!На 1 февруари 2017 година, завршува промотивниот период на слободно користење, без регистрација и без претплата, на содржините на „Мета“, кое беше воведено за да им овозможиме полесен пристап на корисниците до навремени и проверени вести. За начинот на пристап и за претплата, од 1 февруари 2017 година ќе информираме дополнително. При пренесувањето и преземањето на содржините од „Мета“, задолжително е атрибуирање и линкување.

Охрид денеска како во екот на туристичката сезона 


Охрид, 1 јануари, 2017 - 17:24 (META) 

Невообичаено топлото време за овој период од годината, ги наполни шеталиштето, парковите и кафулињата во Охрид.

Овој продолжен празничен викенд во Охрид донесе голем број гости. Тоа можеше да се забележи по улиците и на паркиралиштата, кои изгледаа како среде туристичка сезона.

Заживеа и бродскиот туризам, така што кајчињата и бродовите ги превозуваа туртистите до Канео, Горица, Св.Стефан и до другите места.

Традиционално, покрај од земјата, најголемиот број од туристите во Охрид и во Струга се од соседните земји, пред сè, Бугарија, Србија, Албанија и во помал број од Грција.

Гости има и од Црна Гора и од Хрватска, а со индивидуални аранжмани, присутни се и одреден број новогодишни славеници и од Велика Британија, Полска и од Израел.

Покрај хотелиерите, задоволни се и приватните станоиздавачи, кои среде зима исполнија добар дел од своите капацитети.


Годишната инфлација во еврозоната во март била нула


Брисел, 14 април, 2016 - 16:00 (META) 

Инфалцијата на годишно ниво во еврозоната во март била непроменета и практично не ни постоела, покажуваат најновите податоци што денеска ги објави статистичката служба на Европската Унија, Евростат.

Цените во март не се намалиле ниту се зголемиле, па инфлацијата се задржала на нула.

Евростат соопштил дека најголем придонес во инфлацијата дале рестораните и кафулињата, а најголемо негативно влијание имале цените на гасот.


Дома испечатиле лажни денари и се честеле во кафулиња


Македонски Брод, 26 февруари, 2016 - 14:03 (META) 

Надворешната канцеларија за криминалистички работи од Македонски Брод поднела кривична пријава против 20-годишниот М.С. и неговиот врсник А.Ј., кои се товарат за фалсификување пари.

Според полициските информации, осомничените на 16 февруари, во домот на М.С. испечатиле 10 лажни банкноти во апоени од 1.000 денари и 58 банкноти од 500 денари.

Истиот ден, осомничените со две лажни банкноти ги платиле пијалаците во два локали во Македонски Брод.

Фалсификатите биле откриени наредниот ден, кога сопствениците на угостителските објекти го однеле прометот во банка, каде ги забележале двете лажни банкноти.

„По наредба од Основното јавно обвинителство Гостивар, извршени се претреси во домовите на осомничените. При претресот пронајдени се лажно изработени банкноти во апоени од 500 денари, како и опремата со која се печателе банкнотите“, стои во информацијата на МВР за случајот.


Полицијата поднела пет прекршочни пријави за инцидентот меѓу навивачките групи кај ГТЦ


Скопје, 22 февруари, 2016 - 13:53 (META) 

Скопската полиција привела 23 лица и поднела пет прекршочни пријави по вчерашниот инцидент кај Градскиот трговски центар (ГТЦ) во кој, според МВР, членови на навивачката група на женскиот ракометен клуб „Будуќност“ и на „Комити“ го нарушиле јавниот ред и мир.

Според информациите на МВР, вчера околу 17.15 часот, додека навивачи на „Будуќност“ седеле во кафулињата на Кеј 13 Ноември, дошле неколку непознати лица и откако си размениле неколку навредливи зборови и пцости, почнале да се удираат со разни предмети што им биле на дофат од терасите на угостителските објекти.

Во инцидентот, според полицијат, биле повредни три лица, од кои еден скопјанец и двајца црногорски државјани од Подгорица. По укажаната помош во Градската општа болница, тие биле приведени во полициската станица Кисела Вода.

„Приведени се 23 лица, навивачи од Црна Гора. На пет лица, од кои четири црногорски државјани, сочинети им се записници за констатиран прекршок од законот за спречување на насилство и недостојно однесување на спортски натпревари, за што им се издадени и платни налози. Со лицето С.Т. (34) од Скопје извршен е службен разговор и нему му е сочинет записник за констатиран прекршок од истиот закон. Приведените црногорски државјани во 23.15 часот биле ослободени од ПС Кисела Вода и со придружба биле испратени до граничниот премин Блаце“, стои во информацијата за случајот на МВР.


Трајановски: Кафулињата во Скопје ќе работат по старо


Скопје, 27 април, 2015 - 18:17 (META) 

На угостителските објекти нема да им се скрати работното време и ќе работат како и досега, до 24 часот, потврди градоначалникот на град Скопје, Коце Трајановски.

– Би сакал да го демнатирам тврдењето дека на кафанџиите ќе им биде скратен еден час од работното време. Тоа не е точно. Кафулињата и кафеаните ќе останат со истото работно време како и досега. Не знам како се провлече таа вест, беше само дискусија на некои од станарите. Сакам тоа да го демантирам и да кажам дека кафулињата ќе работат со истото работно време како и досега – рече Трајановски.