Сообраќајот се одвива отежнато, забрани за товарни возила на некои делници


Скопје, 28 февруари, 2018 - 9:07 (META) 

Сообраќајот утрово на државните патишта се одвива отежнато, со забрани за движење на товарни возила на некои делници.

Од 7.30 часот се укинати забраните за сообраќај на тешки товарни возила на планинските премини Буково и Ѓавато.

Забраните за сообраќај на тешки товарни возила на патните правци крак Маврово – Дебар, Кичево – Охрид преку планинскиот превој Пресека, Гостивар – Кичево преку планинскиот превој Стража и Струга – граничен премин Ќафасан сè уште се на сила.

Сообраќајот на патните правци Крушево-Прилеп и Крушево-Демир Хисар поради обилни врнежи од снег се одвива отежнато во зимски услови и задолжителна е употреба на зимска опрема за сите видови на возила.

Сообраќајот на државните патишта се одвива по влажни коловози, наместа со остатоци од кашест снег на коловозот по интервенцијата на дежурните служби на ЈП Македонија пат.

Врнежи од снег со слаб интензитет се бележат во Маврово, Смојмирово и на планинските превои Стража и Ѓавато.

Намалена видливост до 50 метри поради магла има на планинскиот превој Плетвар.

Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.


Сообраќајот се одвива непречено, магла на неколку патни правци


Скопје, 20 февруари, 2018 - 9:49 (META) 

Сообраќајот на државните патишта се одвива по влажни коловози, а на повисоките планински места во западните и југозападните делови од државата има остатоци од кашест снег на коловозот, кој не претставува пречка за одвивање на сообраќајот, информираат од АМСМ.

Снег со слаб интензитет провејува на Маврово и на планинскиот превој Стража, во Гостивар врнежите се од дожд и снег.

Намалена видливост поради појава на магла од 50 до 60 метри има на патниот правец Тетово – Попова Шапка, до 50 метри на патниот правец Делчево кон границата со Бугарија и до 100 метри во Крушево.

Во клисурите и засеците можна е појава на одрони, особено на патните правци Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.


Намалена видливост поради магла во Делчево и Стојмирово


Скопје, 5 февруари, 2018 - 18:20 (META) 

Поради магла намалена видливост од 30 до 50 метри има во Делчево и Стојмирово.

Од „Македонија пат“ соопштуваат дека на останатите патишта низ државата сообраќајот се одвива тековно по наместа влажни коловози.

На одредени патни правци кои поминуваат низ клисури и усеци можна е појава на поситни одрони.


И денеска сончево време


Скопје, 31 јануари, 2018 - 9:25 (META) 

Денеска во Македонија времето ќе биде претежно сончево со слаб јужен ветер. По котлините се очекува појава на утринска слаба магла, а утринските температури се движеа од -2 до 1 Целзиусов степен.

Дневните температури се очекува да се искачат од 9 до 16 Целзиусови степени.

Во Скопје ќе има слично време, а температурата ќе се искачи до 12 Целзиусови.

Утре времето ќе биде стабилно со извесно зголемување на облачноста во западните делови. В петок се очекува променливо облачно време, а во вечерните часови врнежи од дожд, кои ќе продолжат и в сабота. Повеќе дожд се очекува во западните делови од Македонија, додека на планинте врнежите ќе бидат од снег.


Сончево и релативно топло време денеска


Скопје, 29 јануари, 2018 - 9:16 (META) 

Времето во Македонија денеска ќе биде сончево и релативно топло. Мала локална облачност се очекува на истокот во претпладневните часови, а ќе дува слаб до умерен северен ветер.

Во котлините претпладне ќе биде магливо, а температурите се очекува да се движат од 9 до 15 Целзиусови степени.

Во главниот град претпладне ќе биде магливо со локална облачност. Температурата ќе достигне до 12 Целзиусови степени.

Во текот на неделата која што следува утринските температури ќе бидат во благ пораст, а до четврток се очекува стабилно и суво време. Магла ќе има по котлините, додека во петок ќе преовладува зголемена облачност, со јужен ветер. Во западните делови ќе започнат врнежи од дожд, а во текот на ноќта на некои места ќе преминуваат во снег.


Сончево време, со температура до 10 степени


Скопје, 27 јануари, 2018 - 9:37 (META) 

Денеска времето во Македонија ќе биде сончево со мала до умерена облачност, и со услови за појава на утринска магла по одделни котлини.

Дневната температура ќе се движи во интервал од седум до 10 Целзиусови степени.

Во Скопје се очекува слично време, сончево со мала до умерена облачност. Дневната температура во главниот град ќе достигне до седум Целзиусови степени.


Времето денеска сончево со слаб ветер


Скопје, 26 јануари, 2018 - 9:23 (META) 

Времето во Македонија денеска ќе биде претежно сончево со слаб југоисточен ветер. Претпладне по одделни котлини има појава на слаба магла.

Температурите во текот на денот ќе се движат од 5 до 11 Целзиусови степени.

Во Скопје ќе биде претежно сончево со слаб југоисточен ветер, претпладне со појава на слаба магла. Највисоката температура на воздухот ќе достигне до 6 Целзиусови степени.

Во наредните денови продолжува периодот на стабилно време со ниски утрински температури, а дневните ќе бидат во постепен пораст. До недела во претпладневните часови ќе има температурна инверзија, што по одделни котлини ќе ги зголеми условите за појава на магла и слана.


Сончево време со температури до 10 степени


Скопје, 25 јануари, 2018 - 9:09 (META) 

Времето во Македонија денеска ќе биде сончево, по многу студеното утро, со услови за слаба магла по одделни котлини.

Температурата ќе се движи од 2 до 10 Целзиусови степени.

Во Скопје ќе биде сончево, а утрото беше студено со услови за слаба магла. Температурата ќе достигне до 6 Целзиусови степени.

Во наредните денови ќе се задржи период на стабилно време со ниски утрински температури, а дневните ќе бидат во постепен пораст. Најстудено ќе биде утре наутро.

Од утре до сабота во претпладневните часови ќе има температурна инверзија што по одделни котлини ќе ги зголеми условите за појава на магла.


Сообраќајот се одвива по влажни коловози, магла кај Плетвар и Неготино


Скопје, 21 јануари, 2018 - 10:45 (META) 

Сообраќајот на државните патишта се одвива по влажни коловози, а поради маглата на Плетвар и во Неготино видливоста е намалена до 100 метри.

АМСМ препорачува внимателно возење, прилагодена брзина на движење и почитување на поставената сообраќајна сигнализација.

Во клисурите и засеците е можна појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

Интензитетот на сообраќајот надвор од градските средини е умерен, а на граничните премини нема подолги задржувања за влез и за излез од државата.


Денеска облачно, со температура до 11 степени


Скопје, 11 јануари, 2018 - 9:02 (META) 

Во Македонија денеска времето ќе биде променливо облачно, а попладне во западниот дел од земјата се очекува слаб локален дожд, додека на повисоките  планини снег.

По одделни котлини ќе има појава на слаба магла, особено претпладне. Температурата ќе се движи од 4 до 11 Целзиусови степени.

Во Скопје ќе биде променливо облачно, со температура до 7 Целзиусови степени.