!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

ВМРО-ДПМНЕ го обвини СДСМ дека со насилство сака да ја освои власта


Скопје, 29 септември, 2017 - 16:33 (META) 

СДСМ се обидува да отствари изборен резултат со брутално насилство и со учество на криминалци, како и со злоупотреби на капацитетите на државата, обвини Никола Србов, член на извршниот комитет на ВМРО-ДПМНЕ, на партиска прес-конференција.

– Државата и институциите се веќе целосно заробени. Луѓето чии усти беа полни со демократија, сега истата ја укинаа на најбрутален начин. Вакво помрачување не било видено досега. Јавноста секојдневно е сведок на престрелки низ улиците каде жртви се неистомислениците на власта. Се демолираат штабови и се врши притисок. Се поднесуваат бројни измислени и монтирани кривични пријави против актуелни градоначалници и кандидати за градоначалници од ВМРО-ДПМНЕ – обвини Србов.

Тој рече дека во Македонија има досега невидена злоупотреба на институциите за партиски цели, дека МВР наместо да презема мерки за безбедноста на граѓаните и за осигурување фер и демократска атмосфера, стоело настрана и со тоа го поддржувало насилството и вандализирањето на штабовите. Тој го обвини и Министерството за труд и социјална политика дека е алатка на Социјалдемократскиот сојуз за дисциплинирање и за поткупување на гласачите.

Во партиското седиште, Златко Перински, исто така член на извршниот комитет на ВМРО-ДПМНЕ, го праша СДСМ каде се тие 500.000 фантоми за кои партијата предупредуваше пред парламентарните избори во декември лани.

– Главниот аргумент за непризнавање на изборните резултати им беше лагата за наводни 500.000 фантоми во избирачкиот список. Ги прашуваме Заев и Шекеринска каде исчезнаа 500.000 фантоми од претходните парламентарни избори? За оваа фрапантна бројка од фантоми кои живеат во државата, Социјалдемократскиот сојуз ја лажеше македонската јавност три месеци пред изборите. 500.000 фантоми одеднаш ги снема, а избирачкиот список се зголеми – рече тој.

Христијан Делев, пак, на третата прес-конференција, која се одржа веднаш по првите две, обвини дека Владата на СДСМ за само 110 дена ја уништила македонската економија.

– Индустриското производство во август годинава, во однос на истиот месец лани е намалено за цели 5,3 отсто. Индустриското производство тоне веќе трет месец по ред. Рударството забележа пад за 6,1 отсто, преработувачка индустрија опадна за историски рекордни 8 проценти, а  огромен пад има и на преработките од земјоделските производи. Неспособноста на СДС за менаџирање со парите на граѓаните ќе предизвика затворање на постојните индустриски капацитети, како и отселување на странските инвеститори – порача Делев.


Индустриското производство во јули намалено за 2,2 проценти во однос на лани


Скопје, 30 август, 2017 - 14:36 (META) 

Индустриското производство во јули цодинава во однос на истиот месец лани е намалено за 2,2 проценти, објави Државниот завод за статистика.

Гледано по сектори, во овој период индустриското производство во секторот рударство и вадење камен бележи опаѓање од 3,4 проценти, во секторот преработувачка индустрија бележи
опаѓање од 2,6 проценти, а во секторот снабдување со електрична енергија, гас, пареа и климатизација е забележан пораст од 2,1 отсто.

Намалувањето во секторот преработувачка индустрија е резултат, пред сè, на намаленото производство на облека, на метали, на фабрикувани метални производи, освен машини и опрема и производство на машини и уреди.


Состојбата во економијата се подобрува, оцени Народна банка


Скопје, 9 август, 2017 - 14:26 (META) 

По стагнацијата на економската активност во првото тримесечје, показателите за вториот квартал од годинава упатуваат на подобрување на состојбата на економијата, било заклучено на редовната седница на комитетот за оперативна монетарна политика на Народна банка.

„Оваа констатација е поддржана од порастот на индустриското приозводство, по неговото намалување во првото тримесечје, забавувањето на падот на градежната активност, како и по забрзувањето на порастот во трговијата“, се вели во соопштението на Народна банка.

Домашниот бруто-производ се очекува да биде 2,5 проценти за 2017 година поради пониските остварувања во првото тримесечје.


Индустриското производство до ноември годинава поголемо за 3,4 проценти во однос на лани


Скопје, 28 декември, 2016 - 16:06 (META) 

Индустриското производство во ноември во однос на истиот месец лани бележи намалување за 4,9 процени, покажуваат последните податоци на Државниот завод за статистика.

Во првите 11 месеци од годинава, пак, производството е поголемо за 3,4 проценти во однос на истиот период лани.

Гледано по сектори, индустриското производство во секторот рударство и вадење камен во истиот период, бележи опаѓање од 16,8 проценти, во секторот преработувачка индустрија бележи опаѓање од 5,7 проценти, а во секторот снабдување со електрична енергија, гас, пареа и климатизација пораст од 21,6 проценти.

