Скопјанка пријавила дека воспитувачка го тепала нејзиниот шестгодишен син


Скопје, 7 февруари, 2018 - 14:17 (META) 

Скопјанка во Полициската станица Аеродром вчера пријавила дека нејзиниот шестгодишен син бил тепан од воспитувачка во градинка, соопшти СВР Скопје, појаснувајќи дека се работи на расчистување на случајот.

Жената кога завчера попладнето дошла да го земе синот од градинка забележала дека има оток на десниот образ и го прашала од што му е, на што детето рекло дека неговата воспитувачка неколку пати го удрила по образот. Мајката потоа го информирала директорот на градинката кој и кажал да пријави в полиција. Жената од градинката го однела детето на лекарски преглед, со кој е утврдено дека детето има оток, а вчера попладне го пријавила случајот в полиција.


Милошоски: Кукавички поставена бомба во куќата на мојот татко


Скопје, 14 мај, 2017 - 12:30 (META) 

Во селото Ижиште вчеравечер екипи на крим-техника од Македонски Брод, Прилеп и од антитерористичка единица од Скопје успешно демонтирале бомба на задната врата во куќата на родителите на Антонијо Милошоски, објави пратеникот на ВМРО-ДПМНЕ на својот профил.

Тој обвини дека „криминално-политичкото подземје кое се инспирира од „бомбите на мандатарот за Живот“, почнало да поставува вистински бомби со закани по живот кон неистомислениците“.

„Имале среќа и божја рака врз нив, и татко ми и мајка ми, што не турнале посилно кога отварале, а откако тој видел за што се работи, уредно пријавил. Очекувам сторителите да бидат пронајдени од надлежните органи. Заканата кон татко ми ја сметам за индиректна закана и притисок кон мене, поврзана со мојата политичка активност и мислење. Но, нема потклекнување, ниту повлекување. Борбата, со демократија, со говор, со став, со патриотизам за татковината, ќе продолжи со несмален ентузијазам!“, порача Милошоски на својот фејсбук-профил.


СВР Охрид поднесе кривична пријава против охриѓанецот што ја малтретирал мајка си


Охрид, 13 април, 2017 - 12:54 (META) 

Поради основан сомнеж дека не ја извршувал судската одлука, СВР Охрид поднесе кривична пријава против М.Д.(58) од Охрид.

„Тој, со судско решение издадено од Основниот суд Охрид, имал забрана да врши семејно насилство. И покрај тоа, пријавениот М.Д. продолжил да ја малтретира, вознемирува, навредува и физички да ја напаѓа својата 81-годишна мајка, да оштетува и да фрла предмети од домот и да врши семејно насилство од секаков вид“, велат од СВР Охрид.

На 17 февруари оваа година, пријавениот во присуство на малолетни членови од семејството, почнал повторно со вознемирување, малтретирање и со упатување закани кон неговата мајка, по што физички ја нападнал. На тој начин, пријавениот М.Д. предизвикал чувство на страв, несигурност и вознемиреност кај неговата мајка и кај другите членови од семејството.


Првото бебе родено во Скопје во 2017 година е машко


Скопје, 1 јануари, 2017 - 10:42 (META) 

Првото бебе што се роди во Скопје во новата 2017 година е момче и беше родено во 4.15 часот во Специјална болница за гинекологија и акушерство „Мајка Тереза“ – Чаир.

Бебето е тешко 3 килограми и 400 грама и долго 53 сантиметри, а на свет го донесе Нуредини Рамадан Хикмет, на која ова ѝ е прво дете.

Денеска во 12 часот, мајката и бебето ќе ги посети градоначалникот на Град Скопје, Коце Трајановски.


Почина струмичанката што беше силувана од синот


Скопје, 13 август, 2016 - 15:20 (META) 

Вчера починала 75-годишната струмичанка С.Т која беше силувана од нејзиниот син, информираат од полицијата. Против синот, С.Т. (48) поради постоење основи на сомнение за сторено кривично дело „родосквернавење“ поднесе е кривична пријава.

Телото на починатата е дадено за обдукција.

С.Т. и мајка му се од село Градашорци. Според информациите од полицијата мајката и синот живееле заедно, таа била болна, а С.Т. бил пијан кога го извршил полов напад.


Во Индија уапсени 15 лица за силување мајка и дете


Њу Делхи, 1 август, 2016 - 10:45 (META) 

Петнаесет лица во Северна Индија се уапсени поради сомневање дека извршиле групно силување на жена и на нејзината ќерка.

Како што соопшти полицијата, мајката и детето патувале заедно со тројца роднини во автомобил, кој на фреквентен автопат бил сопрен од група мажи со метални прачки. Напаѓачите ги извлекле патниците од автомобилот, роднините ги врзале, а жената и детето ги силувале.

