!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Странските инвеститори сметаат дека бизнис-климата е добра


Скопје, 12 септември, 2017 - 15:29 (META) 

Претставници на Меѓународниот монетарен фонд (ММФ), предводени од Јасмин Рахман, шеф на Делегацијата на мисијата на Меѓународниот монетарен фонд за Македонија, денеска се сретнаа со потпретседателот на Советот на странски инвеститори (ССИ), Ирена Јакимовска, информираат од Стопанската комора на Македонија.

Јакимовска ги информирала претставниците на ММФ дека странските инвеститори кои веќе се дел од македонското стопанство веруваат во системот и со тоа што веќе подолго време се на македонскиот пазар, генерално бизнис-климата ја сметаат добра за стопанисување.

„Постојат области во кои е потребно надградување, особено поголема соработка помеѓу домашните и странските инвеститори. На тој план, Советот на странски инвеститори веќе работи на поинтензивни контакти и деловни врски со домашните компании“, изјавила Јакимовска.


Јакимовска: Нема забавување на активностите на компаниите


Скопје, 25 јануари, 2016 - 12:41 (META) 

Потпретседателката на Советот на странски инвеститори и сопственик на компанијата „Комфи ангел“, Ирена Јакимовска, вели дека предизборниот период и најавата за можни избори во април не ги одвраќаат компаниите од планираните активности.

– Нема забавување на производството, извозот и на работните процеси. Како Совет на странски инвеститори, за годинава имаме планирано дополнителни активности, како формирање на Асоцијација на компании од автомобилската индустрија. Во рамките на оваа Асоцијација ќе се разговара за актуелностите во индустријата и за развојните проблеми – додава Јакимовска.