Намалувањето во секторот преработувачка индустрија е резултат, пред сè, на намаленото производство на прехранбени производи, на пијалаци, на хемикалии и хемиски производи и друго.


Индустриското производство во октомври помало за 3,6 проценти во однос на лани


Скопје, 29 ноември, 2016 - 14:17 (META) 

Индустриското производство во октомври, во однос на истиот месец лани, бележи опаѓање за 3,6 проценти, а во првите десет месеци годинава во однос на тој период лани има зголемување за 4,4 проценти, објави Државниот завод за статистика.

Гледано по сектори, индустриското производство во секторот рударство и вадење камен во октомври, во однос на истиот месец лани, бележи опаѓање од 0,8 отсто, секторот преработувачка индустрија бележи опаѓање од 4,5 отсто, а секторот снабдување со електрична енергија, гас, пареа и климатизација има зголемување од 10,5 проценти.

Намалувањето во секторот преработувачка индустрија е резултат, пред сè, на намаленото производство во производство на прехранбени и тутунски производи, производство на облека, производство на хемикалии и хемиски производи и друго.


Индустриското производство зголемено за 8,7 проценти во однос на лани


Скопје, 30 мај, 2016 - 14:36 (META) 

Индустриското производство во првиот квартал од годината е зголемено за 8,7 проценти во однос на истиот период лани, објави Државниот завод за статистика.

Гледано по сектори, индустриското производство во секторот рударство и вадење на камен во април во однос на истиот месец лани, бележи опаѓање од 10,2 проценти, во секторот преработувачка индустрија бележи пораст од 9,4 проценти, а во секторот снабдување со електрична енергија, гас, пареа и климатизација опаѓање од 29,5 проценти.

Индустриското производство во април во однос на истиот месец лани е поголемо за 3,6 проценти.


Индустриското производство во првите три месеци е зголемено за 10,7 проценти во однос на лани


Скопје, 28 април, 2016 - 11:03 (META) 

Индустриското производство во првите три месеци од годинава е зголемено за 10,7 проценти во однос на истиот период лани, објави Државниот завод за статистика.

Индустриското производство во март годинава во однос на истиот месец лани е зголемено за 8,9 отсто.

Според главните индустриски групи, производството во март во однос на истиот месец лани,
бележи пораст кај интермедијарни производи, освен енергија, за 3,2 отсто, капитални производи за 63,6 отсто и кај нетрајни производи за широка потрошувачка за 5,4 отсто.

Опаѓање бележи кај енергија за 19,9 отсто и кај трајни производи за широка потрошувачка за 26,8 отсто.


Индустриското производство зголемено за 4,4 проценти во однос на лани


Скопје, 28 декември, 2015 - 15:23 (META) 

Индустриското производство во ноември годинава е зголемено за 11,5 проценти во однос на истиот месец лани, покажуваат податоците на Државниот завод за статистика.

Според главните индустриски групи, производството во ноември 2015 година, во однос на ноември лани, бележи пораст кај интермедијарни производи, освен енергија за 1,4 отсто, капитални производи за 34,2 проценти, трајни производи за широка потрошувачка за 11,5 проценти и нетрајни производи за широка потрошувачка за 22,5 проценти, додека опаѓање бележи кај енергија за 16,9 проценти.

Индустриското производство во периодот јануари – ноември 2015 година, во однос на истиот период лани, е зголемен за 4,4 проценти.


Индустриското производство до октомври поголемо за 3, 6 проценти во однос на лани


Скопје, 27 ноември, 2015 - 16:49 (META) 

Индустриското производство во периодот јануари – октомври 2015 година, во однос на истиот период лани, бележи зголемување од 3,6 проценти.

Гледано по сектори, индустриското производство во секторот рударство и вадење на камен во октомври 2015 година, во однос на истиот период лани, бележи опаѓање од 6, 8 проценти, во секторот преработувачка индустрија бележи пораст од 18, 2 проценти, а во секторот снабдување со електрична енергија, гас, пареа и климатизација опаѓање од 14, 4 проценти.

 


Цената на индустриските производи пониска за 4,7 процени на годишно ниво


Скопје, 28 септември, 2015 - 14:32 (META) 

Продажните цени на производителите на индустриски производи во август, на домашниот пазар се повисоки за 0,3 проценти на месечно ниво, односно пониски за 4,7 проценти на годишно ниво, објави Државниот завод за статистика.

Во август годинава, во споредба со претходниот месец, продажните цени на производителите на индустриски производи на домашниот пазар се повисоки во групите нетрајни производи за широка потрошувачка за 0,7 проценти, енергија за 0,5 проценти и капитални производи за 0,2 проценти, додека во групата трајни производи за широка потрошувачка се останати на исто ниво.

Во август 2015 година, во споредба со август 2014 година, продажните цени на производителите на индустриски производи на домашниот пазар се пониски во групите енергија за 11,1 отсто, интермедијарни производи освен енергија за 1,2 отсто и во групата нетрајни производи за широка потрошувачка за 0,7 проценти.