!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Антисемитизмот на Неделковски и мешањето на власта во религијата во извештајот на САД


Вашингтон, 16 август, 2017 - 12:44 (META) 

Религиските групи во Македонија тврдат дека владата ја фаворизира Македонската православна црква – Охридска архиепископија, стои во годишниот извештај верските слободи во Македонија за 2016 година.

Во извештајот се наведува дека Уставот на Македонија забранува верска дискриминација и ја гарантира верската слобода и верското изразување, но и дека само пет верски заедници се наведени во Уставот. Останатите треба мора да се регистрираат и да видат одобрени од судот

„Судот задолжен за регистрирање верски заедници одбил една апликација, прифатил друга, а за две се уште нема одлучено“, стои во извештајот и се наведува дека е одбиена апликацијата регистрирање на муслиманската заедница Бектеши од Тетово и дека Исламската верска заедница (ИВЗ) се жали дека владата продолжува нелегално да ги прислушува нејзините лидери. Стејт департментот наведува дека помалите регистрирани верски заедници и цркви кои не се вметнати во Уставот, се жалат дека владата нема ист третман кон нив.

Граѓанските организации, како што е Хелсиншкиот комитет и помалите религиски групи, тврдат дека владата се меша ви верските прашања и дека честопати ја политизира религијата, стои во извештајот, а како пример се наведува присуството на техничкиот премиер Емил Димитриев, министри, градоначалници и членови на тогашната владејачка пратија ВМРО-ДПМНЕ на поставување камен темелник на новата црква во Железара, како и поставувањето на крстот во Бутел.

Во извештајот се споменува дека црквите и џамиите често се мета на грабежи, а се споменува и антисемитизмот на новинарот Миленко Неделковски, искажан на социјалните мрежи.


Русија бара транскрипт од интервјуто на Шекеринска за „Блумберг“


Москва, 15 август, 2017 - 16:57 (META) 

Обвинувањата на сметка на Москва за наводното мешање во внатрешните прашања на Македонија се исконструирани и неосновани, рече портпаролката на руското Министерство за надворешни работи, Марија Захарова, по повод интервјуто на македонската министерка за одбрана Радмила Шекеринска за агенцијата „Блумберг“.

Захарова, како што пренесува „Спутник“, вели дека таквите изјави се во спротивност со ставот на официјално Скопје и на настојувањата на македонските власти за развој на конструктивни односи со Русија и јакнење на билатералната соработка.

– Имајќи предвид дека претходна жртва на „Блумберг“ неодамна беше и српската премиерка Ана Брнабиќ, ја повикуваме Агенцијата да го објави целиот текст од интервјуто, како и аудио и видео снимката од разговорот со Шекеринска – изјавила Захарова, додавајќи таквите обвиненија доаѓаат од русофоби кои во јавноста пласираат лажни и неосновани тврдења.

Таа оцени дека во тие инсинуации гледаат обиди на непријателите на Русија и Македонија дополнително да ги искомплицират традиционално пријателските односи меѓу земјите.

– Се обидуваат да го свртат вниманието на јавноста од реалните закани, кога станува збор за суверенитетот и територијалниот интегритет на Македонија, посебно со вовлекување на земјите во НАТО, не земајќи ги предвид националните интереси – вели Захарова.

Таа истакна дека руското МНР ја повикува Македонија да појасни дали зборовите на Шекеринска, кои ги објави „Блумберг“ се вистинити, имајќи предвид дека досега никој тоа не го демантирал.

„Блумберг“ неодамна објави интервју со Шекеринска, во кое таа рече дека новата влада ги зајакнува напорите за влез на Македонија во НАТО, тврдејќи дека членството во воената алијанса ќе ја заштити земјата од руското мешање.


Сончево со температура до 34 степени


Скопје, 15 август, 2017 - 8:55 (META) 

Времето денеска ќе биде сончево со мала до умерена облачност. Во текот на денот ќе дува слаб до умерен северен ветер, особено во источните делови и долж Повардарието. УВ индексот ќе има вредност 8.

Минималната температура ќе се движи од 9 до 16 Целзиусови степени, а дневната од 25 до 34 Целзиусови степени.

Во Скопје и околината ќе биде сончево со мала до умерена облачност со температура до 31 Целзусови степени.

Следува период на претежно стабилно и потопло време. Дневната температура ќе биде во постепен пораст, но ќе се задржи во рамките на просекот за овој период од годината. Во среда и четврток ќе има локално зголемување на облачноста и услови за појава на краткотраен дожд и ретки грмежи.


