Талибанците повикуваат на директни разговори со САД за Авганистан


Кабул, 27 февруари, 2018 - 14:25 (META) 

Талибанците повикаа на директни преговори со Соединетите Американски Држави за пронаоѓање на мирно решение за судирите во Авганистан, што претставува пресврт во политиката по неколкумесечните крвави напади, јавуваат светските агенции.

Бројот на цивилни жртви се зголеми во последните неколку месеци, по низата крвопролевања што ги предизвикаа талибанците и милитантите на Исламска држава при нападите на урбани подрачја и на припадниците на безбедносните сили, како одговор на новата воена политика на претседателот на САД, Доналд Трамп.

Во соопштението, издадено синоќа, талибанците ги повикуваат американските официјални претставници на директни преговори за мирно решение во Авганистан.

Засега нема одговор од амерканската страна, која претходно инсистираше дека во било какви разговори мора да биде вклучена и авганистанската влада во Кабул.

Трамп во јануари, годинава отфрли одржување на разговори со талибанците, по низата напади во Кабул, кои што беа изврпени во хотелот „Интерконтинентал“, на улица во авганистанската престолнина и на воена единица, во кои загинаа повеќе од 130 лица.

Авганистанскиот претседател Ашрав Гани изјави дека авганистанските власти ќе претстават соепфатен план за мир со талибанците и Пакистан за време на конференцијата во Кабул.


Јанукович за „Би-Би-Си“: Жалам за крвопролевањето во Украина


Лондон, 23 јуни, 2015 - 10:22 (META) 

Поранешниот украински претседател, Виктор Јанукович, во интервју за „Би-Би-Си“, кое е негово прво интервју за западен медиум по неговото соборување од власт, рекол дека прифаќа дел од вината за убиствата на демонстранти за време на протестите на плоштадот Мајдан, во Киев, во февруари минатата година, настан што беше увертира за крвавиот конфликт во земјата и за негово симнување од власт.

Јанукович за „Би-Би-Си“ рекол дека тој не им наредил на безбедносните сили да стрелаат кон демонстрантите, но додал дека смета оти не сторил доволно за да го спречи крвопролевањето.

„Не дадов никаква наредба (за користење огнено оружје), тоа не беше под моја надлежност… Јас бев против употреба на сила и против крвопролевање“, рекол Јануковч и додал дека „припадниците на безбедносните сили ги исполниле своите должности во согласност со постојните закони“.

Повеќе од 100 луѓе ги загубија животите на плоштадот Мајдан, во судирите меѓу полицијата и демонстрантите што траеја со месеци.

Во февруари 2014 година, Јанукович, по соборувањето од власт, беше однесен од руските специјални сили на безбедно место во Русија.

Поранешиот украински претседател, анексијата на Крим од Русија ја нарекува трагедија, која немало да се случи ако тој останел на власт.

Тој ги отфрили сите обвинувања дека проневерил пари од државните фондови на Украина и дека криел пари на сметки во странски банки.