Магла на Стража, Ѓавато и Плетвар


Скопје, 7 февруари, 2019 - 9:41 (META) 

Намалена видливост од 30 до 50 метри поради магла утринава има на планинските превои Стража, Ѓавато и Плетвар.

Од јавното претпријатие „Македонија пат“ информираат дека од 05.40 часот е укината забраната за тешки товарни возила на патниот правец Маврово-Дебар која беше воведена поради врнежи од снег.

На останатите патни правци низ државата сообраќајот се одвива по наместа влажни коловози.

Сообраќајот надвор од градските средини е умерен, а на граничните премини од македонска страна нема подолги задржувања.


Магла и намалена видливост на неколку патни правци


Скопје, 30 јануари, 2019 - 12:15 (META) 

Поради магла намалена видливост има на неколку планински превои низ државата, информираат од јавното претпријатие „Македонија пат“.

На патниот правец Тетово-Попова Шапка видливоста е од 30 до 50 метри, на Страцин од 100 до 150 метри, на планинскиот превој Стража од 100 до 150 метри и на планинскиот превој Плетвар до 50 метри.

На останатите државни патишта сообраќајот се одвива во зимски услови по влажни коловози, а на некои повисоки места има остатоци од кашест снег на коловозот по интервенцијата на дежурните служби на „Македонија пат“.


Поради магла намалена видливоста на патниот правец Тетово – Попова Шапка, Буково и Стража


Скопје, 22 јануари, 2019 - 13:12 (META) 

Сообраќајот на државните патишта се одвива по влажни коловози, информираат од Авто-мото сојузот на Македонија и додаваат дека засега забележани се врнежи од снег со слаб интензитет само на Попова Шапка и на планинскиот превој Стража, но во моментов не претставуваат пречка за одвивање на сообраќајот.

Поради појава на магла, додаваат од АМСМ, намалена видливост до 50 метри има на патниот правец Тетово – Попова Шапка и на планинскиот превој Буково, додека на планинскиот превој Стража видливоста е намалена од 20 до 50 метри.

Интензитетот на сообраќај на патните правци надвор од градските средини е умерен, а на граничните премини нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони. На осојничавите места коловозите се наместа влажни, па поради ниските температури карактеристични за вечерните и утринските часови постои можност и од појава на голомразица.


Облачно време со повремени врнежи од дожд и снег, во котлините магла


Скопје, 21 јануари, 2019 - 9:40 (META) 

Времето денеска ќе биде променливо облачно, со кратки сончеви периоди и слаб до умерен ветер со променлив правец, по одделни котлини во земјава ќе има појава на магла.

Во Скопје, утринската температура ќе се движи од два степени Целзиусови под нулата, а во текот на денот ќе се зголеми до пет Целзиусови степени.

Во наредните денови се очекува променливо облачно време со поверемни локални врнежи од дожд на пониските места и снег на повисоките места и планините. Во втората половина од неделата врнежите се очекува да бидат пообилни.


Снежните врнежи продолжуваат, ќе дува умерен северен ветер


Скопје, 10 јануари, 2019 - 9:38 (META) 

Времето денеска ќе биде облачно со врнежи од снег, повеќе во западните и северните делови. Снежната покривка во овие делови дополнително ќе се зголеми за 10 до 20 сантиметри. Ќе дува слаб до умерен ветер од северен правец.

Утринската температура ќе се движи од минус шест до еден, а дневната од минус четири до три Целзиусови степени.

Во Скопје слично време, облачно со врнежи од снег. Ќе дува слаб до умерен ветер од северен правец. Утринската температура ќе се спушти до минус пет, а дневната ќе достигне до минус еден степен.

Од петок до недела времето ќе биде стабилно и суво со ниски утрински температури и со услови за магла по котлините.


