МЗТ загуби од Цибона


Загреб, 15 декември, 2014 - 10:28 (META) 

Кошаркарите на МЗТ Скопје на гостувањетo во Хрватска, од Цибона го доживеа осмиот пораз во регионалната АБА-лига (70:61).

Најефикансен кошаркар кај МЗТ беше Диксон со 18 постигнати поени, а најдобар поединец на натпреварот беше Лалиќ кој уфрли 20 поени. Македонскиот интернационалец Владо Илиевски забележа пет поени и три асистенции.


Џастин Тимберлејк на кошарка со баба му


Мемфис, 12 декември, 2014 - 17:01 (META) 

Пејачот Џастин Тимберлејк на социјалната мрежа „Инстаграм“ постави заедничка слика со баба му, Сади Бомар, на кошаркарски натпревар помеѓу „Мемфис гризлис“ и „Мајами хит“.

Тој на сликата напишал дека нивниот фаворит, тимот од Мемфис, победил со 16 поени разлика затоа што баба му им донела среќа.


Кливленд со осум победи во низа


Кливленд, 10 декември, 2014 - 11:25 (META) 

Кливленд вчеравечер на свој терен го победи лидерот на Источната конференција, тимот на Торонто. Со тоа ја извојува осмата победа во низа.

Торонто има резултат од 16 победи и од шест порази, додека Кливленд ја забележа 13. победа во 20 одиграни натпревари.

Резултати на ноќешните дуели:

Кливленд – Торонто 105:101, Детроит – Портланд 86:98, Мемфис – Далас 114:105,Њу Орлеанс – Њујорк 104:93, Оклахома Сити – Милвоки 114:101, Феникс – Мајами 97:103, Јута – Сан Антонио 100:96 и ЛА Лејкерс – Сакраменто 98:95.

Вечерва се играат 10 натпреварите:

Шарлот – Бостон, Индијана – ЛА Клиперс, Орландо – Вашингтон, Атланта – Филаделфија, Чикаго – Бруклин, Минесота – Портланд, Далас – Њу Орлеанс, Сан Антонио – Њујорк, Голден Стејт – Хјустон и Денвер – Мајами.


МЗТ – Скопје му гостува на Унион Олимпија во Љубљана


Љубљана, 29 ноември, 2014 - 11:48 (META) 

Во рамките од 10. коло во АБА-лигата, МЗТ – Скопје денеска, со почеток во 21 часот, ќе му гостува на тимот на Унион Олимпија во Љубљана, Словенија.

Ова е трета средба на Унион Олимпија и на МЗТ во рамки на Јадранската лига, а досегашниот резултат е 1-1.


Перо Антиќ и Аталанта ја извојуваа осмата победа во НБА


Аталанта, 29 ноември, 2014 - 11:32 (META) 

Со победата на домашен терен против Њу Орлеанс од 100-91, Аталанта ја извојува осмата победа во НБА-лигата .

Перо Антиќ оствари пет поени, два скока и една асистенција, а на паркетот помина 21 минута.

Најдобар во домашниот состав беше Тиг, со 26 поени.

Атланта се наоѓа на петтото место, со осум победи и со шест порази.

НБА-резултати:

Портланд – Мемфис 99-112

ЛА лејкерс – Минесота 119-120

Денвер – Феникс 122-97

Оклахома сити – Њујорк 105-78

Индијана – Орландо 98-83

Хјустон – ЛА клиперс 85-102

Сан Антонио – Сакраменто 112-104

Шарлот – Голден стејт 101-106

Атланта – Њу Орлеанс 100-91

Торонто – Далас 102-106

Детроит – Милвоки 88-104

Бостон – Чикаго 102-109


НБА: Торонто ја забележа шестата последователна победа


Совладувајќи ја Атланта со 126:115, Торонто ја забележа шестата последователна победа. Перо Антиќ одигра 17 минути и забележа пет поени, три скока и една асистенција додека прв стрелец во тимот со 24 поени беше Џеф Тиг.
Во Торонто, Де Мар де Розан постигна 27 поени, а Лу Вилијамс-22.

Сан Антонио ја продолжи победничката серија совладувајќи ја Индијана со 106:100.

