Земјотрес во Хондурас со јачина од 7,6 степени


Тегусигалпа, 10 јануари, 2018 - 10:22 (META) 

Силен земјотрес со јачина од 7,6 степени според Рихтерова скала погоди остров кој припаѓа на Хондурас, а потресот се почувствувал низ цела Централна Америка.

Властите издале предупредување за можност од појава на цунами.

Иако епицентарот на земјотресот бил оддалечен 519 километри од главниот град на Хондурас, Тегусигалпа, од силната на земјотресот се треселе прозорите.

За сега нема пријава дека е причинета некаква материјална штета.

Пацифичкиот центар за предупредување за цунами издаде соопштение дека можното формирање на цунами се однесува и на Пуерто Рико и на Девствените острови.


Хондурас прогласи вонредна состојба поради вирусот зика


Тегусигалпа, 2 февруари, 2016 - 14:21 (META) 

Владата на Хондурас прогласи вонредна состојба во земјата поради вирусот зика, со кој, како што се сомнева, за помалку од три месеци се заразиле 3.649 лица.

Министерката за здравство, Јолани Батрес, ги повика сограѓаните да ги исчистат домовите и заедниците, да ги отстранат надворешните контејнери со вода кои служат како место за размножување за египетските комарци, кои го пренесуваат вирусот зика.

Министерството за здравство наведува дека владата повторно го активира системот за управување со национални ризици за да ги координира напорите за спречување на ширењето на заразата.

Илјадници наставници, ученици, родители и јавни претставници почнале со расчистување на локациите каде се размножуваат комарците околу училиштата во земјата.

Објавата на владата на Хондурас е дадена набргу откако Светската здравствена организација вчера прогласи глобална вонредна ситуација поради ширењето на вирусот зика.

СЗО соопшти дека зика претставува општа опасност за јавното здравје во светот, поради што е неопходен итен и единствен одговор.

„Санофи Пастер“, разгранок на француската фармацевтска група „Санофи“, денеска објави дека почнува со истражување за производство на вакцина против вирусот зика.


Во Хондурас откриена древна цивилизација


Тегучигалба, 5 март, 2015 - 15:44 (META) 

Археолози открија урнатини од изгубена култура во дивината на Хондурас. За оваа култура истражувачите трагаат уште од времето на Ернан Кортес, а била позната единствено по апсурдниот назив градот Бог на мајмуните.

И покрај претпоставките дека американскиот пилот Чарлс Линдберг ја забележал од воздух уште во 20-тите години од минатиот век и обидите да дојде до неа, никој досега не понудил непобитен доказ за постоењето на легендарниот Бел Град.

Сега американско-хондураската експедиција, потпомогната од поранешните членови на британските специјални воздухопловни сили (САС), откри остатоци од древниот град во регионот Москитија, во Источен Хондурас, подрачјето на тропските дождовни шуми, кои зафаќаат површина од околу 83.000 квадратни километри и кои се пристапни само од воздух.


Убавицата на Хондурас пронајдена мртва


Тегуцигалпа, 20 ноември, 2014 - 13:02 (META) 

Две тела, за кои полицијата смета дека се на носителката на титулата „мис Хондурас 2014“ и на нејзината сестра, беа најдени закопани во близина на бањското одморалиште каде исчезнаа пред шест дена, рече вчера директорот на националната полиција на Хондурас.

Полицијата чека потврда од судскиот вештак дека телата се на Марија Хосе Алварадо (19) и на сестра ѝ Софија (23), рече генералот Рамон Сабилјон. Двете жени биле смртно застрелани.
Уапсени се Плутарко Руиз, момчето на Софија, и еден соучесник, Арис Малдонадо, рече Сабилјон. Двете сестри последен пат биле видени минатиот четврток, во одморалиштето во Санта Барбара, на околу 400 километри западно од Тегусигалпа, каде отишле да го прослават роденденот на Руиз.
Алварадо (19) беше крунисана за убавица на Хондурас во април и требаше да се натпреварува на изборот за светска убавица во Лондон следниот месец. Требаше да замине за Лондон во неделата. Сабилјон рече дека Руиз ја однел полицијата до местото каде биле закопани телата.