!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Стапката на инфлација во еврозоната е највисока во последните три години


Брисел, 4 јануари, 2017 - 14:07 (META) 

Официјалните бројки покажуваат дека инфлацијата во државите што припаѓаат на еврозоната, во декември се зголеми на највисоко ниво во последните три години, главно поради зголемување на трошоците за енергија.

Европската статистичка агенција (Евростат) соопшти дека годишната стапка на инфлација се зголемила на 1,1 процент во декември од 0,6 отсто во ноември.

Декемвриската стапка е највисока од септември 2013 година, кога инфлацијата исто така изнесувала 1,1 процент.

Бројката е во прилог на Европската централна банка, која настојува да ја намали инфлацијата под два проценти.


Евростат: Секој шести Европеец нема пари за забава


Брисел, 1 декември, 2016 - 17:52 (META) 

Повеќе од 10 проценти од државјаните на земјите членки на Европската Унија не можат да си дозволат излегување со пријателите или со семејството на пијалак или на вечера, додека секој шести граѓанин нема пари за забава, покажува истражувањето на статистичката служба на Европската Унија, Евростат.

И покрај бавното, но континуирано закрепнување на економијата во ЕУ и намалувањето на невработеноста во 2014 година, 13 проценти од граѓаните на ЕУ постари од 16 години не можеле барем еднаш да излезат на пијалак или вечера, додека 17,8 проценти не можеле редовно да имаат некој вид релаксација.

Најголем процент на луѓето кои не можеле да си дозволат да излезат со пријателите или семејството се од Унгарија и од Романија, односно преку 35 проценти, потоа во Бугарија, каде што тој процент е нешто повеќе од 30 отсто.

Од друга страна, во Шведска помалку од еден отсто не можеле да си дозволат излегување, во Финска два проценти, а во Холандија и во Чешка три отсто.

Помалку од десет проценти од луѓето немале пари за излегување во Словачка, Велика Британија, Естонија, Хрватска, Кипар, Франција и во Австрија.


Темпото на вработување во ЕУ забавува


Брисел, 29 август, 2016 - 10:48 (META) 

Во Европска Унија се забавува темпото на вработувања, така што статистиката покажува дека секој шести е невработен, во првите три месеци годинава.

Работа пронашле 15,4 проценти од невработените, односно три милиони невработени, наведува Евростат. Со тоа, темпото на вработување било забавено во однос на четвртото тримесечје лани, кога работа успеале да пронајдат 18 проценти од невработените или 3,5 милиони луѓе.

Извештајот на Евростат се базира на анкетата на работната сила и не ги вклучува податоците за Германија и за Белгија.

Данска предничела во темпото на вработување, па така секој трет невработен во таа земја, или 30,3 проценти, нашле вработување во првите три месеци од годината.

Потоа следува Шведска, каде што работа нашле 22,5 проценти од невработените и Австрија со 22,3 проценти.


Евростат: Цената на струјата во Македонија за 55 отсто поевтина од европската


Брисел, 27 јуни, 2016 - 16:40 (META) 

Според статистичката служба на Европската Унија, Евростат, анализите за земјите кои не се членки на ЕУ, покажуваат дека во Македонија цената на струјата е за 55 отсто поевтина отколку во европските земји, а во Србија за 47 отсто.

Просечната цена на струјата во земјите од ЕУ изнесува 18,4 евра за 100 киловат-часови.

Како што посочуваат од Евростат, најскапа струја плаќаат Данците и тоа 29,8 евра за 100 киловат-часови, а најевтина е струјата во Бугарија каде чини 8,7 евра за 100 киловат-часови.

Според последните информации од Регулаторна комисија за енергетика (РЕК), цената на струјата сè уште се пресметува и до 1 јули треба да биде соопштена новата цена.

 


Половина од населението се соочува со ризик да стане сиромашно


Брисел, 12 февруари, 2016 - 14:27 (META) 

Речиси половина од македонските граѓани (43,2 проценти) се соочуваат со ризик да станат сиромашни, покажува најновиот извештај на статистичкото биро на Европската унија, Евростат.

Со удел од 43,2 проценти, ризикот од сиромаштија и од социјална ексклузија во Македонија е поголем од сите други држави во Европа.

Во Европа, 24,4 проценти од популацијата, односно 122,3 милиони луѓе, во 2014 година биле соочени со висок ризик на сиромаштија и со социјална ексклузија.