Ким Џонг Ун се извини што им го пореметувал мирот на Јужнокорејците


Претседателот на Северна Кореја, Ким Џонг Ун на денешната средба со претседателот на Јужна Кореја, Мун Џе Ин се извини поради тоа што им го пореметувал сонот на Јужнокорејците со нуклеарните тестови минатата година.

– Повеќе нема да ви го пореметуваме сонот во раните утрински часови – рече изјави Ким, мислејќи на ветувањето кое го даде дека ќе прекине со изведување на нуклеарни тестови.

После историското преминување на границите на лидерите на Северна и Јужна Кореја, Ким Џонг Ун ја посети Куќата на мирот во Панмунџом каде се запиша во книгата за гости. Во книгата тој напиша: Новата историја почнува сега. Време на мирот, почеток на нова историја“.

Разговорите траеја речиси часа зад затворени врати во редизајнираната сала за состаноци во демилитаризираната зона на границата. Во изјавата за медиумите пред состанокот, Ким, изјави дека сака да ја потсети претседателската Сина куќа во Сеул.

– Мун му кажа на Ким дека, ако дојде во Сеул, воената почесна гарда ќе биде многу поголема од денешната. Ким изјави дека е подготвен да дојде било кога – изјави гласноговорник на јужнокорејскиот претседател.

За време на ракувањето новинарите успеале да слушнат дел од разговорот кој се одвивал. Двајцата лидери рекоа дека им е многу драго што се запознале.

– Моето срце не престанува да трепери поради средбата на оваа историска локација. Почестен сум што дојдовте до воена демократска линија за да се поздравите со мене – рекол Ким Џонг Ун.

Помладата сестра на Ким, Јо Џонг, беше единствената жена помеѓу шесте делегати кои седеа на преговарачката маса.

Разговорите траеле 100 минути и биле искрени и љубезни, а се однесувале за денуклеаризација на корејскиот полуостров. Се дискутирало и за траен мир и за изнаоѓање на начини за унапредување на односите, јавуваат јужнокорејските медиуми.

По заминувањето од свечената сала, Ким Џонг Ун замина со луксузниот продолжен „мерцедес пулман“, додека покрај лимузината трчаа неговите телохранители.



Емпаер стејт билдинг ќе биде осветлена со боите на македонското знаме по повод ЗОИ 2018


Њујорк, 9 февруари, 2018 - 12:23 (META) 

Во чест на денешното отворање на Зимските олимписки игри (ЗОИ) 2018 во Пјонгчанг, Јужна Кореја, боите на македонското знаме, заедно со боите на знамињата на другите земји учеснички на ЗОИ 2018, ќе бидат осветлени на позната зграда Емпаер стејт билдинг (Empire State Building) во Њујорк, соопшти Министерството за надворешни работи.

Осветлувањето и ротирањето на боите на знамињата на земјите учеснички на ЗОИ, ќе започне денеска во 23.22 часот по македонско време.

Официјалното соопштение за настанот е испратено до МНР од прес-центарот на Емпаер стејт билдинг.

Македонија на ЗОИ 2018 во Пјонгчанг ќе ја претставуваат тројца спортисти, Антонио Ристевски во алпско скијање – слалом и велеслалом, Ставре Јада во крос кантри – спринт и 15 километри и Викторија Тодоровска која ќе настапи во крос кантри на 10 километри.


41 лице загина во пожар во јужнокорејска болница


Сеул, 26 јануари, 2018 - 9:43 (META) 

Во пожарот кој избувна рано утринава во болница во јужнокорејскиот град Мирјанг загина 41 лица, а уште осумдесетина се повредени.

Светските медиуми пренесуваат дека постојат сомневања дека пожарот избувнал на првиот кат од болницата, во просториите за итни случаи. Пожарникарите евакуирале околу 200 лица кои се наоѓале во главната зграда на болницата.

Мирјанг се наоѓа околу 270 километри југоисточно од јужнокорејската престолнина Сеул. Јужнокорејскиот премиер Ли Нак-јеонг наложил да се употреби сета можна опрема за гаснење на пожарот и пребарување на болницата за да се спасат што повеќе човечки животи.

Шефот на пожарникарите Чои Ман-Ву вели дека засега не е познато што го предизвикало пожарот, а ситуацијата да биде полоша, во болницата немало инсталирани противпожарни прскалки.

Пожарот во Мирјанг доаѓа само еден месец откако огнена стихија однесе 29 животи во осумкатница во центарот на градот Јачеон.


Северна Кореја ќе испрати 22 спортисти на ЗОИ во Јужна Кореја


Пјонгјанг, 21 јануари, 2018 - 18:10 (META) 

Меѓународниот олимписки комитет соопшти дека спортистите од Јужна и од Северна Кореја заедно ќе маршираат на свечената церемонија на отворањето на претстојната Зимска Олимпијада во Пјонгјанг.

ИОК, по денешниот состанок во Лозана со олимпските и државните претставници од двете земји, наведе и дека Северна Кореја на Зимските олимписки игри во соседната Јужна Кореја ќе ја претставуваат 22 натпреварувачи во 5 дисциплини.


Северна и Јужна Кореја постигнаа напредок во преговорите


Сеул, 9 јануари, 2018 - 18:56 (META) 

Северна и Јужна Кореја постигнаа договор во преговорите чија цел е смирување на тензиите, соопштија двете страни после првата средба на официјални лица по две години. Двете земји се сложиле да ги стивнат сегашните воени тензии и да одржат воени преговори.

После состанокот соопштија дека спортисти и севернокорејски официјални лица ќе отпатуваат на Зимските олимписки игри кои ќе се одржат во Јужна Кореја во февруари.

