!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Фестивалот АКТО во Скопје ќе понуди перформанси и музика


Скопје, 26 октомври, 2017 - 13:54 (META) 

Во рамките на своето 12. издание во Скопје, фестивалот за современи уметности АКТО утре и задутре во кино „Култура“ и во Железничка зграда ќе понуди повеќе уметнички содржини.

Фестивалот ќе почне утре со отворен штанд за продажба на независни музички изданија од македонски автори, во холот на кино „Култура“. Потоа, од 20 часот, на истата локација, под мотото „АКТО за заедниците“, ќе се одржи своевидно истражувачко студио за храна, наука и за уметност. Тоа ќе биде проследено со настап на диџеите Мирко Попов, Фладер и Илина Ангел.

В сабота, програмата се сели во Железничка зграда, на ул. Борка Талевски бр 26.  Од пладне, па до 15 часот, ќе се одржи перформативно-истражувачки проект на Филип Јовановски, насловен „Кога зградите би зборувале“, а ќе го проследи специјален настап на „Фолтин“, „Дејви Д’ Боуви + Паднатите од Марс“, кој ќе почне во 13.30 часот.  Бидејќи просторните услови се ограничени, заинтересираните треба да испратат порака до фејсбук-страницата на  АКТО-фестивал.


„Фолтин“ со нов албум, „Пијан славеј“


Битола, 6 мај, 2015 - 13:38 (META) 

Групата „Фолтин“ промовира нов албум, „Пијан славеј“, кој е во издание на Центар за култура-Битола.

За новиот албум, членовите на групата велат дека е со жанровска разноликост, но е задржан нивниот музички печат и препознатлив стил. „Ела си в кревет“, „Пијан славеј“, „Облаче“, „Слободната љубов“ се само дел од нумерите на овој албум, чија концертна промоција дополнително ќе биде најавена.

Досега „Фолтин“ ги издале албумите „Оutre mer“, „Аrchimed“, „Donkey hot“, „Lo-le taa-too“, „Penelope x“, заеднички проект со Никола Коџобашија и со Гоце Стефковски.


„Фолтин“ со нова песна – „Ела си в кревет“


Скопје, 10 април, 2015 - 17:24 (META) 

По мини-албумот „Антитело“, објавен во 2012 година, култниот битолски состав „Фолтин“ има нова песна, насловена „Ела си в кревет“.

Покрај подготовката на новиот материјал, битолчаните се зафатени и со настапи низ регионот, а во текот на април и на мај ќе гостуваат во повеќе градови во Хрватска и во Словенија.

https://soundcloud.com/foltin-1/ela-si-v-krevet-teaser