!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Саемот за мебел почнува утре, ќе има 400 домашни и странски изложувачи


Скопјхе, 20 март, 2017 - 11:12 (META) 

Меѓународниот саем на мебел почнува утре и ќе трае до 26 март. На саемот ќе учествуваат 400 домашни и странски изложувачи, а се очекува да го посетат повеќе од 50.000 лица.

Во 11 хали ќе бидат претставени мебел и опрема за домаќинства, а една хала е наменета за машини и за репроматеријали за индустријата за производство на мебел.

Традиционално ќе се организира стручно оценување на пријавени експонати и ќе бидат доделени признанија на најдобрите учесници на саемот, во две категории, производители и трговци.

Има учесници од Србија, Хрватска, Грција, Италија, Босна и Херцеговина  и од Словенија.

Саемот ќе биде отворен од 10 до 20 часот, цената на влезницата е 100 денари, а за групни посети и за студенти чини 50 денари.


Македонски компании се претставуваат на саем во Истанбул


Истанбул, 3 јуни, 2016 - 14:11 (META) 

Бизнис-делегација од 35 компании, членки на Стопанската комора на Северо-западна Македонија, престојува во Истанбул каде што делегатите ги претставуваат своите бизниси во рамките на третиот Саем за кинески производи (China Homelife), кој е посветен на компании заинтересирани за проширување на својот бизнис во други земји.

На овој саем се претставуваат повеќе од 700 изложувачи и 25.000 ексклузивни брендови со висок квалитет од Кина.

Секоја година саемот го посетуваат повеќе од 15.000 посетители од Турција и од регионот, а со тоа се создаваат можности за соработка со компании од Кина (увоз, извоз, дистрибутери итн).

За време на саемот претставниците на македонските компании ќе се сретнат со претставници на компаниите од Кина кои изразиле интерес за соработка.


Македонските компании ќе го претстават својот потенцијал во Кина


Скопје, 27 април, 2016 - 15:41 (META) 

Македонските компании од прехранбената, фармацевтската индустрија, ИТ-секторот, производството на алкохолни и на безалкохолни пијалоци и на високо-технолошки производи ќе имаат можност да учествуваат на Саемот за инвестиции и трговија во Нингбо, Кина, кој ќе се одржи од 9 до 12 јуни.

Како што беше истакнато денеска на прес-конференцијата на Сојуз на стопански комори, Саемот за инвестиции и за трговија претставува меѓународен настан кој ги обединува можностите за инвестирање на компаниите, но и за остварување на конкретна трговска соработка со компании од Кина и од Централна и од Источна Европа.

Ќе се прикажат повеќе од 3.000 видови производи, од различни бизнис-сектори и ќе присуствуваат компании од 16 земји од ЦИЕ, заедно со 45 бизнис-делегации на посетители.

Во рамки на саемот, покрај можноста за посета на илјадници изложувачи, ќе се одржи и инвестициски форум, на кој ќе учествуваат компании и претставници од Кина и од земјите од ЦИЕ и на кој ќе можат и македонски компании да присуствуваат, а дополнително ќе имаат можност и да учествуваат на конференции, форуми, како и на културни манифестации.

Дополнително, додека трае саемот, ќе се отвори првиот македонски дегустациски изложбен простор, кој се наоѓа веднаш до саемот во Нингбо и ќе биде функционален цела година.

За сите македонски компании што сакаат со нивните производи да бидат дел од овој изложбен простор, ќе биде обезбеден бесплатен транспорт од Македонија до Кина, а рокот за пријавување за истиот е до 10 мај 2016 година. Од македонска страна, веќе се испратени производи од осум компании, а за дополнително пријавените компании, се подготвува и втората пратка за Кина.

Според обемот на трговска размена, Кина е меѓу првите десет трговски партнери. Во 2015 година, извозот на Македонија во Кина изнесува 129 милиони евра, додека увозот од Кина во Македонија е 352 милиони евра.


Денеска почнува Саемот за мебел


Скопје, 22 март, 2016 - 9:54 (META) 

Меѓународниот саем за мебел ќе почне денеска и ќе трае до 27 март на Скопски саем. На саемот ќе учествуваат 400 странски и домашни изложувачи, кои ќе понудат 10.000 производи што ќе бидат изложени во 11 саемски хали.

На саемот ќе може да се најде опрема за домаќинства и за јавни објекти, репроматеријали и машини за индустријата за мебел.

Саемот за мебел се очекува да го посетат 50.000 посетители.


Саемот за мебел ќе се одржи од 22 до 27 март


Скопје, 16 март, 2016 - 14:14 (META) 

Меѓународниот саем за мебел ќе се одржи од 22 до 27 март на Скопски саем. На саемот ќе учествуваат 400 странски и домашни изложувачи, кои ќе понудат 10.000 производи што ќе бидат изложени во 11 саемски хали.

– На саемот ќе може да се најде опрема за домаќинства и за јавни објекти, репроматеријали и машини за индустријата за мебел – информираше оперативниот директор на Скопски саем, Магдалена Хамбова.

Саемот за мебел се очекува да го посетат 50.000 посетители.