!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Еден загинат и седум повредени при експлозија во станбена зграда во Брисел


Брисел, 19 март, 2017 - 10:17 (META) 

Едно лице загинало, а седум биле повредени, од кои тројца тешко, во експлозија што вчера се случила во станбена зграда во Брисел, најверојатно поради истекување на плин, соопштило белгиското државно обвинителство, пренесува ХРТ.

„Денеска (сабота) попладне, станарите на две згради беа жртви на експлозија, по која избувна пожар. Седум лица се пренесени во две болници. Тројца се тешко повредени, меѓу кои едно двегодишно дете и 15-годишник. Во текот на вечерта во урнатините е пронајдно тело на маж“, било наведено во соопштението на белгиското државно обвинителство.

Од општината Сент Жил, во која се случила несреќата, за белгиските телевизии РТЛ и РТБФ изјавиле дека „најверојанто станува збор за несреќен случај поврзан со истекување на плин“.

Белгиските безбедносни сили се постојано на готовс, а секој инцидент предизвикува големо интересирање кај медиумите, откако на 22 март минатата година Брисел беше цел на најголемиот терористички напад во својата историја, во кој 32 лица загинаа, а 320 беа ранети во метрото и на бриселскиот аеродром.


Затворена пругата кај „Табановце“ поради истекување на плин од вагон-цистерна


Куманово, 25 мај, 2016 - 13:10 (META) 

Железничкиот сообраќај на граничниот премин „Табановце“ од утрово е во прекин поради истекување на плин од вагон-цистерна, информираат од МВР.

Според полицијата, железничкиот сообраќај бил прекинат околу 4 часот, откако на преминот од Србија во земјава влегол воз со композиција од 16 вагони, од кои шест вагон-цистерни со плин, а од една од нив било забележано дека испушта плин, со што била загрозена безбедноста.


Владата ќе побара продолжување на вонредната состојба на границите?


Скопје, 13 септември, 2015 - 10:50 (META) 

Денеска е 25. ден откако Владата прогласи вонредна состојба на јужната и на северната граница поради големиот наплив на мигранти кои влегуваат и транзитираат низ територијата на Македонија кон север. Останува уште една недела до истекување на рокот за важност на мерката.

Одлуката за кризна состојба, со која беше овозможено во обезбедувањето на државната граница да биде ангажирана и Армијата на Република Македонија (АРМ), како асиситенција на полицијата, беше донесена на седница на Влада на 19 август.

Дали вонредната состојба ќе биде продолжена и по истекувањето на рокот од 30 дена, надлежните институции засега официјално и категорично не соопштуваат.

Податоците и анализите на Министерството за внатрешни работи (МВР) говорат дека бегалската криза нема изгледи да заврши наскоро, а се очекува бројот на мигранти што доаѓаат во земјава преку Грција во наредниот период да се зголемува уште повеќе. Ваквите проценки одат во насока на тоа дека големи се шансите вонредната состојба да биде продолжена и по истекувањето на рокот.

– Одлуката за прогласување кризна состојба ја донесува Владата, а врз основа на проценки на повеќе институции. За другите институции не би можел да говорам, но од името на Министерството за внатрешни работи и според сознанијата со кои располага министерството, бегалската криза нема изгледи да заврши во догледно време. Сите сознанија со кои располагаме упатуваат и на тоа дека бројот на мигранти ќе се зголемува – изјави за „Мета“ помошникот-министер за односи со јавноста на МВР, Иво Котевски.

Според Законот за управување со кризи, одлуката за постоење кризна состојба не може да трае подолго од 30 дена.

Во случај да биде надминат овој период, односно состојбата да продолжи да трае подолго од 30 дена, Владата треба да побара одобрување од Собранието за продолжување на рокот или да предложи прогласување воена или вонредна состојба.

Од прогласувањето кризна состојба, со исклучок на дводневните тензии на јужната граница, од Грција во земјава секојдневно влегуваат илјадници мигранти, чиј транспорт до северната граница се одвива без пречки и во добра координација меѓу надлежните институции.