!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Северна Кореја повторно лансираше балистички ракети


Пјонгјанг, 22 јуни, 2016 - 9:50 (META) 

Северна Кореја тестираше две балистички ракети од источното крајбрежје, пренесуваат светските медиуми.

Како што соопшти војската на Јужна Кореја, се верува дека станува збор за ракети со среден дострел.

Лансирањето на ракетите го забележала и американската војска, која соопшти дека нејзините сателити детектирале истрелување ракети, кои паднале во водите на Јапонското Море.


Северна Кореја најави лансирање сателит


Пјонгјанг, 2 февруари, 2016 - 18:20 (META) 

Северна Кореја ги објави плановите за лансирање сателит за набљудување кон крајот на месецов, соопшти денеска претставник на Меѓународната поморска агенција.

Лансирањето на сателитот со ракета би можело да предизвика негативни реакции во меѓународната јавност бидејќи меѓународната заедница ги смета севернокорејските ракетни тестови за проба на ракети со долг домет, односно развивање нуклеарна и ракетна програма.

Претставникот на Меѓународната поморска агенција со седиште во Лондон рече дека Северна Кореја објавила дека лансирањето на сателитот ќе биде изведено меѓу 8 и 25 февруари.

Јапонската агенција „Киодо“ јави дека Северна Кореја по „дипломатски канали“ ја известила Меѓународната телекомуникациска унија дека ќе лансира сателит.


„Спејс екс“ успешно ја лансираше и вертикално ја приземји ракетата „Фалкон 9“


Кејп Канаверал, 22 декември, 2015 - 10:09 (META) 

Американската компанија за вселенска технологија „Спејс екс“ (Space X) ноќеска успешно ја лансираше, а потоа ја приземји во исправена положба својата ракета без екипаж, што е прв ваков подвиг во историјата.

Пред да се спушти во вертикална позиција во Кејп Канаверал на Флорида, ракетата „Фалкон 9“ испорачала 11 комуникациски сателити во орбитата на Земјата.

Ова достигнување, како што пренесува „Би-Би-Си“, е поздравено и означено како пресвртница во употребата на ракетната технологија за вселенски цели.

Лансирањето на „Фалкон 9“ е прва успешна мисија на „Спејс екс“ откако во предходниот обид во јуни годинава нивната ракета експлодира кратко по полетувањето.

Ракетата ноќеска околу 2.20 часот била беспрекорно лансирана од главната лансирна рампа во Кејп Канаверал, а се вратила десетина минути подоцна, слетувајќи на околу 9,65 километри јужно од местото на лансирање.

Успешното лансирање на „Фалкон 9“ е огромен успех за приватната компанија за вселенски технологии од Калифорнија, „Спејс екс“, основана и управувана од Илон Маск.


Руски вселенски брод на пат кон Меѓународната вселенска станица


Москва, 3 јули, 2015 - 14:22 (META) 

Руска вселенска ракета од типот „Сојуз“, која носи товарен брод без човечки екипаж, денеска успешно полетала од космодромот „Бајконур“ во Казакстан и е на пат кон Меѓународната вселенска станица, јавуваат светските агенции.

Лансирањето на „Сојуз“ поминало беспрекорно. Ракетата го однела бродот „Прогрес М-28М“ во назначената орбита, на безбеден пат кон вселенската станица, со која, според планираното, треба да се спои в недела.

На Меѓународната вселенска станица се наоѓаат двајца руски и еден астронаут на американската вселенска агенција НАСА, кои се нетрпение го очекуваат товарниот брод, откако предходните две мисии за носење резерви на станицата завршија со неуспех.

Од руската вселенска агенција „Роскосмос“ соопштиле дека бродот носи 2,4 тони гориво, кислород, вода, храна и други продукти за екипажот на станицата.

Претходнот обид за лансирање на „Прогрес“, во април, годинава, заврши со неуспех, а идентичен исход имаше и обидот пред шест дена, кога ракетата „Фалкон 9“ на „Спејс икс“ експлодира само неколку минути по полетувањето од „Кејп Канаверал“ на Флорида.
На ова му претходеше и неуспешното лансирање на ракетата „Антарес“ на „Орбитал саенс“, во октомври минатата година, која, исто така, носеше товар за НАСА.


Ракетата на „Спејс икс“ експлодира веднаш по лансирањето од „Кејп Канаверал“


Кејп Канаверал, 29 јуни, 2015 - 10:45 (META) 

Американската вселенска ракета на „Спејс икс“, „Фалкон 9“, која требаше да однесе товарен брод на Меѓународната вселенска станица, се распадна во пламен само некоку минути по полетувањето од „Кејп Канаверал“ во Флорида, САД, пренесоа светските медиуми.

Делови од „Спејс икс“ паднале во Атлантскиот Океан.

Од американската влесенска агенција (НАСА) изјавиле дека продуктите за Меѓународната вселенска станица биле целосно уништени, но тоа нема да се одрази на екипажот на станицата, кој е обезбеден.

Тројцата астронаути имаат доволно храна, вода и опрема за потребните операции на станицата до крајот на октомври, а во меѓувреме треба да бидат посетени од руски и од јапонски екипи.

Како што пренесуваат медиумите, проблемот се случил 139 секунди по лансирањето, непосредно пред првата фаза, кога ракетата требало да се одвои од горниот дел на „Фалкон 9“.

„Имало прекумерен притисок во резервоарот за течен кислород во горниот дел“, напишал на „Твитер“, претседателот на „Спејс икс“, Елон Маск.

Компанијата на Маск ќе спроведен истрага за паѓањето на ракетата, која ќе биде надгледувана од Федералната авијациска администрација (ФАА) на САД, која има склучено комерцијален договор со калифорниската компанија за снабдување на Меѓународната вселенска станица.

Како што пренесува „Би-Би-Си“, ова значи дека во блиска иднина нема да има нови лансирања на „Фалкон 9“.


Полетува бродот што ќе носи луѓе на Марс


Кејп Каневерал, 4 декември, 2014 - 15:52 (META) 

НАСА-програмата што испраќа човечки екипаж на Марс денеска влезе во нова фаза!

Пробното лансирање на пропулзиониот систем (ракетен систем „Делта 4“) кој го носи вселенскиот брод „Орион“ е во тек! Системот треба да биде лансиран од лансирачката рампа во Флорида.

Бродот „Орион“ го дизајнираше компанијата „Локид Мартин“, а ќе мине 4-5 часа во орбитата, кружејќи 5.800 километри над земјата. Бродот лета без екипаж.

По тестирањата во земјината орбита, „Орион“ ќе „падне“ на Земјата со брзина од 32.190 км/час. Тогаш ќе биде тестиран бродскиот топлински штит и 11 падобрани.

Гледајте го лансирањето во живо.

Вака изгледа програмата што НАСА ја осмисли за вселенскиот брод „Орион“.