!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Запленети 5,8 тони кокаин во Шпанија


Мадрид, 5 декември, 2017 - 15:16 (META) 

Шпанската полиција одзела 5,8 тони кокаин, што е најголема заплена во последните 18 години, соопшти денеска шпанското министерство за внатрешни работи.

Дрогата е откриена во контејнер на брод, кој впловил во шпанско пристаниште од Меделина во Колумбија, а притоа се уапсени три лица, меѓу кои и директорот на увозната компанија.

Полицијата соопшти дека уште најмалку две лица се под истрага, а планирани се уште апсења.

Бродот, кој превезувал банани, бил запрен кај Алхесирас на 28 ноември, а вредноста на дрогата на црниот пазар се проценува на 210 милиони евра.

Догата била спакувана во пакети од еден килограм и била означена за евентуална дистрибуција кон бројни дестинации и организации, соопшти шпанското МВР.


380 килограми кокаин пронајдени во кутии со банани од Еквадор


Берлин, 10 април, 2017 - 19:56 (META) 

Германската полиција соопшти дека пронашла 384 килограми кокаин во кутии со банани испратени од Еквадор.

Работник од компанија за продажба на големо во Леверкузен ја информирал полицијата дека се сомнева дека има дрога во кутиите.

Полицијата наведе дека пронашла сомнителна супстанција во стотина пакети по еден килограм, во 26 кутии со банани, и дека примерите од прашокот покажуваат дека се работи за кокаин.

Кутиите со бананите биле испратени од Еквадор за Хамбург и оттаму со камиони биле пренесени во Леверкузен.

Полицијата пронашла и ГПС-предавател во една од кутиите, поради што се верува дека шверцерите планирале бргу да ја лоцираат дрогата во големото складиште.

Засега нема податоци за проценетата продажна вредност на пронајдената дрога.


Запленети повеќе од шест тони кокаин во Колумбија


Богота, 3 април, 2017 - 9:59 (META) 

Во Колумбија се запленети повеќе од шест тони кокаин наменет за црниот пазар во Шпанија, што претставува најголема заплена на дрога во земјата, соопшти денеска полицијата.

„Полицијата го зададе засега најголемиот удар на организираниот криминал, запленувајќи 6.134 килограми кокаин во местото Баранкиља. Кокаинот бил наменет за Шпанија“, наведе полицијата.

Министерот за одбрана, Луис Карлос Виљегас, го посети пристаништето Баранкиља, на северот на земјата, од каде кокаинот требало да биде префрлен во Европа.

Дрогата ѝ припаѓала на криминалната група Заливски клан, со која раководи Даиро Антонио Узуга, во моментов најбараниот криминалец во Колумбија, а неговиот клан го сочинуваат припадници на десничарската паравоена единица.
Колумбија е најголем светски произведувач на растението кока, кое се одгледува на површина од 96.000 хектари.


Запленети 2,7 тони кокаин во Еквадор и во Костарика


Сан Хозе, 24 март, 2017 - 13:45 (META) 

Колумбиските власти во две операции кај брегот на Еквадор и на Костарика заплениле 2,7 тони кокаин наменет за пазарот на САД.

Операцијата е спроведена во соработка со соседните земји и со Интерпол, соопшти доцна синоќа колумбиската полиција.

Првата операција е спроведена во територијалните води на Еквадор во Тихиот Океан, при што е запленети се 1.433 килограми кокаин. Другата акција е спроведена кај Костарика, каде запленети се 1.268 килограми кокаин.

Колумбија е најголемиот светски произведувал на растението кока, но и на кокаин.


Во Колумбија уништени 168 лаборатории за кокаин


Богота, 21 февруари, 2017 - 11:13 (META) 

Колумбиската полиција соопшти дека уништила 168 лаборатории за производство на кокаин во една прашума на југот на земјата.

Полицијата наведе дека минатата недела во прашума открила и уништила „168 лаборатории за производство на кокаин“, кои ѝ припаѓале на една шверцерска организација.

За време на операцијата, во која учествувала и војската, запленети се 4,5 тони кокаин во течна состојба, околу 65.000 литри раствор и 2,4 тони цврста материја која се користи за производство на дрогата.

Колумбија е најголемиот светски произведувач на билката кока со 96.000 хектари и со произведени 646 тони кокаин во 2015 година.


