем со греењето има само во зградата на нижото музичко училиште, додека во средното музичко училиште, кое е сместено на друга локација, во објекттите на гимназијата „Таки Даскало“, наставата се одвива нормално.

А.Б.