НБА-резултати:

Шарлот – Портланд 97:105
Кливленд – Вашингтон 113:87
Орландо – Голден стејт 96:111
Филаделфија – Бруклин 91:99
Атланта – Торонто 115:126
Далас – Њујорк 109:102 (продолженија)
Детроит – ЛА клиперс 98:104
Хјустон – Сакраменто 102:89
Минесота – Милвоки 86:103
Оклахома – Јута 97:82
Сан Антонио – Индијана 106:100
Феникс – Денвер 120:112
ЛА лејкерс – Мемфис 93:99


Работнички останува во Прва лига


Скопје, 13 ноември, 2014 - 8:19 (META) 

Арбитражната комисија на Кошаркарската федерација на Македонија ја укина одлуката на комесарот Бобан Јосифовски, КК Работнички да биде исфрлен во трета лига по прекинот на дуелот со МЗТ Скопје Аеродром во „Градски парк“.

Членовите на комисијата ја уважија жалбата на Работнички и повторно му го вратија случајот на решавање на Комесарот на натпреварувањето чија одлука сметаат дека е нејасна и нецелосна и неподобна за испитување. Во одлуката на Комисијата се вели дека комесарот не ги навел сите докази и не ги утврдил сите факти за донесување правилна и прописна одлука во овој предмет.
Арбитражната комисија одлучила дека комесарот треба да ја донесе новата одлука во следните 24 часа.


Коби Брајант рекордер по промашувања


Лос Анџелес, 12 ноември, 2014 - 10:10 (META) 

Кошаркарот на Лос Анџелес лејкерс, Коби Брајант, почна да руши и негативни рекорди. Тој од синоќа е рекордер по промашени шутеви во НБА-лигата.

Брајант во поразот на Лејкерс од Мемфис го сруши негативниот рекорд кој досега го држеше легендата на Бостон, Џон Хавличек, промашувајќи по 13.418. пат во кариерата. Натпреварот го заврши со 28 поени, седум скокови и со шест асистенции.

– Јас сум бек и стрелец кој игра во оваа лига веќе 19 години. Значи, бек и стрелец – 19 години – истакна Брајант, алудирајќи дека не е ништо страшно што го соборил негативниот рекорд.


МЗТ со нов пораз во Белград


Белград, 9 ноември, 2014 - 10:49 (META) 

Кошаркарите на македонскиот шампион МЗТ Скопје Аеродром претрпеа нов пораз во АБА-лигата откако синоќа загубија од Партизан во Белград со 65:50 (11 : 15,18 : 14,21 : 11,15 : 10). Ова за „металците“ е трет пораз по ред. По оставката на тренерот Врбица Стефанов, натпреварот го водеше неговиот помошник Боби Митев.

Освен првата четвртина, која им припадна на кошаркарите на МЗТ Скопје, во другите Партизан беше подобар, а предноста ја направи во третиот период (+10) откако на полувремето беше 29:29. МЗТ Скопје Аеродром по седум кола има две победи и пет порази и се наоѓа на 10. место.

Најефикасен на натпреварот беше Вања Маринковиќ со 20 поени, додека кај МЗТ Скопје, Дамјан Стојановски реализираше 10 поени.

На другите натпревари од 7. коло одиграни вчера беа постигнати следниве резултати: Задар – Олимпија 60:67 и Будуќност – Мега Визура 88:80.

Денеска се играат дуелите: Шолнок – Црвена звезда, Крка – Цибона и Металац – Игокеа, додека оваа рунда ќе биде комплетирана утре со натпреварот Цедевита – Левски.


Лестер Бо Мекејлеб се сели во Валенсија


Валенсија, 8 ноември, 2014 - 10:38 (META) 

Кошаркарскиот клуб Валенсија покажува сериозен интерес за Американецот со македонски пасош, Лестер Бо Мекејлеб и, според шпанските медиуми, договорот би можел да биде потпишан во наредните денови.

Тренерот на Валенсија, Велимир Перасовиќ, е заинтересиран за Мекејлеб откако екипата ја напушти Двајт Бајкс, кој се врати во САД. Валенсија ја забележа првата победа во Евролигата откако во четвртото коло славеше над Лаборач Куча со 79:69.

Лестер Бо Мекејлеб е без клуб откако му заврши договорот со Фенербахче Улкер. Тој изминатиот месец се поврзуваше со трансфер во Галатасарај и во белградски Партизан.