!На 1 февруари 2017 година, завршува промотивниот период на слободно користење, без регистрација и без претплата, на содржините на „Мета“, кое беше воведено за да им овозможиме полесен пристап на корисниците до навремени и проверени вести. За начинот на пристап и за претплата, од 1 февруари 2017 година ќе информираме дополнително. При пренесувањето и преземањето на содржините од „Мета“, задолжително е атрибуирање и линкување.

Папа Франциск: Уште е рано да го оценам Трамп, прво да видам како работи


Рим, 22 јануари, 2017 - 11:31 (META) 

Папата Франциск вели дека првин ќе почека да види како работи новиот претседател на САД, Доналд Трамп, пред да каже што мисли за него, јавуваат светските агенции.

Поглаварот на Римокатоличката црква во интервју за неделното издание на шпанскиот весник „Паис“, рекол дека не сака прерано да суди за луѓето.

„Мораме да почекаме. Ќе видиме како ќе се однесува, што ќе преземе и дури тогаш ќе стекнам мислење за него. Но, човек да се плаши или да се радува за нешто што допрва би можело да се случи, не е мудро“, вели папата Франциск.

Прашан како ја коментира појавата на популистички лидери во САД и во Европа, папата рекол дека во кризни времиња луѓето бараат спасители кои ќе го вратат индентитетот и се бранат со подигнување ѕидови и бодливи жици кон другите луѓе.

Според него, и Адолф Хитлер во 1930-тите години бил избран од страна на луѓе кои барале спасител во време на економска и на политичка криза, а подоцна тој ги уништил.

„Кризите предизвикуваат страв, а мислам дека најочигледниот пример за тоа е популизмот во Германија во 1933 година. Луѓето кои беа во криза бараа идентитет, сè додека не се појави харизматичен лидер (Адолф Хитлер, н.з.) и им вети дека ќе им го врати идентитетот. Сите знаеме што се случи потоа“, вели папата Франциск.


Напаѓачот од Берлин користел 14 различни идентитети


Берлин, 5 јануари, 2017 - 15:37 (META) 

Германските власти утврдиле дека напаѓачот кој на божиќниот панаѓур во Берлин со камион уби 12 лица, Тунижанецот Анис Амри, користел 14 различни идентитети, соопшти германската полиција.

Како што се наведува во соопштението, Амри дошол во Германија на средината на 2015 година и набргу успеал да се најде на листата на потенцијално опасни исламистички екстремисти, а против него паралелно е водена истрага поради остварување права под два различни идентитета.

Според наводите на началникот на полицијата на Северна Рајна – Вестфалија, Дитер Шуерман, властите не нашле цврсти докази дека планира напад.
Амри (24) на 19 декември со камион влета меѓу посетителите на традиционалниот божиќен панаѓур во Берлин и уби 12 лица, а на 23 декември беше убиен во пресметка со италијанската полиција во Милано.


Утврден идентитетот на напаѓачот од ноќниот клуб во Истанбул


Анкара, 4 јануари, 2017 - 12:50 (META) 

Идентитетот на напаѓачот од ноќниот клуб во Истанбул е утврден, соопшти денеска шефот на турската дипломатија, Мевлут Чавушоглу.

Напаѓачот, кој побегна по нападот во кој загинаа 39 лица, и понатаму е во бегство.

Чавушоглу, сепак, не сакаше да го соопшти името на напаѓачот.

Досега 20 лица се приведени во рамки на истрагата за нападот кој се случи во ноќен клуб за време на новогодишната ноќ.

Истовремено, турската полиција денеска во Измир уапси пет осомничени припадници на Исламска држава, поради сомнеж дека се поврзани со терористичкиот напад, за кој одговорност презеде ИД.


Заврши фестивалот „Скопје постер“ кој се одржа во Музеј на град Скопје


Скопје, 5 декември, 2016 - 15:35 (META) 

Денеска завршува деветтото издание на фестивалот „Скопје постер“, кој во изминативе 15 дена се одржа во Музеј на град Скопје.

Во рамки на фестивалот, покрај изложените дизајнерски дела во рамки на четирите изложби, се одржаа и презентации и работилници на светски реномираните предавачи на теми „Македонија како туристичка дестинација“, „Дизајнирај влијателен социјален плакат“, „Плакат, уметност од улицата“, „Дизајнирање постер за џез-настан“, наменети за студенти и за професионалци дизајнери.

„Секоја година битно ни е плакатите на младите дизајнерски надежи да ги испромовираме на повеќе локации. Минатата година изложби имавме во Бугарија, Србија и во Русија. Оваа година планираме уште многу изложувања, покрај првично договорените во Њујорк, Порто, Солун и во Вилнус“, вели Гере Постеров, претседател на невладината организација „Плакарт“.

На фестивалот, насловен „Криза на идентитет“, во рамки на главната изложба на плакати од меѓународниот конкурс за плакат, беа изложени дела на студенти од сите континенти, оценувани од страна на петчлена жири-комисија составена од меѓународни судии.

Оваа година, двете главни награди ги добија Мигуел Ангел Рангел од Мексико и Река Немеди Варга од Унгарија.