Северна Кореја ќе испрати во Јужна Кореја делегација која ќе биде составена од претставници на Националниот олимписки комитет, спортисти, навивачи и новинари.

До затоплување на односите дојде откако лидерот на Северна Кореја, Ким Џонг Ун на први јануари во новогодишното обраќање најави можност за учество на севернокорејските спортисти на олимписките игри во Јужна Кореја и покрај тензиите помеѓу двете тензии поради нуклеарната и балистичката програма на Пјонгјанг.

Јужна Кореја ќе биде домаќин на ЗОИ од 9 до 15 февруари, а Параолимписките игри почнуваат на 9 март.


Северна Кореја сепак ќе учествува на Зимските олимписки игри


Сеул, 9 јануари, 2018 - 11:26 (META) 

Северна Кореја ќе испрати свои спортисти на претстојните Зимски олимписки игри во Пјонгjанг, соопштија јужнокорејски функционери.

Покрај натпреварувачите, на Игрите ќе присуствуваат и навивачи, беше соопштено по првата средба на високо ниво по повеќе од две години. Средбата се одржа во Панмунџон во демилитаризираната зона.

Со цел да се овозможи настапот на Северна Кореја на Олимпијадата, Јужна Кореја ќе ја разгледа можноста за привремено укинување на санкциите кон својот сосед.


Папата предупредува дека нуклеарниот пожар може случајно да почне


Ватикан, 8 јануари, 2018 - 17:17 (META) 

Папата Франциск во обраќањето познато како „Состојба во светот“ апелираше до сите нации да го поддржат дијалогот со цел да се намалат тензиите на Корејскиот Полуостров и да се работи на правно обврзувачката забрана на нуклеарното оружје.

– Нуклеарното оружје мора да биде забрането – изјави поглаварот на Римокатоличката црква, цитирајќи документ објавен од папата Јован Дваесет и трети за време на Студената војна.

Папата Франциск потенцираше дека „не може да се негира дека пожарот може да почне случајно или во непредвидени услови“.

Апелот на папата до дипломатите е еден ден пред разговорите помеѓу Северна и Јужна Кореја, кои ќе бидат насочени на учеството на севернокорејските спортисти на Зимските олимписки игри во Јужна Кореја.

Папата упати повик и за зачувување на статус кво на Ерусалим, откако претседателот на САД, Доналд Трамп кон крајот на минатата година донесе одлука за признавање за главен град на Израел.

Тој се осврна и на климатските промени, повикувајќи ги државите да го почитуваат Парискиот договор за намалување на емисиите на јаглерод диоксид.


САД и Јужна Кореја ги одлагаат заедничките воени вежби


Вашингтон, 4 јануари, 2018 - 18:18 (META) 

Соединетите Американски Држави се согласија да ги одложат заедничките воени вежби со Јужна Кореја до завршувањето на Зимските олимписки игри (ЗОИ), соопшти денеска Пентагон, јавуваат светските агенции.

Портпаролот на Пентагон, Роб Мениниг изјави дека американскиот претседател, Доналд Трамп се консултирал со својот јужнокорејски колега Мун Џае-ин и се согласил воените вежби да бидат одложени.

„Министеството за одбрана ја поддржува одлуката на претседателот и она што е во најдобар интерес на алијансата меѓу САД и Јужна Кореја“, навел Менинг во денешното соопштение.

САД и Јужна Кореја ги спроведуваат годишните воени вежби во периодот помеѓу февруари и април.

Зимските олимските игри почнуваат на 9 февруари во Пјонгчанг, Јужна Кореја.


Јужна Кореја ѝ предложи преговори на Северна Кореја за учество на ЗОИ 2018


Сеул, 2 јануари, 2018 - 12:41 (META) 

Јужна Кореја денеска ѝ предложи на Северна Кореја на 9 јануари да одржат преговори на кои делегациите на двете земји ќе разговараат за можно учество на Северна Кореја на Зимските олимписки игри (ЗОИ) оваа година.

Ваквиот предлог доаѓа откако севернокорејскиот лидер Ким Џонг-ун изјави дека ја разгледува можноста за испраќање на екипи на Зимските олимписки игри во Пјонгчанг во Јужна Кореја во февруари.

Тој рекол дека двете страни треба итно да се состанат и да разговараат за ваквата можност, пренесува „Би-би-си“.

Јужнокорејскиот претседател Мун Џае-ин дека ваквата понуда ја смета како „шанса за кршење на мразот“ за подобрување на односите.

На состанокот на Владата денеска, Мун Џае-ин, исто така навел дека нуклеарната програма на Северна Кореја ќе биде во позадината на било какви преговори кои се однесуваат на спортот.


САД ќе испратат авиони на заедничка вежба со Јужна Кореја


Сеул, 24 ноември, 2017 - 11:32 (META) 

Соединетите Американски Држави ќе испратат авиони од типот „Ф-22“ во Јужна Кореја, каде би требало да учествуваат на заедничка вежба со јужнокорејската војска, јавиле денеска медиумите во Сеул, пренесуваат агенциите.

Според медиумите, во Јужна Кореја ќе бидат испратени шест авиони „Ф-22 раптор“ за воздушни борби и со можност за гаѓање цели на земја, кои во моментов се стационирани на јапонскиот остров Окинава.

Заедничката воена вежжба би требало да почне на 4 декември.

Портпаролот на јужнокорејската војска не сакал да зборува за тоа колку авиони „Ф-22“ ќе учествуваат во вежбата, додека портпаролот на американската војска воопшто не ја коментирал оваа информација.

Според светските агенции, со овие вежби САД и Јужна Кореја демонстрираат сила, како одговор на нуклеарните и балистички проби на Северна Кореја.