!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Полициите на Македонија и на Косово ќе гонат криминалци што се кријат во двете држави


Скопје, 4 декември, 2017 - 16:21 (META) 

Министрите за внатрешни работи на Македонија и на Косово, Оливер Спасовски и Фламур Сефај, денеска во Скопје потпишаа договор за преземање лица со незаконски престој, кој е се однесува на мигрантската криза, како и протокол за прекугранично гонење на лица што учествувале во криминални активности и кои бараат засолниште во двете држави.

Соработката со Косово, Спасовски ја оцени како добра и додаде дека потпишувањето на денешните документи оди во насока на нејзино интензивирање.

– Само преку заедничка соработка можеме да ги држиме регионот и нашите две држави безбедни – истакна Спасовски.

Тој појасни дека со договорот за преземање лица со незаконски престој, се овозможува мигрантите што ќе бидат затекнати во двете држави да бидат вратени во земјите од каде доаѓаат. Протоколот, пак, треба да ги спречи лицата вмешани во криминал да се кријат во Косово и во Македонија.

Прашан за потерницата по двајцата обвинети во случајот „Монструм“ – Алил Демири и Африм Исмаиловиќ, Спасовски рече дека потпишувањето на протоколот се однесува на сите отворени барања кои ги имаат Македонија и Косово, односно да не можат осомничени за криминал да бараат засолниште во двете држави.

Во врска со истото прашање, Сефај рече дека косовските органи ќе постапат во согласност со законите и со меѓународното право.


ВМРО-ДПМНЕ го обвини СДСМ дека со насилство сака да ја освои власта


Скопје, 29 септември, 2017 - 16:33 (META) 

СДСМ се обидува да отствари изборен резултат со брутално насилство и со учество на криминалци, како и со злоупотреби на капацитетите на државата, обвини Никола Србов, член на извршниот комитет на ВМРО-ДПМНЕ, на партиска прес-конференција.

– Државата и институциите се веќе целосно заробени. Луѓето чии усти беа полни со демократија, сега истата ја укинаа на најбрутален начин. Вакво помрачување не било видено досега. Јавноста секојдневно е сведок на престрелки низ улиците каде жртви се неистомислениците на власта. Се демолираат штабови и се врши притисок. Се поднесуваат бројни измислени и монтирани кривични пријави против актуелни градоначалници и кандидати за градоначалници од ВМРО-ДПМНЕ – обвини Србов.

Тој рече дека во Македонија има досега невидена злоупотреба на институциите за партиски цели, дека МВР наместо да презема мерки за безбедноста на граѓаните и за осигурување фер и демократска атмосфера, стоело настрана и со тоа го поддржувало насилството и вандализирањето на штабовите. Тој го обвини и Министерството за труд и социјална политика дека е алатка на Социјалдемократскиот сојуз за дисциплинирање и за поткупување на гласачите.

Во партиското седиште, Златко Перински, исто така член на извршниот комитет на ВМРО-ДПМНЕ, го праша СДСМ каде се тие 500.000 фантоми за кои партијата предупредуваше пред парламентарните избори во декември лани.

– Главниот аргумент за непризнавање на изборните резултати им беше лагата за наводни 500.000 фантоми во избирачкиот список. Ги прашуваме Заев и Шекеринска каде исчезнаа 500.000 фантоми од претходните парламентарни избори? За оваа фрапантна бројка од фантоми кои живеат во државата, Социјалдемократскиот сојуз ја лажеше македонската јавност три месеци пред изборите. 500.000 фантоми одеднаш ги снема, а избирачкиот список се зголеми – рече тој.

Христијан Делев, пак, на третата прес-конференција, која се одржа веднаш по првите две, обвини дека Владата на СДСМ за само 110 дена ја уништила македонската економија.

– Индустриското производство во август годинава, во однос на истиот месец лани е намалено за цели 5,3 отсто. Индустриското производство тоне веќе трет месец по ред. Рударството забележа пад за 6,1 отсто, преработувачка индустрија опадна за историски рекордни 8 проценти, а  огромен пад има и на преработките од земјоделските производи. Неспособноста на СДС за менаџирање со парите на граѓаните ќе предизвика затворање на постојните индустриски капацитети, како и отселување на странските инвеститори – порача Делев.