Орбан: Мигрантскиот бран му се заканува на европскиот идентитет


Љубљана, 7 ноември, 2015 - 14:44 (META) 

Унгарскиот премиер Виктор Орбан денеска изјави дека мигрантскиот бран му се заканува на европскиот идентитет и дека тој се залага за негово запирање.

– Миграцијата повторно ја пишува историјата на овие краишта, нови стотици илјади луѓе со друга култура повторно се на нашите граници. Ако не го запреме тој мигрантски бран, повеќе нема да ја има онаа Европа за која се боревме – рече унгарскиот премиер во Лендави, Словенија, на свеченоста по повод 40-годишнината од основањето на организацијата на унгарското малцинство во тој дел на Словенија.

Според зборовите на Орбан, пред европските политичари сега се наоѓаат тешки одлуки.

– За тие одлуки ќе треба да одговараме пред нашите избирачи, но и пред нашите потомци, затоа не смееме да бидеме неодлучни, ни на зборови ни на дела – рече Орбан.

Орбан додал дека секој Унгарец, секој Словенец и секој државјанин на Европа е одговорен за цела Европа и дека неговата земја е подготвена да ѝ помогне на Словенија, која се соочува со голем бран мигранти.

– Сакаме сами да одлучиме за својата судбина. Научивме како треба да живееме и како да ја искористиме слободата за која се изборивме – изјави Орбан, додавајќи дека од народот зависи дали ќе ѝ се препушти на судбината и ќе биде пасивен предмет или сам ќе се грижи за својата иднина.


Откриен идентитетот на еден од напаѓачите во Анкара


Анкара, 20 октомври, 2015 - 17:00 (META) 

Турските власти го утврдиле идентитетот на еден од двајцата напаѓачи во самоубиствениот напад во Анкара, во кој загинаа 102 лица, соопшти денеска премиерот Ахмет Давутоглу.

Како што јавуваат турските медиуми, станува збор за момче по потекло од југоистокот на Турција, чиј брат починал на сличен напад во Суруч, во јули годинава.

Давутоглу соопшти дека се уапсени 15 лица поврзани со нападот во Анкара, од кои четворица се задржани во притвор
.


Двајца мажи со прострелни рани најдени мртви во автомобил кај Драчево


Скопје, 1 септември, 2015 - 11:11 (META) 

Тела на двајца мажи, со прострелни рани, синоќа околу 19 часот биле пронајдени во автомобил, марка „ровер 75“ со охридски регистарски таблички, во нива покрај патот кон село Драчево, во близина на селото Долно Количани, пренесуваат медиумите, повикувајќи се на информации од полицијата.

Според информациите, јавниот обвинител и полициските екипи, кои извршиле увид, на местото нашле пиштол. Телата на двете машки лица по наредба на јавен обвинител се предадени за обдукција.

Неофицијално, медиумите јавуваат дека бил утврден идентитетот на едно од лицата. Наводно, станува збор за 28-годишен жител на Кичево, кој вчера бил пријавен за исчезнат. Истражните органи сè уште работат на идентификација на другиот маж.

Според првичните информации, најверојатно станува збор за убиство и за самоубиство, а во врска со мотивот се шпекулира дека станува збор за кавга околу сеча на дрва.


Утврден идентитетот на изгорената жена во Градски парк


Скопје, 24 јуни, 2015 - 15:11 (META) 

Министерството за внатрешни работи (МВР) извршило идентификација и го утврдило идентитетот на жената, чие изгорено тело вчера попладне беше пронајдено во Градски парк во Скопје, соопшти Јавното обвинителство.

Станува збор за 45-годишна скопјанка со иницијали Р.С.

Како што информираат оттаму, јавен обвинител од Основното јавно обвинителство Скопје вчера извршил увид на местото каде било пронајдено безживотното тело и бил подигнат доказен материјал, за кој била издадена наредба за крим-техничко вештачење и за обдукција.

„Јавниот обвинител изврши и разговор со едно лице кое било сведок на настанот. Сведокот го слушнал пискотот на сега починатата во моментот додека горела и повикал екипа на Брза помош, со која комуницирала до нејзиното доаѓање на местото на настанот“, стои во соопштението на Јавното обвинителство, во кое се додава дека се работи на утврдување на причините за настанот.


И одот го открива идентитетот


Ерусалим, 16 декември, 2014 - 20:34 (META) 

Градбата на човечкото тело, висината, распоредот на мускулите и на коските, како и останатите фактори создаваат единствен начин на движење на секој човек. Научниците од Хебрејскиот универзитет во Ерусалим ги проучувале специфичните карактеристики на човечкиот од и дошле до заклучок дека тие се единствени како и отпечатокот од прсти.

Израелските научници потоа се насочиле кон снимање видеозаписи со преносливи уреди, како акциските камери или паметните очила, и заклучиле дека карактеристиките на одењето на секој поединец се пренесуваат и на специфичните примероци на нишање или сеопштото вибрирање на камерата. Оттука заклучиле дека од снимениот видеозапис може да се изолираат единствени биометриски податоци кои можат да го откријат идентитетот на самата личност што ја носи камерата на своето тело.

Со студијата, научниците предупредуваат на опасноста од објавување видеозаписи снимени на овој начин, затоа што идентотетот на снимателот може да биде откриен иако не се гледаат неговото лице и тело.