!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Косовец приведен во кругот на касарната Илинден


Скопје, 14 ноември, 2017 - 17:15 (META) 

Педесет и осумгодишен косовски државјанин со иницијали Х.Р. вчера бил приведен во полициската станица Карпош, откако бил затекнат во кругот на касарната „Илинден“ во Скопје.

Косовецот, како што информираат од МВР, бил приведен под сомнение за „неовластено влегување во воени објекти и правење скици или цртежи на воени објекти и борбени средства“.

Од МВР додаваат дека по „целосно расветлување и документирање на случајот против лицето ќе биде поднесена соодветна пријава и ќе се преземат понатамошни дејствија“.

Инаку, на почетокот на октомври годинава, во кругот на касарната „Илинден“ беше уапсен 30-годишен британски дражјанин, исто така, поради сомневање за сторено кривично дело „неовластено влегување во воени објекти и правење скици или цртежи на воени објекти и борбени средства“.


МВР: Косовец, амнестиран во 2002 година, осомничен за нелегално поседување на оружје


Скопје, 6 август, 2016 - 13:20 (META) 

Секторот за внатрешни работи Скопје поднел кривична пријава против 48-годишниот косовски државјанин М.Р., кој се товари за неовластено изработување, држење, посредување и тргување со оружје и распрскувачки материи, информираат од МВР.

Според полициските информации, на 3 август бил извршен претрес во куќата каде престојувал осомничениот и во неа биле пронајдени и запленети ловечка пушка, 120 куршуми за светлосен сигнален пиштол, една рамка за автоматска пушка, еден патрон за ловечка пушка со калибар 12 милиметри и еден куршум со непознат калибар.

Судија на претходна постапка на осомничениот косовски државјанин му одредил притвор од 30 дена.

Полицијата извршила и проверки во Интерпол и утврдила дека осомничениот се бара од косовските власти поради кривично дело неовластен увоз, извоз, снабдување, транспорт, производство, размена, посредување или продажба на оружје или ексползивни материи.

Осомничениот, се додава во информацијата од МВР, во 1999 година „заедно со уште тројца Албанци, државјани на Република Македонија бил кривично пријавен за подготвување на тероризам, а со Законот за амнестија од 2002 година бил целосно амнестиран“.