Воскреснувајќи го т.н. „Крвав Божик“ од 1945 г. во Македонија, бугарските медиуми го воскреснуваат националистичкиот мит


Скопје, 10 јануари, 2019 - 11:00 (META) 

Голем број бугарски медиуми во понеделникот, на денот на одбележувањето на Божик во Македонија излегоа со потсетување на, како што велат, „Крвавиот Божик“ од 7 јануари 1945 година, кога на територијата на сегашна Република Македонија, а тогашна Демократска Федерална Македонија, биле убиени „1.200 Бугари“.

За илустрација ќе го земеме текстот објавен од faktor.bg, каде покрај ова тврдење се зборува за многу поголема бројка убиени Бугари во периодот што следува:

На 7 јануари 1945 година, по наредба на крвавиот диктатор Тито, кој е Хрват по потекло, и список, составен од Лазар Колишевски, во Вардарска Македонија се убиени без суд и пресуда, 1.200 Бугари. Целта била да се избрише бугарското самосознание и да се забрза процесот на македонизација на населението. Само во првиот ден на Коледа – 7 јануари (во Македонија Коледа се нарекува Божик и се чествува според јулијанскиот календар) во Скопје се убиени 63 луѓе, во Велес – 54, во Куманово – 48, во Битола – 36, во Штип – 77, во Прилеп – 35, крај селото Владимирово, Беровско – 330 луѓе, а телата на убиените во Велес за закопани зад црквата „Свети Спас“ и кај Пуста Кула.

Во „Фактор.бг“ се наведува и дека „во следните неколку седмици во Охридско и Преспанско биле убивани цели семејства, по што телата им биле фрлани во Охридско Езеро и Преспанско Езеро или по падините на планината Галичица кај селото Отешево“:

Утврдено е убивањето на над 23.000 што се изјасниле како Бугари, а други 130.000 Бугари биле иселени, прогонети или испраќани во концентрациониот логор „Голи Оток“ или затворот „Идризово“.

Иако е несомнено дека некои од убиените, затвораните и прогонетите се чуствувале како Бугари, во отсуството на некаква документација што би ја потврдила толку големата бројка убиени во период од само неколку дена или седмици (на пример, во Владимирово и ден-денес никој не зборува ниту за 30, а камоли 300 убиени во само еден ден). Интересно е што во таа бројка што ја изнесуваат бугарските медиуми се внесени и офицери и војници што одбиле да одат на Сремскиот фронт бидејќи сакале да одат да го освојуваат Солун. Иако за речиси сите од нив биле изречени смртни пресуди, но тие не биле убиени, туку смртните пресуди биле потоа поништени.

Дополнително, од она што го утврди македонската историографија, но и искази за медиумите  давани по настапувањето на плурализмот на некои од затвораните, голем број од убиваните и затвораните биле цврсти заговорници на идејата за независна и голема Македонија, а голем број биле и помагачи на партизанското движење, како што е случајот со убиениот велешки лекар Богдан Поп Ѓорчев.

Несомнено е и дека, како што утврди македонската историографија по падот на социјализмот во 1991 година, дека голем број од убиваните и прогонуваните биле идеолошки противници на новата власт, односно биле само антикомунисти, а нивните имоти и богатства веднаш по егзекуциите и интернациите биле доделувани на новото раководство, што создава доволно сомнеж дека станувало збор за најгруба злоупотреба на власт и убивање преку набедување само заради лесно стекнување туѓ тешко спечален имот.

Дополнително, претседателот на двете заседанија на АСНОМ и прв претседател на Народното собрание на Македонија, Методија Андонов – Ченто, бил прогонуван и затворен но поради македонски национализам и идеи за независна Македонија. Нешто за што бил затворан и во Кралството СХС и при бугарската окупација.

Дополнително, како што несомнено потврдуваат и голем број од преживеаните затвореници од средината на 20. век во Идризово и интернираните во Голи Оток, нивни „цимери“ покрај неколкумина Бугари по убедување, биле голем број  комунисти по убедување, но поддржувачи на резолуцијата на Информбирото за Југославија во 1948 година, со кои тогашната власт безмилосно се пресметува.


Петиција во Словачка против тенковите на моторџиите „Ноќни волци“


Братислава, 6 август, 2018 - 9:48 (META) 

Повеќе од 200 истакнати имиња од Словачка ја потпишале досега петицијата со која се бара од премиерот Петер Пелегрини да преземе мерки за растурање на кампот на моторџиската група „Ноќни волци“, која има свои ограноци во многу земји, а е основана во Русија и ужива сесрдна поддршка од рускиот претседател Владимир Путин.

Петицијата беше покрената откако преку снимки се дозна дека се дозна дека во логорот на „Ноќни волци“ во Долна Крупа, на околу 65 километри североисточно од главниот град Братислава, има тенкови, оклопни возила и противавионски топови.


