!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Тимоние: Франција ги поддржува изградбата на правната држава и унитарноста на Македонија


Скопје, 15 јули, 2017 - 14:45 (META) 

Четвртина век како Франција е на страната на Македонците за да се зајакне државата и нејзината унитарност и ги придружува во изградбата на правната држава, што е услов кој важи за сите идни интеграции кон кои земјата легитимно се стреми, порача амбасадорот на Франција во Македонија, Кристијан Тимоние, на вчерашниот говор на свечениот прием на Националниот ден на Франција.

На приемот во Македонско село, Тимоние ги нагласи заложбите на Франција за спроведување на неопходните реформи во Македонија и за Европа, која ќе стане целосна кога ќе се приклучат земјите од Западен Балкан.

– Оваа година, францускиот празник е во знакот на споделената надеж која уште повеќе ќе нè обедини, надежта за европска иднина за која се изјаснија нашите два народa, со која им се дава нов патоказ, оној за спроведување на неопходните реформи, за изградба на простор за мир и за просперитет, колективна амбиција за она што треба да биде Европа. Европа, која нема да биде целосна, како што напиша нашиот претседател Макрон во писмото до претседателот Иванов, сè додека не се приклучат земјите од Западен Балкан. Тоа е огромната задача која ни престои на сите и поради која сè уште сме и ќе бидеме секогаш на ваша страна. Тоа не е само Европа на автопатишта и на тендери, на помош и на субвенции, туку Европа на заеднички вредности кои посакуваме да ги имаме сите, а кои ние Французите ги славиме денес заедно со Вас. Вредностите на нашата девиза: слобода, еднаквост, братство – рече, меѓу другото, францускиот амбасадор.

На приемот беа и премиерот Зоран Заев и претседателот на Собранието, Талат Џафери, како и министри, странски амбасадори, градоначалници и верски великодостојници.


Саркози и Ле Пен, најпопуларни француски политичари


Париз, 27 декември, 2014 - 17:30 (META) 

Поранешниот француски претседател Никола Саркози и лидерката на партијата Национален фронт, Марин ле Пен, се најпопуларните политичари во земјата, покажуваат денеска објавените резултати од истражувањето на јавното мнение.

Истражувањето го спровела агенцијата „Одокса“ и е по нарачка на весникот „Паризиен“. Анкетираните одговарале напрашањето: Со кого од француските политичари би сакале да ја дочекате Новата година?“

Од анкетираните, 19 процента го посочиле Саркози, а 17 проценти – Ле Пен.

Премиерот Мануел Валс е на петто место со 12 проценти, а актуелниот претседател Франсоа Оланд – едвај единаесетти со само девет проценти.

Истражувањето било спроведено на интернет во периодот 11-12 декември меѓу 1.002 полнолетни лица.


Поповски на Самит на франкофонијата во Дакар


Дакар, 29 ноември, 2014 - 11:06 (META) 

Министерот за надворешни работи, Никола Попоски, следните два дена ќе учесствува на 15. Самит на Франкофонијата, посветен на темата „Жените и младите, вектор на мирот и развојот“, што се одржува во Дакар, Република Сенегал.

Според најавите, министерот Попоски треба да оствари повеќе билатерални средби со шефовите на делегациите од земјите-членки на франкофонскиот свет.

Македонија е полноправна земја-членка на Меѓународната организација на франкофонијата од 2006 година, споделувајќи го францускиот јазик и вредностите заедно со преостанатите 76 земји-членки и набљудувачи на втората по големина светска меѓународна организација.