Катар ги укина визите за Македонија – од денеска може да се престојува и до 30 дена


Доха, 9 август, 2017 - 16:18 (META) 

Катар денеска соопшти дека ги укинува визите за државјаните на 80 земји, меѓу кои и Македонија, за да ги стимулира туризмот и авиосообраќајот. Одлуката веднаш стапува на сила.

Одлуката доаѓа неполн месец отако  македонскиот министер за транспорт и врски, Горан Сугаревски, соопшти дека Македонија е ставена на листата на земји со олеснат визен режим.

Од денеска на граѓаните на Македонија, како и на државјаните на другите 79 земји на кои Катар им одобри безвизен режим, ќе им биде потребен само пасош за да влезат во оваа емиратска држава. Граѓаните на 33 држави ќе можат да останат во Катар 180 дена без виза, додека на другите 47, вклучувајќи ја и Македонија, имаат право на престој од 30 дена и право за едно продолжување на престојот.

84c7231cd788cda5c30ce6ff760a82064dd33157На списокот се земјите членки на шенгенската зона, латиноамерикански и азиски земји. Либан е единствената арапска земја што се наоѓа во Заливот, а не е на списокот.

– Укинувањето на визите ќе го направи Катар поотворен за странци – рече претставник на министерството за туризам на Катар.

Мохамед Рашид ал-Мазруи од катарското Министерство за внатрешни работи рече дека при изборот на државите се воделе од критериумите за безбедност и за економска моќ.

Катар, за разлика од Дубаи, која располага со огромни трговски центри и одморалишта, не е познат како примарна туристичка дестинација.

Во изминатите два месеци, оваа земја се најде на црната листа на земјите од Персискиот Залив кои ја обвинија официјална Доха за поддржување тероризам. По ваквите обвинувања, земјите од регионот, освен Иран, ги прекинаа дипломатските односи со Катар и го затворија својот воздушен простор за авионите регистрирани во оваа заливска земја.


Шекеринска: Влезот во НАТО ќе ја заштити Македонија од мешањето на Русија


Скопје, 9 август, 2017 - 12:10 (META) 

Влезот во НАТО ќе ја заштити Македонија од мешањето на Русија во внатрешни работи на земјата, вели министерката за одбрана, Радмила Шекеринска, во интервју за новинската агенција „Блумберг“.

– И пред изборот на новиот кабинет, бевте сведоци на „одлив“ на информации за обидите на Русија да постигне влијание во клучните политички области и во областа на безбедноста. Загрижени сме од овој факт. Веруваме дека членството на Македонија во НАТО може да стави крај на овие обиди – вели Шекеринска.

Таа вели дека владата на премиерот Зоран Заев се обидува да ги подобри односите со Грција и за девет месеци да ги спроведе реформите за земјата што побргу да стане членка на НАТО.

– Земјата мора да се справи со проблемите што се однесуваат на владеење на правото и независноста на судството, кои во моментов претставуваат проблем за влез на Македонија во НАТО. Ќе останеме посветени на овие реформи во реалноста, но ќе продолжиме да бараме од земјите членки на НАТО да ги ценат ваквите напори, да ги земат предвид резултатите и што поскоро да донесат одлука – вели Шекеринска.

Министерката за одбрана вели дека Македонија ќе го следи примерот на Црна Гора, која годинава стана членка на НАТО, и дека земјата во 2018 година ќе го зголеми својот буџет за одбрана, кој денес е помалку од 1 процент од БДП.


Џафери – Главчев: Договорот за добрососедство е почеток на новата историја меѓу двете земји


Скопје, 8 август, 2017 - 15:53 (META) 

Со Договорот за пријателство, добрососедство и соработка меѓу Македонија и Бугарија почнува новата историја во односите меѓу двете земји, оценија денеска во Скопје претседателот на Собранието, Талат Џафери, и неговиот бугарски колега, Димитар Главчев.

Џафери, како што соопштија од неговиот кабинет, се заблагодарил за поддршката што Бугарија ѝ ја дава на Македонија и за нејзините аспирации за членство во НАТО и во Европската Унија и ја поздравил одличната соработка меѓу претседателите и пратениците на двата парламента во сите последователни мандати. Тој, исто така, изразил надеж дека во иднина соработката ќе се интензивира, особено во светло на потпишаниот договор.

Главчев, кој е во кратка посета на Македонија, оценил дека со потпишувањето на договорот се отвораат нови хоризонти за соработка на сите полиња, вклучително и меѓу двата парламента на ниво на комисии и групи за соработка, на теми од заемен интерес и особено од интерес на Република Македонија и исполнувањето на критериумите за нејзина евроатлантска интеграција.

