!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

„Ларондина танцова група“ вторпат ќе настапува во Македонија


Скопје, 2 октомври, 2017 - 18:58 (META) 

Британската танцова група за лица со попреченост на Анџелина Алесендре, „Ларондина танцова група“, од 5 до 10 октомври вторпат ќе престојува во Македонија.

Посетата на групата е во организација на Амбасадата на Обединетото Кралство во Македонија, Хелсиншкиот комитет за човекови права и на Ресурсниот центар на родители на деца со посебни потреби.

Во рамки на посетата, освен претстави, предвидени се и неколку работилници за правата на лицата со посебни потреби, со акцент на нивните можности, наспроти ограничувањата, во повеќе училишта во Скопје и во Битола.

„Ларондина танцова група“ е основана пред повеќе од 20 години од Анџелина Алесендре и има настапувано во Обединетото Кралство, Русија, Америка, Франција и во други земји. Групата има цел да ги зближи наставниците од Европа и пошироко во Лондон и да ги обучува за посебни методи кои се користат за двократна училишна агенда за откривање на уметничките скриени таленти на лицата со попреченост.

Во Битола тие ќе настапат во Националниот театар во 18 часот на 6 октомври, а во Скопје во „Телевизија 21“ од 18 часот на 7 октомври.


Гимназијата во Охрид се огради од летоците со кои учениците се повикуваа на протести


Охрид, 9 март, 2017 - 11:30 (META) 

Откако информацијата за летоците со повик до учениците да учествуваат во протестите на иницијативата „За заедничка Макеоднија“, беше објавена во медиумите и предизвика реакции на политичките партии и особена осуда од јавноста, со соопштение се огласи и средното училишта „Св. Климент Охридски“.

Во него се наведува дека училиштето е исклучително професионална институција, која е целосно посветена на заштита на учениците од какви било злоупотреби, а особено од партиски, и се залага за вредности за заедничкото живеење, почитување на разликите во културата и на традицијата.

– Гимназијата ги штити учениците од секаков облик на манипулација и нивна злоупотреба од секој облик, а особено во партиски цели. Оттука, општинското средно училиште го осудува обидот на изолирана група, во соработка со надворешни лица кои се креатори на таканареченото соопштение. Напоменуваме дека во општинското средно училиште вчера немаше никаков прекин на наставата или каков било друг облик на пречки во наставно-воспитниот процес – се наведува во соопштението, потпишано од директорт на охридската гимназија, Звонко Трпески.


Возач налета на пешаци во Лондон, пет лица се повредени


Лондон, 26 февруари, 2017 - 17:30 (META) 

Пет лица се повредени откако возач налета на пешаци во југоисточен Лондон.

Лицето што управувало со автомобилот е уапсено, јави локалната полиција.

Според надлежните, најверојатно инцидентот не претставува терористички чин.


МВР открило организирана група за трговија со дрога


Скопје, 18 февруари, 2017 - 20:06 (META) 

МВР во вчерашна акција за сузбивање на уличното дилерство на дрога, открило криминална група составена од пет лица С.Р. (51), З.М.(29), М.Д. (26), М.М.(36) и З.С. (34) која набавувала и продавала наркотична дрога на нарко зависници.

„Според документираните сознанија во текот на минатата и оваа година криминалната група организирана од С.Р продавала кокаин за цена од 3.000 до 4.500 денари за едно пакување. Кокаинот бил набавуван од непознато лице од Србија во помали количини, со цел полесен и побезбеден транспорт на наркотичната дрога. С.Р ги ангажирал МД. и М.З. кои го продавале кокаинот на нарко зависници, а по продажбата редовно го известувале С.Р. за паричните средства кои биле добиени“, информира МВР.

Од судија на претходна постапка извршени се претреси на пет локации при што во домот на С.Р пронајдени биле едно пакување со бела прашкаста материја, 50 куршуми калибар 9 милиметри, автомобил марка „Голф“ 5 и три мобилни телефони. Во домот на З.М. одземени се четири пакувања со непозната бела прашкаста материја, 22 куршуми 5,56 милиметри, реденик со 12 патрони со различен калибар, 43 патрони со калибар 16 милиметри, куршум 7,65 милиметри, најлон кеса со непозната растителна материја, чинија со бела прашкаста материја и мобилен телефон. Во домот на М.М. одземени се седум банкноти од по 1.000 денари, две банкноти од по 500 денари и еден мобилен телефон.

МВР до надлежното Јавно обвинителство поднело кривична пријава за сторени кривични дела „неовластено производство и пуштање во промет на наркотични дроги, психотропни супстанции и прекурсори“ и „недозволено изработување, држење и тргување со оружје или распрскувачки материи“, а осомничените беа спроведени пред судија за претходна постапка.


На градскиот плоштад во Прилеп почна новогодишната прослава


Прилеп, 31 декември, 2016 - 14:43 (META) 

Со новогодишна програма за најмладите, почна новогодишниот дочек на градскиот плоштад во Прилеп.

