!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Мајстор загинал откако го удрила струја од далновод


Струга, 13 септември, 2017 - 15:09 (META) 

Мајстор кој работел во Струга вчера трагично го загубил животот откако добил струен удар од далновод додека работел на куќа.

Како што соопшти СВР Охрид, вчера, околу 11.30 часот, во Струга на улицата Едвард Кардељ, Г.М. (44) од Охрид, неговиот брат А.М. и М.П., како вработени во „АМГ Дизајн 2013“, местеле олуци на куќа и во еде момент Г.М. со олук допрел кабел од далновод, кој бил н 2,5 метри од терасата каде што стоел. Притоа добил електричен удар и паднал, по што била повикана итна медицинска помош, која го пренела во Општа болница во Струга, каде била констатирана смрт.

Бил извршен увид и по наредба на јавен обвинител телото на починатиот било предадено на семејството.


Во катната гаража „Солунски конгрес“ починал мајстор за лифтови


Скопје, 16 ноември, 2016 - 13:02 (META) 

Во катната гаража „Солунски конгрес“ вчера, околу 17.30 часот, починал мајстор за лифтови откако се лизнал и паднал од голема висина.

МВР информира дека мајсторот бил повикан да го одглави лифтот, кој се заглавил на осмиот кат од гаражата која се наоѓа покрај реката Вардар, веднаш до дирекцијата на „Македонски пошти“.

Додека работел, 57-годишниот М.В од Драчево се лизнал и паднал од осми кат на бетонски под. Тој веднаш бил пренесен на КАРИЛ во бесознание. И покрај напорите на лекарите, мајсторот ноќеска во 1.15 часот им подлегнал на повредите.

По наредба на јавен обвинител, телото на починатиот е предадено на обдукција.