Во напуштена куќа во Арачиново пронајдени девет минофрлачки гранати


Скопје, 5 март, 2018 - 10:37 (META) 

Девет минофрлачки гранати биле пронајдени вчера попладне во дворот на напуштена куќа во Арачиново, соопшти СВР Скопје.

Случајот вo полиција го пријавил скопјанец, по што интервенирале  екипи од Одделот за недозволена трговија и антитероризам.  Полицијата врши истрага за случајот.


Спелеолози пронашле черепи додека истражувале во пештера во село Корито


Гостивар, 20 август, 2017 - 14:05 (META) 

На 18 август, претседателот на спелеолошкиот клуб „Кораби“ Ј.О. се јавил во полициската станица во Гостивар и пријавил дека на 17 август на место викано Чавкарник, во сeло Корито, додека истражувале пештера, на околу 20 метри длабочина забележале остатоци од неколку черепи и една неексплодирана граната.

За настанот бил запознаен Јавен обвинител кој наредил да се изврши увид.

„Увидот бил извршен на 19 август од страна на Јавен обвинител во содејство со полициски службеници, претставници од Дирекцијата за заштита и спасување и од Секторот за антитероризам при УБК Гостивар. Притоа, од дното на пештерата, на длабочина од околу 30 метри биле пронајдени и извадени дел од активирана граната од рачен фрлач, делови од човечки труп, еден долен дел од обувка, еден дел од реденик за куршуми, две чаури од патрони од ловечка пушка, повеќе парчиња облека и една запалка. Пронајдените предмети се фотографирани и доставени за вештачење“, информираат од МВР.


Пронајдени две гранати на плажа во Охрид


Охрид, 17 октомври, 2016 - 15:37 (META) 

На триесетина метри од плажата пред Центарот за обука на вода на АРМ и во близина на полициската станица за граничен надзор Охридско Езеро, на длабочина од околу три метри, пронајдени се две гранати.

Прв ги забележал 35-годишен жител на Охрид, кој за тоа пријавил во СВР Охрид. Полициски службеници извршиле преглед и го означиле местото.

Информиран бил и Центарот за управување на кризи, а на самото место увид извршила и екипа на Дирекцијата за заштита и спасување.


Лавров: Гранатирањето на амбасадата е терористички чин


Москва, 13 октомври, 2015 - 13:17 (META) 

Москва смета дека гранатирањето на нејзината амбасада во Дамаск е терористички чин, изјави денеска рускиот министер за надворешни работи, Сергеј Лавров.

– Ова е очигледно тероризам, веројатно за да се заплашат поддржувачите на борбата против тероризмот – изјави Лавров.

Две гранати беа испукани на руската амбасада во Дамаск, во текот на деонстрациите во знак на поддршка за Москва, но нема жртви ниту оштетување на зградата.


Проектили испукани врз руската амбасада во Сирија


Дамаск, 13 октомври, 2015 - 12:37 (META) 

Проектили ја погодија руската амбасада во Сирија. Една од ракетите удрила во зградата на дипломатското претставништво на Москва во Дамаск. Сè уште нема податоци за настрадани, но руската агенција наведува дека за време на нападите имало митинг за поддршка на политиката на Кремљ во блискоисточната земја.

На 30 септември 2015 година Русија почна операција во блискоисточната земја. Западот ја обвини Москва дека ударите не се насочени против Исламската држава, туку против умерената опозиција.
Рускиот претседател Владимир Путин доцна синоќа повторно рече дека неговата земја ја брани легитимната власт во Дамаск.


Во Кумановско пронајдена муниција од Втората светска војна


Куманово, 9 октомври, 2015 - 14:40 (META) 

Вработен на фирмата „Вибе“, во средата оваа недела, во кумановската полиција пријавил дека пронашол минофрлачки мини, зрна од топовска граната, запалки за гранати и куршуми, со потеко од Втората светска војна, информира полицијата.

Муницијата била пронајдена при ископ за пруга на потегот од Куманово кон индустриската зона „Бедиње“.

Како што информираат од полицијата, станува збор за 18 минофрлачки гранати, четири зрна од топовска граната, осум запалки за гранати и за два противавионски куршуми, сите од времето на Втората светска војна.

Предметите биле подигнати од екипа на Дирекцијата за заштита и спасување за понатамошна постапка.