Децата ги забавуваа „Јунаците од бајките“ од народниот театар „Војдан Чернодрински“ и музичката група „Нокаут“.

Вечерниот новогодишен дочек на плоштадот Методија Андонов Ченто е предвидено да почне во 22.30 часот, со настапот на групите „Белинда“ и „Шило“, а по предвидениот огномет на полноќ ќе настапат диџеите „Д мод“ (The Mode).

Прилепскиот градоначалник Марјан Ристески на сите граѓани им ја честита Новата година со желби за здравје, среќа и за просперитет.


ОМД: Групата на пријатели на Македонија доби тројца нови конгресмени


Вашингтон, 30 август, 2016 - 10:42 (META) 

Обединетата македонска дијаспора соопшти дека тројца конгресмени ѝ се приклучиле на конгресната група на пријатели на Македонија и на Македонците во САД.

Станува збор за конгресменот Алекс Муни, републиканец од Западна Вирџинија, конгресменот Ренди Вебер, републиканец од Тексас, и за конгресменот Тед Лу, демократ од Калифорнија.

Групата на пријатели на Македонија сега брои 27 членови кои доаѓаат од петнаесет различни американски сојузни држави. Петнаесетмина од нив се од Републиканската партија, а дванаесетмина од Демократската партија.

– Им благодариме на конгресмените Муни, Вебер и Лу за нивното пријателство, пред сè, со македонската заедница во САД, а потоа и за нивното залагање за цврсти односи меѓу САД и Македонија – изјави претседателот на ОМД, Методија Колоски.


Уапсени 10 лица во Бразил кои планирале напад за време на Олимписките игри


Рио де Женеиро, 21 јули, 2016 - 19:55 (META) 

Бразилската полиција уапсила 10 лица осомничени дека подготвувале терористички напади за време на Олимписките игри, кои на 5 август треба да почнат во Рио де Женеиро, јавуваат светските медиуми.

Според бразилските власти, осомничените не биле членови на Исламска држава, но се обиделе да стапат во контакт со терористичката група.

Од министерството за правда соопштиле дека групата била во подготвителна фаза на нападите и дека полицијата дејствувала превентивно.

Сите уапсени членови на групата биле Бразилци, а полицијата трага по уште две осомничени лица.

Дел од нив, според полицијата, се обиделе да стапат во конктакт со продавач на оружје во соседен Парагвај и да набават автоматски пушки, но засега нема докази дека купиле некакво оружје.

Како што е најавено, повеќе од 80.000 полицајци и војници ќе патролираат низ улиците на Рио де Женеиро и ќе се грижат за безбедноста на Олимписките игри, кои ќе траат до 21 август.


Бркотница меѓу полицијата и навивачки групи кои дивееле во околината на ГТЦ


Скопје, 21 февруари, 2016 - 17:46 (META) 

Во околината на Градскиот трговски центар (ГТЦ) се одвива полициска акција во која полициски екипи се обидуваат да се справат со засега непозната група, која го нарушила јавниот ред и мир во центарот на Скопје, јавува порталот „Нова ТВ“.

Како што пренесува порталот, очевидци изјавиле дека група момчиња кршела прозорци и фрлала маси од околните кафеани.

Репортерот на „Нова ТВ“ забележал присуство на специјалните полициски единици и бркотница помеѓу групата и полицијата.

Засега нема официјални информации за што станува збор. Неофицијално, повикувајќи се на свои извори, порталот пишува дека лицата биле дел од навивачка група која е во Скопје да го следи натпреварот меѓу екипите на Вардар и на Будуќност од Црна Гора.


Милитантна курдска група ја презеде одговорноста за бомбашкиот напад во Анкара


Анкара, 19 февруари, 2016 - 19:21 (META) 

Милитантна курдска група, некогаш блиска на Работничката партија на Курдистан, ја презела одговорноста за бомбашкиот напад во Анкара, во кој загинаа 28 лица.

Групата Јастреби на слободата на Курдистан (ТАК) во соопштение на својата веб-страница навеле дека бомбашкиот напад во Анкара е одговор на политиките на турскиот претседател Реџеп Таип Ердоган и најавиле дека ќе продолжат со нападите, пренесува „Ројтерс“.

Турските власти денеска уапсиле уште три лица, осомничени за бомбашкиот напад во Анкара за кој Турција ги обвини курдските екстремисти.

Во рамките на истрагата за нападот досега се уапсени 17 лица.


Групата која 12 дена ја окупираше ИВЗ, го напушти објектот


Скопје, 15 мај, 2015 - 20:38 (META) 

Групата која 12 дена ја окупираше Исламската верска заедница, го напушти објектот на чело со скопскиот муфтија Шабани.

Судот донесе решение со кое се бараше групата веднаш да ја напушти ИВЗ.

Пред 12 дена, групата предводена од скопскиот муфтија и од неговиот секретар насилно ги зазедоа просториите на ИВЗ, револтирани поради нивното разрешување.