Бугарскиот спикер, во духот на добрососедските односи, го поканил претседателот Џафери да присуствува на ратификацијата на Договорот во Народното собрание на Република Бугарија.


Толушиќ до Шаровиќ: Хрватска ќе ги намали таксите за извоз на овошје и зеленчук


Сараево, 8 август, 2017 - 14:57 (META) 

Таксите за извоз на овошје и зеленчук во Хрватска, од земји кои не се во ЕУ, ќе бидат намалени, му соопштил денеска хрватскиот министер за земјоделство, Томислав Толушиќ, на босанскиот министер за надворешна трговија и економски односи, Мирко Шаровиќ.

Како што јавува „Радио Слободна Европа“, сепак, засега не се знае дали Хрватска ќе ги задоволи барањата на земјите од регионот, Македонија, Србија, Црна Гора и БИХ, за таксите да бидат усогласени со европскиот правилник. Одговорот на ваквите барања ќе биде познат на состанокот кој во следните недели ќе се одржи во Подгорица и во Дубровник.

Босанскиот министер Шаровиќ за РСЕ рече дека преговорите со Хрватска продолжуваат и во следните денови, имајќи предвид дека и самиот министер Толушиќ рекол дека „цените на таксите се превисоки“.

И македонскиот министер за земјоделство, шумарство и водостопанство, Љупчо Николовски, денеска телефонски разговарал со својот хрватски колега Толушиќ, поради зголемените хрватски такси. Толушиќ, како што соопштија од македонското Министерство за земјоделство, шумарство и водостопанство, покажал интерес за наоѓање решение за настанатиот проблем.


Претседателот на бугарското собрание денеска во посета на Македонија


Скопје, 8 август, 2017 - 9:56 (META) 

Претседателот на 44. Народно собрание на Република Бугарија, Димитар Главчев, денеска ќе престојува во работна посета на Република Македонија.

Главчев, во рамки на посетата, во 11 часот ќе се сретне со претседателот на Собранието на Република Македонија, Талат Џафери.


МНР: Коѕиас ќе дојде во Скопје, но сè уште не е одреден датумот на посетата


Скопје, 7 август, 2017 - 12:47 (META) 

Сè уште не се знае точно кога министерот за надворешни работи на Грција, Никос Коѕиас, ќе ја посети Македонија, соопштија од македонското Министерство за надворешни работи за „Мета“, по извештаите на грчките медиуми дека посетата ќе биде на 31 август.

Од МНР велат дека средбата е планирана за крајот на месецот, но дека двете страни сè уште го немаат прецизирано датумот.

Посетата на Коѕиас на Скопје беше најавена уште за време на посетата на македонскиот министер за надворешни работи Никола Димитров на Атина, во јуни годинава, што беше и негова права посета по преземањето на министерската функција. На средбата во Атина не беше разговарано за спорот за името, но се шпекулира дека тоа ќе биде главна тема на посетата на Коѕиас на Скопје, особено имајќи предвид дека доаѓа по неговата средбата во Брисел со посредникот на ОН во спорот за името, Метју Нимиц.

Сепак, Нимиц за време на последната посета на Скопје во јули изјави дека не треба да се очекуваат значајни промени во решавањето на спорот во следните неколку месеци, затоа што сега допрва ќе се разгледуваат ставовите на двете страни и додаде дека не е време сега да се излезе со дефинитивен предлог.


Собраниeто денеска ќе расправа за разрешувањето на Зврлевски


Скопје, 7 август, 2017 - 9:53 (META) 

Во Собранието денеска треба да продолжи шестата пленарна седница на која, меѓу другото, треба ќе се расправа за владиниот предлог за разрешување на јавниот обвинител на Република Македонија, Марко Зврлески.

Владата, чиј предлог беше прифатен и од Советот на јавни обвинители, бара разрешување на Зврлевски поради незаконито, ненавремено и недоволно стручно вршење на функцијата.

Во документот, исто така, се наведува дека Зврлевски со своето однесување и дејствување покажал дека не е способен за извршување на функцијата, не поднел барање за поведување кривична постапка за случаи предвидени со закон и дека го нарушил угледот на функцијата.

На шестата седница има повеќе од 30 точки, меѓу кои и годишниот извештај на Народниот правобранител за почитувањето, унапредувањето и заштитата на човековите слободи и права, информацијата за состојбата со дивата депонија во Струга, годишниот извештај за работата на Регулаторната комисија за енергетика на Република Македонија, финансискиот план на Агенцијата за супервизија на осигурување за 2017 година и предлог-одлуката за одобрување на финансискиот план на „Македонската радио-телевизија“ за 2017 година.