Ученик уби двајца во средно училиште во САД


Луивил, 24 јануари, 2018 - 11:57 (META) 

Двајца мртви и 17 ранети и повредени е епилогот на крвавиот напад што вчера се случил во средното училиште Маршал Каунти во Бентон, во американската држава Кентаки. Нападот го извршил 15-годишен ученик, а жртвите се негови врсници.

Според полицијата, убиецот, кој не е идентификуван, бил уапсен 15-тина минути по нападот во кој животите ги загубија една девојка и едно момче.

Напаѓачот пукал во група ученици, пред почетокот на наставата, и погодил 14 ученици, меѓу кои биле и убиените. Другите петмина биле повредени при бегањето.


Седумгодишно девојче преживеа авионска несреќа


Франкфорт, 3 јануари, 2015 - 12:59 (META) 

Во петокот вечерта по американско време, седумгодишно девојче преживеало авионска несреќа во една од шумите во Кентаки, САД. Покрај девојчето, во малиот авион имало уште четворица кои не го преживеале падот на леталото, а меѓу нив биле и нејзините родители.

Се верува дека покрај пилотот, со ова семејство летала и бебиситерката. Никој не го чул рушењето на авионот бидејќи паднал во шума близу викенд-населба во која речиси и да немало гости.

Како што јавуваат американските медиуми, девојчето поминало без поголеми повреди.