ВМРО-ДПМНЕ: Владата на СДСМ со законот за амнестија прави изборна корупција


Скопје, 20 септември, 2017 - 9:34 (META) 

Одлуката на Владата на СДС за носење на амнестија е неиздржана и дневно политичка, стои во реакцијата на опозициската ВМРО-ДПМНЕ за предлог-законот за амнестија усвоен вчера на владина седница.

„Заев, иако ветува, нема да донесе амнестија пред изборите, но на овој начин сака да ги излаже и затворениците да гласаат за нив на изборите. Ова се вика и изборна корупција. Ваквите дворски криминално-коруптивни игри нема да им успеат. Тие ќе бидат казнети од граѓаните на изборите на 15 октомври“, стои во соопштението на ВМРО-ДПМНЕ.

Од партијата реагираат на привременото пуштање од затвор на Бајруш Сејдиу, осуден за 12-годишна затворска казна за перење пари, насилство, злосторничко здружување и за фалсификување.

„Заев пушта на слобода криминалци во пресрет на локалните избори. Со ова Владата на СДС станува синоним за бандитизам и за криминал. Овие луѓе со кривични дела зад себе ќе бидат ставени во функција во изборниот период. Заев знае дека ќе загуби и сега се ориентира кон недемократски методи кои значат корупција и уривање на демократскиот амбиент за избори“, велат од ВМРО-ДПМНЕ.


Полицијата во Манила убила 25 криминалци


Манила, 17 август, 2017 - 11:25 (META) 

Најмалку 25 криминалци се убиени во филипинскиот главен град Манила, за време на акција против наркотици, соопшти филипинската полиција.

Како што соопшти директорот на дисктрикот Манила, Жоел Наполеон Коронел, 14 криминалци се убиени во операцијата во рамки на „војната против дрогата“, како и 11 крадци, кои исто така биле поврзани се врзани со наркотиците.

Откако филипинскиот претседател Родриго Дуерте минатата година објави „војна против дрогата“ се убиени 3.264 дилери на дрога, а повеќе од 2.000 извршија самоубиство.


СДСМ: Македонија е трета во Европа по најлоши резултати на преживување од рак


Скопје, 16 февруари, 2017 - 12:54 (META) 

Европскиот здравствен индекс (ЕХЦИ), едно од најрелевантните истражувања за Европската комисија, за 2016 година покажа дека Македонија е трета во Европа по најлоши резултати на преживување на болни од малигни заболувања, се вели во соопштението на СДСМ.

Во него се додава дека, „10 години граѓаните болни од рак немаат достапни современи терапии.“

– За Никола Тодоров и за Никола Груевски беа поважни гипс картоните од 630 милиони евра за „Скопје 2014“, грамадното здание за нивното партиско седиште ВМРО-ДПМНЕ, тешко, според некои проценки до 30 милиони евра. Па и милионските тендери за наводна медицинска опрема од коишто корист има само во џебовите на криминалната власт – се додава во соопштението.

Од СДСМ велат дека новите лекови кои се промовираа се стари и повеќе од 10 години.

-Лекот „сорафениб“ за карционом на црн дроб е во употреба веќе 10 години, „оксалиплатин“ е 21 година во употреба, „бевацизумаб“ е лек со лиценца од пред 11 години. Да мислеа тие на граѓаните болни од рак, ќе им ги донесеа лековите на луѓето пред 10 години – велат од СДСМ и препорачуваат да престанат манипулациите со оваа ранлива категорија на граѓани.

 


ВМРО-ДПМНЕ: Катица Јанева е новиот Петре Шилегов и срам за правната фела


Скопје, 15 февруари, 2017 - 17:31 (META) 

Катица Јанева е новиот Петре Шилегов. Со последната скандалозна изјава дадена во ЕУ-Инфоцентарот во Скопје се промовираше во најверен поданик на аболицираниот криминалец Зоран Заев, кој лаже и клевети, давајќи политички изјави и квалификации, се вели во реакцијата на ВМРО-ДПМНЕ на изјавата на специјалната јавна обвинителка Катица Јанева дека СЈО не гони обични криминалци, туку криминална група во врвот на власта.