Пратка кокаин вредна 145 милиони евра запленета во Германија


Хамбург, 3 февруари, 2017 - 21:24 (META) 

Во пристаништето Хамбург службеници на германската царина фатиле пратка од 717 килограми кокаин, која доколку била продадена на улица, според проценките, би донела 145 милиони евра за шверцерите. Шефот на истражната канцеларија во царината во Хамбург, Рене Мачке, за германските медиуми изјавил дека тоа е најголемата поединечна заплена на дрога во историјата на Германија и дека кокаинот бил со многу висок квалитет.

Дрогата била запленета на 18 јануари, а била пронајдена во бродски контејнер пристигнат од карипскоиот остров Курасао, кој ѝ припаѓа на Холандија. Мачке наведува дека дрогата е  на меѓународна мрежа трговци со дрога и дека е поврзана со случај на киднапирање во Холандија во понеделникот.


Запленети повеќе од 2,5 тона кокаин во Шпанија


Мадрид, 6 декември, 2016 - 15:10 (META) 

Шпанската полиција соопшти дека запленила повеќе од 2,5 тони кокаин на марокански рибарски брод и уапсила 24 лица.
Тоа е прва заедничка поморска полициска операција на Шпанија и на Мароко, се наведува во соопштението на шпанското министерство за внатрешни работи.

Дрогата пристигнала од Јужна Америка до Мароко и се наоѓала на брод, околу 100 километри од западниот брег на Сахара.

Меѓу уапсените се наоѓаат Шпанци, Колумбијци и Мароканци.

Шпанија е една од земјите преку која во Европа влегува хашиш од Мароко и кокаин од Латинска Америка.


Запленет еден тон кокаин во Франција


Бајон, 2 декември, 2016 - 9:48 (META) 

Француската полиција во магацин во францускиот град Бајон заплени повеќе од еден тон кокаин, кој со авион е пренесен од Колумбија, изјави обвинител од градот Бордо.

Се проценува дека вредноста на дрогата на црниот пазар изнесува околу 100 милиони евра.

Во акцијата се уапсени десет лица од Колумбија, Франција, Шпанија и од Холандија, под сомнеж дека се вмешани во внесувањето на кокаинот во Франција.


Европол уапси повеќе од 300 лица и заплени еден тон кокаин


Хаг, 19 октомври, 2016 - 13:07 (META) 

Полицијата уапсила повеќе од 300 лица и запленила повеќе од еден тон кокаин во еднонеделната акција против мрежа што се занимава со трговија на наркотици, криумчарење на луѓе и со криминал во Европа и пошироко, соопшти денеска Европол.

Преку истрагата била откриена една лажна туристичка агенција во Грција која помагала во трговијата со луѓе и бордел во Австрија каде што канабисот бил одгледуван, пренесуваат светските медиуми.

Европол соопштува дека агенцијата ги координирала истрагите во ЕУ и 24 држави надвор од Унијата и дека во операцијата биле откриени криминални мрежи со потекло од Нигерија, Азија, Источна Европа и од други области.

„Земјите и организациите во светот кои работат заедно како еден субјект се современ одговор на тешкиот и организиран криминал кој не познава граници,“ изјави директорот на Европол, Роб Вејнрајт.

Полицијата, како што се додава во соопштението, идентификувала повеќе од 500 жртви на трговијата со луѓе.


Старец од Гостивар уапсен за продажба на кокаин


Гостивар, 28 август, 2016 - 13:29 (META) 

Министерството за внатрешни работи го уапси 73-годишниот М.А. од Гостивар поради сомнеж дека неовластено произведувал и пуштал во промет наркотични дроги, психотропни супстанци и прекурсори.

„Пријавениот, од засега непознато лице, албански државјанин, презел наркотична дрога кокаин со намера да ја транспортира и да ја предаде на лице во Австрија, со што би стекнал противправна имотна корист од 700 евра. Во периодот од 12 до 18 август, М.А. остварил средба со лицето во Гостивар, при што му била предадена црна патничка торба, во која била сместена наркотичната дрога кокаин и 350 евра, а другите 350 евра требало да му бидат дадени од лицето во Виена, по успешниот меѓународен транспорт“, информираат од МВР.

Пронајдената прашкаста материја е доставена до одделот за криминалистичко-технички испитувања и вештачења при МВР, при што утврдено е дека се работи за 580 грама кокаин.

Судија на претходна постапка по поднесената кривична пријава на осомничениот му определил притвор во траење од 30 дена.