!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Руските сили уништиле конвој на ИД во Сирија


Москва, 21 август, 2017 - 10:29 (META) 

Министерството за одбрана на Русија соопшти дека руските воздухопловни сили убиле околу 200 припадници на Исламска држава, кои во голема колона се движеле кон сирискиот град Деир ел Зор.

„Руската воена авијација елиминирала уште еден голем конвој џихадисти на ИД кои биле на патот кон Деир ел Зор, каде се обидуваат да се прегрупираат и да воспостават упориште во Сирија“, соопшти руското министерство.

Како што се наведува, уништени се околу 20 возила со оружје од голем калибар и гранати, како и тенкови и други видови возила.

Министерството наведе дека џихадистите во текот на август се обиделе да ги концентрираат своите сили во истоимената провинција Деир ел Зор.

„Поразот на ИД во регионот Деир ел Зор ќе биде стратешки пораз на оваа меѓународна терористичка група во Сирија“, наведе министерството.


Тргна хуманитарната помош од Бугарија за бегалците во Македонија


Софија, 24 март, 2016 - 11:17 (META) 

Изутринава од Софија, два камиона со хуманитарна помош за бегалците и за мигрантите во транзитниот центар Табановце, крај Куманово, тргна кон Македонија, стои на веб-страницата на Владата на Бугарија.

Донацијата е на иницијатива на бугарскиот премиер Бојко Борисов, а се прави во соработка со бугарскиот Црвен крст и со бугарски компании кои доброволно обезбедиле прехранбени продукти и минерална вода.

Ова е трет конвој хуманитарна помош што се организира на иницијатива на Владата на Бугарија. Првиот беше упатен во Унгарија, а вториот во Грција. Во транзитниот центар во Табановце во моментов се блокирани околу 1.500 мажи, жени и деца.


Хуманитарна помош за 13.000 семејства во Алепо


Алепо, 16 март, 2016 - 10:23 (META) 

Конвој од 26 камиони, довезе хуманитарна помош за 13.000 семејства во покраината Алепо, на северот на Сирија, која е погодена од неодамнешни борби, објави Меѓународниот комитет на Црвен крст.

Испораката на хуманитарна помош од сириската Црвена полумесечина во градовите Азаз, Африн и Тал Рифат ќе биде најголема во оваа област. Во меѓувреме, и во болниците била испорачана нова помош.

По примирјето во Западна Сирија намалено е насилството, но борбите не се сопрени.


Бројот на загинати во бомбашкиот напад во Анкара се искачи на 28 лица


Анкара, 17 февруари, 2016 - 20:49 (META) 

Бројот на загинати во бомбашкиот напад во центарот на Анкара се искачи на 28, а бројот на повредени лица надминува 60.

Мехмет Киличер, градоначалникот на Анкара, рече дека експлозијата била намента за конвојот од воени возила што поминувал низ центарот на Анкара, во близина на парламентот, зградите на владата и на воените касарни.

Експлозијата била предизвикана од автомобил-бомба, кој се движел во близина на конвојот од воени возила.

Претседателот на државата, Реџеп Таип Ердоган, свикал итен состанок за безбедноста со највисоките функционери во државата, а премиерот Ахмет Давутоглу го откажа своето патување во Брисел за да може да присуствува на состанокот.


Пет лица загинаа, а десетина се повредени во бомбашки напад во Анкара


Анкара, 17 февруари, 2016 - 18:58 (META) 

Најмалку пет лица загинаа, а десет се повредни во бомбашки напад во главниот град на Турција, Анкара.

Како што јавуваат локалните власти, бомбата експлодирала од автомобил што во моментот се движел.

Како што изјавија властите, се верува дека бомбата била насочена кон конвој од воени возила.

Турската полиција направи кордон за безбедност околу целата област.

Портпаролот на владејачката Партија за правда и развој објави дека експлозијата се случила во близина на парламентот, зградата на владата и на генералштабот на турската армија и оти тоа е „акт на тероризам“.


Котевски: Ангажиравме „соодветен број“ полицајци за протестот


Скопје, 17 мај, 2015 - 12:45 (META) 

„Соодветен број полициски службеници“ ќе бидат ангажирани  од Министреството за внатрешни работи (МВР) за обезбедување и за одржување на редот и на мирот на денешниот голем митинг во Скопје, изјави за „Мета“ помошникот-министер за односи со јавноста на МВР, Иво Котевски.

На булеварот Партизански одреди може да се забележи конвој од полициски оклопни возила како се движат кон центарот на градот.

Котевски за „Мета“ потврди дека станува збор за „дел од мерките за обезбедување на собирот“.

Тој не сакаше да потврди, но извесно е дека покрај редовните, ќе бидат ангажиран и припадници на специјалната полициска единица.


Руски конвој тргна кон Украина


Москва, 27 ноември, 2014 - 12:02 (META) 

Уште еден конвој со хуманитарна помош за граѓаните од Источна Украина тргна од Ногинск, соопшти претставник на руското Министерство за итни случаи.

Околу 60 камиони, утринава тргнаа од московскиот регион, носејќи конзервирана храна, шеќер, стакло и материјали за поправка на покривите, соопшто заменик-шефот на Националниот ценар за управување со кризни ситуации Олег Воронов.

Рускиот заменик министер за итни ситуации Владимир Степанов на почетокот од неделава соопшти дека осмиот конвој ќе испорача 1.000 тони хуманитарна помош.

Од средината на август до средината на септември, Русија испрати седум конвои со 8.000 тона хуманитарна помош за Донецк и за Луганск, на истокот на Украина.


(ВИДЕО) Пукано на конвој на ОБСЕ во Источна Украина


Маринка, 20 ноември, 2014 - 12:53 (META) 

Униформирани лица на истокот на Украина вчера стрелаа на конвојот на меѓународните набљудувачи на Организацијата за европска безбедност и соработка, соопштија денеска од ОБСЕ.

Во соопштението се наведува дека униформираните мажи двапати пукале во возилата во движење, во близина на градот Маринка, кој е под контрола на владините сили е на 15 километри западно од Донецк.

„Куршумите минаа на околу два метра од возилото на ОБСЕ“, стои во соопштението.

Конвојот веднаш го напуштил местото по стрелбата.

Тимот на ОБСЕ се наоѓа на истокот на Украина за да ја надгледува примената на постигнатото примирје меѓу владините и проруските сили.

https://www.youtube.com/watch?v=1D0Dh2_OG6E