!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Уапсени 23 странци во Истанбул кои планирале голем напад


Истанбул, 9 декември, 2017 - 20:48 (META) 

Во голема операција на антитерористичките единици денеска во најголемиот турски град Истанбул се уапсени 23 странски државјани, под сомнение дека се припадници на терористичката Исламска држава и дека подготвувале голем напад.

При претресите биле запленети голем број на документи на ИД и дигитални материјали.


Ирак објави победа во војната против Исламска држава


Багдар, 9 декември, 2017 - 20:02 (META) 

Ирак денеска објави дека војната против Исламска држава (ИД) е завршена, по повеќе од три години воени операции со кои припадниците на терористичката ораганизација се изгонети од териториите во Ирак што ги беа окупирале.

Ирачкиот премиер Хајдер ал Абади прогласи дека ирачките вооружени сили целосно ја контролираат границата со Сирија, а владиниот портпарол појасни дека овој развој на настаните значи и крај на воените операции против ИД.

Тоа го потврди и високиот заповедник на ирачката армија, генерал потполковник Рашид Јар Алах.

– Сите ирачки територии се ослободени од терористичките банди на Даеш (арапската кратенка за ИД) и нашите сили во целост ја контролираат меѓудржавната граница на Ирак и Сирија – рече генералот.

Терористите од ИД во летото 2014 година освоија речиси една третина од територијата на Ирак, вклучувајќи го тука и Мосул, вториот по големина град во земјата.


Саудиска Арабија разби ќелија на ИД


Ријад, 6 октомври, 2017 - 10:19 (META) 

Саудиска Арабија разбила ќелија на Исламска држава во престолнината Ријад, јави државната телевизија „Ал Арабија“, повикувајќи се на соопштение на новоформираната државна безбедност.

Саудиските сили за безбедност убиле двајца припадници на ќелијата на ИД, уапсиле пет и извршиле претрес на три локации.

ИД изврши повеќе бомбашки напади против безбедносните сили и шиитските муслимани во Саудиска Арабија, чие раководство со години беше критикувано поради отстапување од стриктната интерпретација на исламот и соработката со САД.


Во Турција уапсени 42 лица поради поврзаност со ИД


Скопје, 11 август, 2017 - 14:31 (META) 

Во полициска акција во две провинции на Турција се уапсени 42 лица за кои постои сомневање дека се поврзани со милитантите.

Операцијата е изведена во источната провинција Елазиг и во јужната провинција Адана.

Според информациите од безбедносните извори, полицијата уапсила 22 лица во Елазиг, за кои се сомнева дека се припадници на Исламска држава.

Во одвоена акција, полицијата уапсила уште 20 лица во Адана, поради наводната поврзаност со илегалната Работничка партија на Курдистан. Властите трагаат уште по 10 осомничени лица.


Ирачката армија почна офанзива за ослободување 150.000 затвореници во Мосул


Мосул, 18 јуни, 2017 - 12:00 (META) 

Ирачката армија денеска почна офанзива за заземање на Стариот град во Мосул, кој е под контрола на Исламска држава (ИД) и последниот дел од големиот град контролиран од милитантните исламисти. Офанзивата е и за ослободување на околу 150.000 заробеници на ИД.

Телевизиските снимки покажуваат чад како се издига од Стариот град во Мосул, а се слушаат и многу пукотници. Биле расфрлени летоци во кои на населението му се даваат упатства како да се евакуира преку „безбедните коридори“. Се смета дека во Стариот град живеат околу 150.000 цивили, голем дел од нив претходно кидпанирани од ИД, која ги користела како жив штит и ги донела во стариот дел на Мосул.

Кампањата на ирачките војници, поддржани од САД, за целосно преземање на градот, вчера влезе во својот деветти месец. Офанзивата за стариот дел на Мосул е поддржана со напади од воздух од леталата на коалицијата предводена од САД.


ИД изгонета од граничниот премин на Ирак со Сирија


Багдад, 17 јуни, 2017 - 17:36 (META) 

Ирачката војска и борците на сунитските племиња ги изгонија единиците на Исламска држава (ИД) од подрачјето на граничниот премин Ал Валид меѓу Ирак и Сирија, соопшти денеска ирачката војска. Со протерувањето на ИД од подрачјето Ал Валид се отстранети екстремистите од непосредна близина на американската база, која се наоѓа од другата страна на границата.

