Двајца Французи се загубиле на Попова Шапка, пронајдени се премрзнати


Тетово, 10 февруари, 2018 - 20:36 (META) 

Двајца француски државјани, волонтери во Центарот за интеркултурен дијалог од Куманово попладнево залутале и се изгубиле на падините на Попова Шапка. Тие се јавиле на пријатели на кои можеле само да им кажат дека се наоѓаат покрај некоја карпа, по што околу 15 часот случајот бил пријавен во СВР Тетово.

Во потрага по загубените излетници тргнал полицајци од Полициското одделение Попова Шапка и претставници на Горскоспасителната служба. Среде силното снежно невреме, некаде околу 17.50 часот тие биле најдени премрзнати, по што биле пренесени во Полициското одделение Попова Шапка.