Голден Стејт е новиот НБА-шампион


Сан Франциско, 17 јуни, 2015 - 10:17 (META) 

Голден Стејт со победата над Кливленд од 105:97 и финални 4:2 ја осви шампионската титула во НБА.

Ова е четврта титула на клубот, прва по 40 години.

Најефикасни кај Голден Стејт беа Стеф Кари и Андре Игудала, секој со 25 поени.

Драјмонд Грин натпреварот го заврши со трипл-дабл од 16 поени, 11 скокови и од 10 асистенции.

Леброн Џејмс, иако постигна 32 поени, 18 скокови и девет асистенции, не успеа да му ја донесе победата на Кливленд.


Голден Стејт во финале по 40 години


Сан Франциско, 28 мај, 2015 - 13:05 (META) 

Голден Стејт со 104-90 славеше против Хјустон и со вкупно 4-1 од петте натпревари од финалната серија на Западната конференција се пласираше во финале, каде за титулата ќе игра против Кливленд.

Стеф Кари повторно беше најефикасен, со 26 поени, осум скока и so шест асистенции. На спротивната страна Двајт Хауард постигна 18 поени и 16 скока.

„Вариорс“ првпат по 1975 година ќе играат во финале и ќе имаат можност да ја освојат втората титула откако таа година во серијата за титулата славеа над Вашингтон со 4-0.

Претходно во конференциското финале на Истокот, Кливленд со 4-0 во серија ја елиминираше Атланта. Финалната серија што се игра до четири победи почнува на четврти јуни, а предноста на домашниот терен во евентуалната мајсторка ја има Голден Стејт.


Стефан Кари е најкорисен играч во НБА-лигата


Скопје, 4 мај, 2015 - 14:21 (META) 

Американските медиуми објавија дека плејмејкерот на Голден Стејт, Стефан Кари, ја добил наградата за најкорисен играч во НБА-лигата. Кари наградата треба да ја добие утре.

Конкуренти на Кари во трката за најкорисен играч оваа сезона му беа Леброн Џејмс од Кливленд кавалерс, Расел Вестбрук од Оклахома тандерс и Џејмс Харден од Хјустон рокетс.

Стефан Кари во регуларниот дел од сезоната имаше просечно 23,8 поени, плус 7,7 асистенции, 4,3 скока и две украдени топки по меч. Тој е и рекордер по бројот на постигнати тројки и со 286 постигнати сезонава, го поправи својот рекорд од минатата сезона (272).