!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

ФСБ уапси украински агент кој подготвувал саботажи на Крим


Москва, 15 август, 2017 - 13:44 (META) 

Агентот на украинската безбедносна служба Генадиј Лименшко е приведен на Крим поради планирање саботажи, соопшти руската Федерална служба за безбедност (ФСБ).

„ФСБ спречи саботажи на неколку јавни и инфраструктури објекти на Крим“, стои во соопштението.

Како што се наведува, припадниците на одделот на ФСБ на Крим во градот Севастопољ во текот на истражните активности го привеле Лименшко, агент на регионалниот разгранок на украинската безбедносна служба, кој според руската служба испратен на Крим за да изврши саботажи.

Станува збор за украински државјанин од регионот на Харков, кој бил во редовите на единица на украинската војска која учествувале во антитерористички операции во Донбас.


Уапсени терористи кои подготвувале напади во Москва


Моксва, 14 август, 2017 - 13:56 (META) 

Руската служба за безбедност (ФСБ) соопшти дека уапсиле членови на терористичка група која во Москва и регионот подготвувале серија напади.

„ФСБ спречи активност на терористичка група која планирала серија терористички напади на јавни места, вклучувајќи и големи трговски центри. Групата врши самоубиствени напади со силни експлозиви“, стои во соопштението на ФСБ.

Како што се наведува, во специјалната операција е уапсен и организаторот на нападот, припадник на Исламска држава, кој е специјалист за правење експлозиви, како и двајца терористи -самоубијци.


Напаѓач убил две лица во канцеларија на ФСБ на истокот на Русија


Москва, 21 април, 2017 - 12:59 (META) 

Вооружен напаѓач убил службеник на руската Федерална служба за безбедност и еден посетител на канцеларијата на ФСБ на истокот на Русија.

Пукањето се случило во градот Кабаровск, на крајниот исток на Русија.

Напаѓачот отворил оган во собата за прием, при што усмртил еден службеник и еден посетител, кој наводно бил државјанин на една од поранешните советски земји. Напаѓачот е убиен откако обезбедувањето возвратило на огнот.

Во тек е истрага.


Четири лица уапсени во Русија поради планирање терористички напади


Москва, 15 декември, 2016 - 16:13 (META) 

Руската федерална служба за безбедност (ФСБ) денеска соопшти дека уапсила четири лица, осомничени за планирање терористички напади во Москва, јавуваат светските агенции.

Уапсените, како што било наведено во соопштението, се државјани на Молдавија и на Таџикистан. Тие планирале со импровизирани експлозивни направи да изведат серија напади, со кои, според ФСБ, требало да управува еден од водачите на Исламска држава, чија база била во Турција.

Од ФСБ додаваат дека по организаторот на нападите, чие име не е наведено, властите во Таџикистан веќе имале распишано потерница за повеќе кривични дела.

Молдавските и таџикистанските државјани биле уапсени во Москва и во околината и кај нив биле пронајдени автоматско оружје и експлозив.


Шестмина милитанти од Северен Кавказ убиени во Санкт Петерсбург и во Москва


Санкт Петерсбург, 17 август, 2016 - 18:21 (META) 

Четворица припадници на исламистичка група од Северен Кавказ денеска биле убиени во голема акција на руските безбедносни служби (ФСБ) во Санкт Петерсбург, јавуваат светските агенции.

Кратко по акцијата во Санкт Петерсбург, како што пренесува „Би-би-си“, во близина на Москва биле убиени уште две вооружени лица, за кои постојат сомневања дека се од Северен Кавказ, а кои претходно повредиле двајца сообраќајни полицајци.

Според информациите, руските безбедносни служби ја почнале акција во јужниот дел на Санкт Петерсбург, за апсење на осомничени кои биле на листата на барани лица поради можна вклученост во илегалните вооружени групи од Северен Кавказ.

Четворицата припадници на групата биле убиени при „размена на оган“ со безбедносните служби, во стан во Санкт Петерсбург, за време на акцијата.

Од ФСБ соопштиле дека операцијата била завршена и дека во неа немало повредени цивили, ниту припадници на полицијата.

Како што јавуваат агенциите, повеќе вооружени групи од Северен Кавказ се приклучиле на Исламска држава и се заканиле со одмазда кон Русија, поради воздушните напади во Сирија.