Пенс го посети логорот во Дахау


Минхен, 19 февруари, 2017 - 13:47 (META) 

Потпретседателот на САД, Мајкл Пенс го посети поранешниот нацистички концентрационен логор Дахау во Минхен.

Пенс во обиколката го придружувал и еден преживеан од логорот кој нацистите го основаа во 1933 година.

Логорот Дахау бил отворен два месеци по доаѓањето на Адолф Хилтер на власт. Таму биле држени повеќе од 200.000 луѓе од цела Европа, а умреле повеќе од 40.000.

Логорот бил ослободен од американските сили во април 1945 година.

Американскиот потпретседател вчера присуствуваше на Минхенската безбедносна конференција на која учествуваа странски дипломати и безбедносни службеници, а денеска ќе патува во Брисел каде што ќе се сретне со официјални лица на НАТО и ЕУ.


Германија: Откриени осум лица осомничени за нацистички воени злосторства


Берлин, 9 август, 2016 - 20:29 (META) 

Во Германија најмалку осум лица кои се осомничени за нацистички воени злосторства и кои се на возраст од околу 200 години, соопштија германските власти.

Како што соопшти шефот на Централното биро на провинциските судски власти за изјаснување на злосторствата на национализмот, Јенс Ромел четворица од осомничените се мажи, а четири се жени, а сите работеле во концентрациониот логор Штутхоф, во близина на полскиот град Гдањск, кој своевремено се викал Данцинг.

Според податоците на Ромел, мажите работеле како чувари во логорот, додека жените биле дактилографки или телефонистки.

Осомничените, кои се се родени во периодот од 1918 до 1927 година, може да бидат обвинети за соучество во убиство.


Книговодителот од Аушвиц осуден на четиригодишна затворска казна


Луенбург, 15 јули, 2015 - 16:24 (META) 

Германскиот суд денеска го осуди на затворска казна 94-годишниот Оскар Гронинг, поранешен чувар во нацистичкиот концентрационен логор Аушвиц, поради сооучесништво во убиството на најмалку 300.000 Евреи, јавува „Би-Би-Си“.

Гронинг, кој е познат по прекарот Книговодителот од Аушвиц, е осуден на казна затвор од четири години, но многумина што го следеа случајот, отслужувањето на казната го ставаат под знак прашалник, поради возраста на осуденикот.

Судскиот процес се одржа во градот Луенбург, во северниот дел на Германија.

Гронинг за време на неговата служба во Аушвиц бил задолжен за попис на предемтите што биле конфискувани од затворените во логорот.

Неговите адвокати изјавиле дека тој не учествувал во геноцидот, на што обвинителите одговориле дека, сепак, помогнал во функционирањето на логорот на смртта.

По завршувањето на судскиот процес, се смета дека Гронинг ќе биде еден од последните нацисти што седнале на обвинителна клупа.

Читајќи ја пресудата, судијата Франц Компиш рекол дека Гронинг своеволно прифатил „безбедна канцелариска работа“ во систем кој бил „нехуман и во целост неподнослив за човечката психа“.


Кралицата Елизабета ги посети поранешните концентрациони логори во Германија


Берлин, 26 јуни, 2015 - 19:43 (META) 

Британската кралица Елизабета Втора, во текот на последниот ден од нејзината посета на Германија, ги посети меморијалните центри на поранешниот концентрационен логор Берген-Белзен, што, како што оценуваат медиумите, е политички најзначајниот момент од нејзината посета.

Кралицата и нејзиниот сопруг Филип, по лична желба на кралицата првпат го посетиле логорот, кој британската војска го ослободила од нацистите.

Британската кралица во текот на оваа петта по ред посета на Германија во нејзиното 62-годишно владеење, се сретна со германската канцеларка Ангела Меркел и со германскиот претседател Јоахим Гаук, на чиј повик се реализираше оваа посета.

Германските медиуми, во извештаите за посетата на кралицата, укажуваат дека таа, на државната прослава кај претседателот Гаук, на кој присуствувале и британскиот премиер Дејвид Камерон, канцеларката Меркел и шефот на германската дипломатија, Франк-Валтер Штајнмајер, укажала дека поделбата на Европа би била опасна.


ИД упадна во бегалски камп во Дамаск


Дамаск, 1 април, 2015 - 17:35 (META) 

Припадниците на Исламска држава влегле во палестинскиот бегалски камп Јармук во Дамаск, јавува „Би-Би-Си“, повикувајќи се на палестински претставници.

Британската телевизија јавува дека без разлика на силниот отпор на Палестинците во логорот, џихадистите успеале да заземат голем дел од логорот. Борбите и понатаму траат.

Според очевидци, исламистите успеале да упаднат во логорот од предградието Хаџар Асвад.