Пожарот кој избувна во стан во центарот на Скопје е изгаснат, нема повредени


Скопје, 7 јануари, 2018 - 12:40 (META) 

Пожарот кој претпладнево избувна во стан во зграда на улица Даме Груев во центарот на Скопје е изгаснат, информираат од Територијалната противпожарна единица на Град Скопје.

Пожарот од станот на вториот кат, се проширил и на балконот на стан над него, а според информациите, нема повредени.

Полициските екипи се на терен, но засега, официјално не соопштуваат за причините за настанатиот пожар.


Изгаснат пожарот во Злокуќани


Скопје, 29 ноември, 2017 - 15:39 (META) 

Во пожарот што избувнал денеска по 13 часот, опожарена е покривната конструкција на четири куќи – лепенки во населбата Злокуќани, а со интервенцијата на припадниците на скопската Противпожарна бригада, спречено е пожарот да се прошири и да направи поголема штета.

– Пожарот е успешно изгаснат, а во моментот се проверува да не има заостанати жаришта, но интервенцијата е завршена – вели за „Мета“ командантот на Противпожарната бригада на Град Скопје, Звонко Томески.


Запален автомобил на скопјанец во населбата Шуто Оризари


Скопје, 9 март, 2016 - 12:26 (META) 

Непознат сторител синоќа, околу 20 часот, подметнал пожар во автомобил, марка „фолксваген голф 4“, кој бил паркиран на улицата Виетнамска во Скопје, информираат од полицијата.

Од пожарот била зафатена десната страна на возилото. Екипа на скопската противпожарна бригада веднаш интервенирала на местото и го изгаснала пожарот.

Увид бил извршен од екипа на Секторот за внатреши работи Скопје, кој презема мерки за пронаоѓање на сторителот и за целосно расчистување на случајот.