Во соопштението се вели дека „Катица Јанева е срам за правната фела.“

– Веќе нема дилеми дека таа не работи по закон, непристрасно и професионално. Катица Јанева е продолжена рака на СДСМ. Катица Јанева нема никаков професионален интегритет и кредибилитет. Затоа поддршката што ја има не оди подалеку од Бихаќка и од штабовите на СДСМ – се вели во реакцијата на ВМРО-ДПМНЕ.

Во неа исто така се додава дека „ако Катица Јанева навистина гонеше криминал, нејзиниот наредбодател Зоран Заев одамна ќе беше во затвор.“

– Катица Јанева има нарачка и цел да го оцрни и ослаби ВМРО-ДПМНЕ, како партија која секогаш застанувала на браникот на државните и национални интереси. Истата цел ја имале многумина пред неа и не успеале. Нема да успее ниту Катица Јанева – велат од ВМРО-ДПМНЕ.


Криминалците вежбаат стрелање во касарните на војската, тврди српскиот воен синдикат


Белград, 9 февруари, 2017 - 12:40 (META) 

Воениот синдикат на Србија поднесе кривични пријави против двајца високи офицери на српската војска, поради тоа што, како што тврдат, на луѓето од подземјето им овозможиле да стрелаат во една од воените касарни, јавува дописничката на „Мета“ од Белград.

Претседателот на тој синдикат, Новица Антиќ, денеска изјавил дека еден член на владата го користел истиот стрелачки погон.

Антиќ денеска за телевизијата „Н1“ изјавил дека со криминалците во објектите на српската војска дошол и еден член на владата.

Тој истакнал дека со криминалците дошол и тогашниот припадник на војската, а сега на жандармеријата Ненад Вучковиќ, за кој во медиумите се пишуваше дека е водач на навивачите на „Партизан“.

Еден од криминалците кој доаѓал во стрелачкиот полигон во меѓувреме бил убиен, а другиот бил уапсен под сомнеж дека е вмешан во убиство на наркодилер во центарот на Белград.

Генералшатбот на војската на Србија ги отфрлил сите обвинувања со тврдење дека синдикатот не приложил докази.

Според оценките на аналитичарите, овој случај повторно го отвора прашањето за врските на припадниците на војската и на полицијата со луѓето од подземјето, кои постојат со децении.

Воениот и полицискиот синдикат, инаку, со месеци укажуваат на тешка материјална и социјална положба, но и на, како што тврдат, на уривање на безбедносниот систем поради што на 11 февруари најавија нови протести пред зградата на Владата на Србија.


Европол уапси 24 од најбараните криминалци


Хаг, 30 ноември, 2016 - 16:57 (META) 

Европската полициска служба (Европол) денеска соопшти дека уапсила 24 од 60 криминалци кои се наоѓаат на листата најбарани во Европа.

Како што се наведува во соопштението, многу криминалци од листата и понатаму се кријат во Европа, поради што Европол заедно со Европската мрежа за барање бегалци (ЕНФАСТ) од 1 до 23 декември секој ден ќе објавува по една фотографија од бегалец кој е баран во една од 23 различни европски земји.

Европол истакна дека откако на почетокот на годинава беа објавени листи со имиња и со фотографии од 60 најбарани лица, кои се осудени или осомничени за убиство, киднапирање, тероризам, трговија со дрога, голем дел веќе се фатени благодарение на медиумското внимание што го предизвикаа.

„Многу од нив и понатаму се кријат во Европа и европските агенции со спроведување на законот заедно работат за да ги фатат. Сите овие криминалци бегаат од одговорност и од казни, а тоа тешко им паѓа не само на жртвите, туку и на семејствата и на пријателите на жртвите“, стои во соопштението.