По грозоморниот чин, ги ограбиле.


Мајка го пронашла синот починат во стан во Скопје


Скопје, 16 април, 2016 - 12:24 (META) 

Вчера, околу 18 часот, С.К. (70) пријавила дека на булеварот Партизански oдреди во нејзиниот дом го пронашла починат нејзиниот син Александар К. (44).

Увид на местото на настанот извршила увидна екипа од СВР-Скопје, а по наредба на јавен обвинител телото на починатиот е предадено за обдукција.

 


Обвинителството побарало психијатриско лекување за мајката што го фрли својот син


Скопје, 16 декември, 2015 - 15:47 (META) 

Основното јавно обвинителство Скопје до Основниот суд Скопје 1 доставило предлог на мајката што го фрли својот шестгодишен син од четврти кат од зграда во населбата Хиподром да ѝ се определи мерка задолжително психијатриско лекување и чување во здравствена установа, соопштија денеска од јавното обвинителство.

„Основното јавно обвинителство Скопје оформи предмет по поднесената кривична пријава од Министерството за внатрешни работи – СВР Скопје, во врска со кривично-правниот настан кога мајката го фрли својот шестгодишен син од четврти кат од зграда во населбата Хиподром. Надлежниот јавен обвинител од Основното јавно обвинителство Скопје, согледувајќи ги наодите од психијатриското вештачење на состојбата во која се наоѓала и се наоѓа осомничената, до Основниот суд Скопје 1 достави предлог за определување мерка задолжително психијатриско лекување и чување во здравствена установа од член 63 од Кривичниот законик“, стои во соопштението на обвинителството.


Да си го одземеш животот е избор, но да земеш на душа и друг е тешка дијагноза


Скопје, 18 ноември, 2015 - 16:57 (META) 

За само неколку дена во Скопје се случија две самоубиства и еден обид за убиство. Пред два дена, мајка од скопски Хиподром, својот шестгодишен син го фрли од четвртиот кат, по што и таа се обиде да си го одземе животот. Денеска, пак, 42-годишен маж во центарот на Скопје се заканувал дека ќе се фрли од скеле, кое било поставено покрај зграда. За среќа, тој не успеал во својата намера поради брзата интервенција на полицијата.

Според социологот Анета Кузевска Поп-Илиоска, самоубиството е социопатолошки проблем со посебни карактеристики. Причините за самоубиствата во Македонија се сложени и се комбинација на повеќе фактори, вели таа, споменувајќи ги во тој контекст менталните заболувања и емоционалната нестабилност, соматските заболувања, семејните проблеми, финансиските проблеми, неуспехот во работата, стареењето и слично.

– Самоубиството е последица на повеќе фактори, меѓу кои доминантни се социјалната средина, семејните односи и, секако, самата личност со својата ментална или општа физичка здравствена состојба. Затоа што не секоја мајка во иста ситуација ќе реагира исто и ќе реши да ги фрли детето. Една од причините е и колективната свест и културата на живеење. Немаме навика да посетуваме стручни лица да нè извадат од индивудуални кризи. Значи, да си го одземеш сам животот е едно, но да земеш на душа и друг е тешка дијагноза. Секако, влијание имаат и институциите на системот. Ако ова семејство било под закрила на системот со соодветен институциски третман, можеби би можело да се спречи трагедијата– вели Поп-Илиоска.

Според неа, развивање на свеста за посета на стручни лица и за почитување на иституцијата психолог и психијатар, во комбинација со заемно и навремено дејствување на институциите на системот, значително ќе ја намалат стапката на самоубиства.

– За жал, Македонија по ова прашање потфрли. Причина плус се и секојдневните новинарски написи за самоубиства кои ја охрабруваат суицидалната популација – заклучува Поп-Илиоска.

 


Детето што мајката го фрли од зграда, оперирано и стабилно


Скопје, 17 ноември, 2015 - 10:38 (META) 

Детето што вчера беше фрлено од балкон четвртиот кат од зграда во Хиподром, од својата мајка, е оперирано и се наоѓа во стабилна состојба, информираат од Клинички центар. Мајката, која подоцна се фрли, сè уште е во тешка состојба и е на интензивно лекување на Клиниката за анестезија, реанимација и интензивно лекување (КАРИЛ).

По падот шетгодишното дете доби скршеници на главата, по што се појавило крварење.

Вчера, по семејна расправија, околу 9.05 часот, 35-годишната мајка од скопската населба Хиподром почнала да се заканува дека ќе се фрли од балкон од четвртиот кат и дека ќе го фрли и своето дете, информираат од МВР.

Таа својот шестгодишен син го фрлила во 9.30 часот. Падот на детето бил ублажен од жиците за сушење алишта од подолните катови. Според полицијата, во 10.20 часот се фрлила и жената.