Претпладне магливо и облачно, попладне дожд и снег


Скопје, 24 декември, 2018 - 9:32 (META) 

Времето денеска ќе биде променливо облачно. Во попладневните часови и во текот на ноќта ќе има повремени врнежи од снег на планините и дожд на пониските места. Кон крајот на денот и преку ноќта врнежите ќе преминат во снег и во некои пониски места. Се очекува наместа, особено во западните делови да се формира нова снежна покривка, локално повисока од 10 сантиметри, информираат од Управата за хидрометеоролошки работи.

Максималната температура ќе биде во интервал од 7 до 16 Целзиусови степени, а во котлините со магла 3 до 8 степени.

Во Скопје, претладне магливо, попладне видливоста ќе се зголеми и ќе биде променливо облачно со врнежи од дожд. Во текот на ноќта ќе има услови за врнежи од дожд и снег. Ќе дува умерен југоисточен, а кон крајот на денот засилен северен ветер. Температурата ќе биде 8 Целзиусови степени.


Студено време со северен ветер и снег


Скопје, 18 декември, 2018 - 9:40 (META) 

Времето денеска ќе биде облачно, студено и ветровито со врнежи од снег особено претпладне. На места, поради ниските температури ќе има појава на голомразица, а ветерот ќе предизвика и појава на снежни наноси. Ќе дува умерен до засилен северен ветер. Максималната температура ќе се движи во интервал од еден степен под нулата до 3 Целзиусови степени.

Во Скопје слично време со со повремени врнежи од снег претпладне. Ќе дува умерен, повремено засилен северен ветер. Максималната температура ќе достигне само до два степена.

Следува период на претежно стабилно време со пониски утрински температури, кои насекаде ќе се спуштат под нула. По котлините ќе има услови за појава на магла.


Облачно време, попладне со врнежи од снег


Скопје, 13 декември, 2018 - 10:03 (META) 

Времето денеска ќе биде облачно со повремени врнежи од дожд и снег со слаб, на места и умерен интензитет. Попладне и во текот на ноќта врнежите ќе бидат од снег и повеќе ќе бидат застапени во западните и јужните делови.

Утринската температура ќе се движи од минус девет до минус два, а дневната од минус три до шест Целзиусови степени.

Во Скопје времето ќе биде облачно, со слаби врнежи од дожд и снег. Утринската температура ќе се спушти до минус пет, а дневната ќе достигне до два степени.

Во петок облачно со врнежи од снег кои во западните и јужните делови ќе формираат снежна покривка. Од сабота врнежите во пониските места ќе бидат претежно од дожд. По одделни котлини ќе има појава на магла.


Денеска променливо облачно, од недела дожд


Скопје, 23 ноември, 2018 - 9:31 (META) 

Времето денеска ќе биде променливо облачно наместа со сончеви периоди. По одделни котлини ќе има појава на магла и ниска облачност.

Утре времето ќе биде значително облачно со појава на магла по котлините. Ќе дува слаб до умерен јужен ветер. Дневните температури ќе се движат од 7 до 13 Целзиусови степени.

В недела времето ќе биде претежно облачно со врнежи од дожд. Пообилни врнежи од дожд ќе има во западните делови. Дневните температури ќе се движат од 9 до 14 Целзиусови степени.


Денеска сончево со мала облачност


Скопје, 12 ноември, 2018 - 9:22 (META) 

Времето во Македонија денеска ќе биде сончево со мала облачност, по одделни котлини со појава на утринска магла. Ќе дува слаб, претежно источен ветер.

Утринската температура се движеше од -3 до 4 Целзиусови степени, а дневната ќе изнесува меѓу 14 и 22 степени.

До крајот на седмицава ќе се задржи стабилно и суво време, со студени утра, а до вторник наутро ќе има услови за магла по одделни котлини. Од среда ќе почне да дува северен ветер, што ќе придонесе за расчистување на воздухот по котлините и ќе услови опаѓање на дневната температура.

Инаку, намалена видливост поради појава на магла во раните утрински часови од 100 до 150 метри има на патниот правец Скопје – Катланово, а до 100 метри на патот Велес-Катланово и обратно, соопшти Автомотосојузот на Македонија (АМСМ).