!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Девет деца се повредени во сообраќајна несреќа во Романија


Букурешт, 20 март, 2017 - 11:09 (META) 

Mинибус што превезувал ученици во југозападниот дел на Романија излетал од патот, при што најмалку девет деца се повредени, јавуваат романските медиуми.

Повредените деца биле пренесени во болница и сè уште нема информации за нивната здравствена состојба. Во моментот на несреќата во минибусот се наоѓале 18 деца.

Возачот во полиција изјавил дека поради премореност изгубил контрола над возилото и излетал од патот.


Најмалку 32 загинати во железничка несреќа во Индија


Њу Делхи, 22 јануари, 2017 - 10:21 (META) 

Најмалку 32 лица загинале, а околу 100 се повредени во железничка несреќа во Индија, јавуваат светските агенции, повикувајќи се на информации од индиски официјални претставници.

Несреќата се случила кога седум вагони и локомотива од патнички воз излетале од шините во областа Кунера, недалеку од границата меѓу државите Одиша и Андра Прадеш.

Портпаролот на железницата за агенциите изјавил дека бројот на повредени сè уште се утврдува.

Возот тргнал од градот Џагдалпура и се движел кон Бубанешвару, главниот град на државата Одиша, кога се случила несреќата.

Станува збор за последна во низата железнички несреќи што во изминатиот период се случија во Индија, која има големи проблеми со безбедноста на железничката мрежа.


Фернандо Алонсо пренесен во болница по несреќа на патеката Каталуња


Барселона, 22 февруари, 2015 - 15:18 (META) 

Возачот на тимот на Мекларен во Формула 1, Фернандо Алонсо, доживеал несреќа за време на денешното тестирање на патеката Каталуња во близина на Барселона, но, според официјални претставници на тимот, тој бил во добра состојба.

Како што пренесуваат медиумите, Алонсо удрил во заштитна ограда на патеката додека излегувал од свиок со брзина поголема од 200 километри на час.

Од тимот подоцна на „Твитер“ објавиле дека Алонсо бил во свесна состојба, зборувал и дека со хелихоптер е префрлен во болница на дополнителни испитувања.

Сè уште се испитува дали причина за несреќата е грешка на возачот или станува збор за проблем со болидот.