„Шарена револуција“: Грешни сте цела влада и затоа ќе одговарате


Скопје, 25 мај, 2016 - 20:58 (META) 

Лидерот на СДСМ, Зоран Заев и заменик претседателката на партијата, Радмила Шекеринска вечерва протестираа заедно со „Шарената револуција“ и фрлаа боја врз зградата на Министерството за правда. Полицискиот кордон кој го чуваше Министерството им дозволи на неколку демонстранти со пушки со боја да го поминат кордонот и одблиску да ја бојат зградата.

– Овде сме да се солидаризираме со сите другари и другарки кои се повикани во полициските станици и казнети со по 50 евра. Тука сме сите. Сите фрлавме боја, нека не казнат сите. Не можат да не казнат сите и да не затворат. Оваа криминална влада мора да падне – рече Заев пред Министерството за правда, каде се палеа и факели и се скандираше „Мафија на робија“ и „Шутка не ти бега Никола“.

Претходно голем број на граѓани пред Специјалното јавно обвинителство (СЈО) потпишуваа изјави дека боеле со „Шарената револуција“.

Потписите се собираа како поддршка на оние што се приведени поради боење државни институции и кои се повикувани на информативен разговор во МВР.

Главната парола на демонстрантите беше „Се пријавувам, и јас сум хулиган-ка“.

На патот кон Собранието демонстрантите застанаа пред средното училиште Јосип Броз Тито, каде пред споменикот му оддадоа почит за Денот на младоста, 25 мај.

Пред неговиот споменик демонстрантите положија цвеќе и оставија порака „За Тито штафета на младоста, за Грујо паштета на гадоста“.

„Шарената револуција“, обележува и ќе продолжи да обележува се што е грешка на ова општество, рече активистката Ирена Стериева пред Собранието.

– Затоа ќе порачам, со заплашувањата нема ништо да направите. Собранието е грешка, Министерството за правда е грешка, Уставниот суд е грешка и Министерството за култура е грешка и тоа голема. Затоа и ги обележуваме. Грешни сте цела влада и затоа ќе одговарате -заклучи Стериева.

Професорката Мирјана Најчевска, која утринава беше на информативен разговор во полициската станица „Беко“, рече дека не се плаши и дека повеќе не се работи за идентитетот, за идеализмот и за хероите, туку се работи за денес и за овде.

– Се работи за тоа дека не терате да мољакаме за она што ни припаѓа. Не терате да се лигавиме за секоја коска што ќе ни ја фрлите. Се работи за тоа дека со ниту една нога не сме влезени во 21 век. Се работи за тоа дека сме заглавени во овој кенеф за кој не убедувате дека е светска палата. Се работи за тоа дека ни ја заробивте иднината, како на нас, така и на нашите деца. Доста е – рече Најчевска.


Избираме бојкот наместо ВМРО-ДПМНЕ, порача „Шарената револуција“ од Битола


Битола, 16 мај, 2016 - 20:29 (META) 

„Ако има избор, кој е тој избор? Меѓу што ќе избираме, меѓу бојкот и ВМРО-ДПМНЕ?“, беше главното прашање што денеска го поставија демонстрантите од „Шарената револуција“ во Битола.

Еден од водачите на протестот, Илија Балтовски, на присутните им го постави прашањето дали ќе одберат бојкот или ќе го одберат ВМРО-ДПМНЕ, по што сите скандираа „Бојкот, бојкот, бојкот“.

Балтовски, исто така, рече дека причината што денеска помалку полиција ја обезбедуваше општинската зграда е дека таа конечно сфатила дека демонстрантите не се против неа, туку против аболираните криминалци од врхушката на власт.

Стотици битолчани и денеска маршираа низ градот од плоштадот Магнолија, пред судовите и општината, па заминаа на кружниот тек кај Педагошкиот факултет, каде што градоначалникот Владимир Талески неодамна постави фигура, филџан за добредојде во градот.

Таму, тие го блокираа патот кон Ресен и на сите сообраќajни знаци залепија пари со ликот на градоначалникот, а залепија и налепници на кои пишува „Оставка од двојче“.

Демонстрантите носеа транспаренти на кои пишуваше „Класна борба“, „Слобода за демонстрантите од притвор“, „Криминалците в затвор“, „Оставка од Талевски и ВМРО-ДПМНЕ“.