Бебе почина откако се оттргнало од рацете на баба му и паднало


Скопје, 7 март, 2018 - 10:59 (META) 

Женско бебе на на 14-месечна возраст вчера починало во приватна болница во Скопје, каде било пренесено откако паднало од височина од 2,5 метри.

Бебето се оттргнало од рацете на бабата кога биле на меѓуспрат во влез и преку прозорец паднало надвор.

Задобило скршеници на черепот и крварење во мозокот и покрај интервенцијата во болницата, починало вчера во 19.10 часот. Се работи на расчистување на случајот, велат од МВР.


Трудница во петти месец од бременоста искрварела до смрт на Клиниката за гинекологија


Скопје, 26 октомври, 2015 - 12:47 (META) 

Трудница во петтиот месец од бременоста починала од крварење на скопската клиника за гинекологија, јавува „Нова ТВ“.

Настанот го потврдија од МВР, кои велат дека вчера, во 21 часот, од Клиничкиот центар добиле известување дека починала пациентка на 38-годишна возраст.

Од Клиниката за гинекологија не го коментираат настанот, но за подоцна најавија соопштение за јавноста. Од Министерството за здравство, пак, велат дека не се запознаени за случајот.