Во операцијата учествувале ирачките воени воздухопловни сили и воздухопловните сили на коалицијата, која ја предводат САД.

Ал Валид е во близина на Танф, стратешки важен граничен премин меѓу Сирија и Ирак на автопатот Багдад – Дамаск, каде силите на САД им пружале помош на сириските бунтовници да ја преземат територијата од ИД.


Исламска држава ја презеде одговорноста за нападот во Тикрит и во Самара


Багдат, 6 ноември, 2016 - 15:51 (META) 

Исламска држава ја презеде одговорноста за самоубиствените бомбашки напади во ирачките градови Тикрит и Самара, во кои загина 21 лице.

ИД преку соопштение тврди дека имало три самоубиствени напади, два во Самара и еден во Тикрит.

Ирачките власти, пак, информираа за два напади, од кои еден во Тикрит, кога самоубиец активирал експлозив во амбулантно возило на јужниот влез на градот за врема на утринскиот метеж, при што загинале 13 лица.

Во вториот напад, бомбашот самоубиец активирал експлозив прикачен на автомобил на паркиралиште, каде верници биле на посета на шиитското светилишта во Самара, убивајќи најмалку седум лица.

Властите во двата града прогласија полициски час, стравувајќи од нови напади.


Сириската опозиција го зазеде градот Манбаџ


Манбиџ, 13 август, 2016 - 18:58 (META) 

Сириските опозициски сили, поддржани од САД, ја презедоа целосната контрола врз градот Манбиџ, во близина на турската граница, откако последните борци на Исламска држава го напуштија градот, изјави портпаролот на Сириските демократски сили, Шарфан Дарвиш.

Тој истакна дека бунтовниците сега го пребаруваат градот по заминувањето на последната група екстремисти, додавајќи дека се ослободени и повеќе од 2.000 цивили, кои биле чувани како заложници.

– Градот сега е целосно под наша контрола, но преземаме акции за негово чистење – објасни Дарвиш.

Сириските бунтовници нагласија дека не сакале да извршат напад од големи размери врз силите на ИД во градот поради цивилите, поради што бил и склучен договор да им биде дозволено на џихадистите слободно да го напуштат Манбиџ.

Според американски претставници, по завршувањето на операцијата за ослободување на Манбиџ ќе може да се почне акција за освојување на градот Рака, каде се очекуваат тешки борби.


Во експлозии во Багдад, најмалку 54 лица убиени


Багдад, 17 мај, 2016 - 18:08 (META) 

Најмалку 54 лица се убиени во ирачкиот главен град Багдад, во серија експлозии.

Полицијата и медицинските лица велат дека во нападите се повредени најмалку 100 луѓе.

Првата експлозија се случила на отворен пазар во доминантно шиитска населба при што загинале најмалку 28 лица и повеќе од 60 биле повредени, а во меѓувреме во две нови експлозии загинале над 20 лица и десетици биле повредени.

Групата на Исламската држава ја презеде одговорноста за нападите.


Убиен најопасниот австралиски оперативец на ИД


Сиднеј, 5 мај, 2016 - 10:01 (META) 

Најопасниот австралиски оперативец на милитантната група Исламска држава, Нил Пракаш, познат како Калед ал Камбоди, е убиен при американските воздушни напади во Ирак, соопштија австралиските власти.

– И Вашингтон го потврди погубувањето на Пракаш, кој е убиен во ирачкиот град Мосул на 29 април – истакна австралискиот обвинител Џорџ Брандис.

Дваесет и четиригодишниот Пракаш, државјанин на Австралија, со потекло од Фиџи, од будизам преминал во ислам во 2012 година, а една година подоцна заминал за Сирија.

Поранешниот рапер од Мелбурн, кој се појави во неколку видеоснимки на Исламска држава за регрутација, е поврзан со неколку планови за терористички акции во Австралија и се залага за напади во САД.

– Пракаш беше најопасниот државјанин на Австралија, поврзан со џихадистите – рече Брандис.