!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Туск: Има напредок со Британија околу прашањето за Ирска


Брисел, 4 декември, 2017 - 20:23 (META) 

Претседателот на Европскиот совет, Доналд Туск, изјави дека преговорите за излегување на Велика Британија од ЕУ се доближуваат до напредок во врска со прашањето на статусот на границата со Ирска.

Туск на „Твитер“ наведе дека е охрабрен од разговорите со премиерот на Ирска и дека е остварен напредок за декемврискиот самит на ЕУ.

Преговарачот на Европскиот парламент, Ги Верхофстат, рече дека во следниот период е можен договор за ирската границата, за сумата која Лондон треба да ја плати за напуштање на ЕУ, како и за правата на граѓаните по излегувањето на Велика Британија од Европската Унија.

Британската премиерка Тереза Меј денеска се сретна со властите во ЕУ во обид да се финализира договорот во очи самитот на ЕУ на крајот на следната недела.

Статусот со границата со Ирска е спорна точка затоа што тоа е единствената копнена граница на Велика Британија. Ирската влада бара гаранции дека нема да има царински пунктови на границата со Северна Ирска и дека движењето на луѓето и на стоката нема да биде променето по Брексит.


Поради тревога, ирски авион принудно слетал во Франција


Даблин, 3 ноември, 2017 - 12:24 (META) 

Ирската авиокомпанија „Ер Лингус“ на летот Даблин – Мадрид прогласи вонредна состојба и го пренасочи авионот на аеродромот во Бордо, соопштија од компанијата.

Авионот полетал во 7.16 часот по локално време, а требало да слета во Мадрид во 10.45 часот.

Како што се наведува, на летот пријавена е вонредна состојба додека летал над Франција.

Засега не се открива од која причина е прогласена вонредна состојба.


Ураганот Офелија се движи кон Европа, издадено црвено предупредување


Даблин, 14 октомври, 2017 - 17:50 (META) 

Ураганот Офелија преку Атлантскиот Oкеан се движи кон Европа, а прва на удар би можела да биде Ирска на почетокот на следната недела, соопштија метеоролозите.

Ветрови со јачина од 130 километри на час би можеле да ја погодат Ирска поради што е издадено црвено предупредување, соопшти Националната метеоролошка служба.

Силни и потенцијално разорни ветрови може да предизвикаат поплави, зголемено ниво на морето и оштетување на инфраструктурата, се наведува во предупредувањето.

Британската метеоролошка служба предупредува на силни ветрови во Северна Ирска, Шкотска и на југот на Англија.

Стручњаците наведуваат дека ураганот најверојатно ќе ослаби в понеделник и во вторник.

Ураганот Офелија е прв ураган што ќе го погоди европското подрачје по 1961 година и е десетти силен ураган кој оваа година се разви на Атлантикот.


Министрите за финансии на ЕУ ја поддржаа одлуката на ЕК за данокот на „Епл“


Братислава, 10 септември, 2016 - 13:39 (META) 

Министрите за финансии на земјите-членки на Европската Унија (ЕУ) денеска на состанокот во Братислава, ја поддржаа одлуката на Европската комисија (ЕК) дека компанијата „Епл“ треба да плати неколку милијарди евра поради неплатениот данок во Ирска, пренесуваат светските агенции.

Холандскиот министер за финансии, Јерун Дајселблум, и неколкумина негови колеги го повикаа „Епл“ да го плати износот, кој, според аналитичарите, со каматата би можел да достигне околу 19 милијарди евра.

Дајселблум пред новинарите изјавил дека „меѓународните компании имаат обврска да плаќаат данок на праведен начин“.

Тој додал дека меѓународните даночни „дупки“ се минато и дека „Епл“ мора да плаќа данок и во САД и во Европа, порачувајќи ѝ на компанијата да биде подготвена за тоа.


Ирска ќе прими 4.000 бегалци


Даблин, 10 септември, 2015 - 14:26 (META) 

Ирска денеска соопшти дека ќе прифати дополнителен број бегалци, односно околу 4.000.

Министерката за правосудство, Франсис Фицџералд, рече дека Даблин прифати околу 2.900 бегалци повеќе отколку што беше планирано.

– Сите бевме шокирани и вознемирени од глетките од Јужна и од Централна Европа и од тешките сцени за време на спасувањето мигранти во Средоземно Море. Исправно е како нација да направиме сè што можеме – реле Фицџерлад.

Ирска претходно најави дека ќе прими 600 лица, додека 520 се прифатени.

Ирска има популација од околу 4,6 милиони лица и е членка на ЕУ, но нема потпишано план за квоти за прием на бегалци.


Референдум во Ирска за легализација на истополовите бракови


Даблин, 22 мај, 2015 - 9:54 (META) 

Гласачите во Република Ирска денеска на референдум ќе се изјаснат за легализирање на истополовите бракови.

Повеќе од 3,2 милиони граѓани ќе имаат можност да одговорат на прашањето дали сакаат да се измени уставот со што би се овозможило склучување брак меѓу лица од ист пол.

Гласачките места ќе бидат затворени во 22 часот, а броењето на гласовите ќе почне утре наутро.

Референдумот се одржува 22 години откако Ирска ја декриминализираше хомосексуалноста.

Предложените реформи имаат поддршка од сите политички партии и од многу јавни личности, а на нив се противат лидерите на Католичката црква во земјата.


Два авиони на „Рајанер“ се судриле на писта во Ирска


Белфаст, 1 април, 2015 - 14:31 (META) 

Летовите на авиокомпанијата „Рајанер“ за Единбург и за Задар денеска доцнеа откако утринава се судрија два авиони на оваа нискобуџетна компанија, пишува „Ајриш тајмс“ на својата интернет-страница.

На фотографиите што ги снимиле патници, се гледа како врвот на крилото на еден од авионите виси, а на другиот му е оштетен стабилизаторот на опашката. Ова е втор случај за шест месеци два авиони на „Рајанер“ да се судрат на најфреквентниот ирски аеродром.

Во инцидентот немало повредени, патниците се вратени на терминал, а набргу заминале за својата дестинација во Шкотска и во Хрватска со заменски авиони.
„Рајанер“ соопшти дека авионите полека се движеле кон пистата кога се случил инцидентот. Се чини дека крилото на едниот авион се закачил за опашката на другиот. И двата авиона во тој момент ги слушале препораките на воздухопловната контрола.


Ирска воведе неутрални кутии за сите видови цигари


Скопје, 27 февруари, 2015 - 10:46 (META) 

Закон за воведување унифицирани, неутрални кутии за сите марки цигари воведе Ирска, која стана првата земја во Европска Унија што усвојува ваков закон.

Според најновите прописи, сите видови реклами, вклучувајќи го и логото и бојата, ќе бидат забранети, додека сите кутии ќе имаат универзален, неутрален изглед со здравствено предупредување.

Овој закон наиде на поддршка од сите партии и е усвоен без гласање, а по овој чекор ќе биде испратен до претседателот на потпишување, иако неговата целосна примена ќе се случи во мај 2017 година.