!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Австрија ќе го тужи „Ербас“ поради корупција при набавка на воени авиони


Виена, 16 февруари, 2017 - 12:08 (META) 

Австриското Министерство за одбрана ќе поднесе тужба, против европскиот производител на авиони „Ербас“, поради корупција при набавката на борбени авиони „Јурофајтерџ“.

Имено, „Ербас“ лажно ја зголемил цената во договорот од 2003 година кога Виена планирала да набави 15 борбени авиони.

Работната група при ресорното министесрство во 2012 детално го проверила договорот и тврдењата поврзани за корупција, како и дали е оштетена Австрија.

Врз основа на извештајот, Министерството за одбрана најави тужба и бара отштета од повеќе милиони евра.


Индонезија: Падот на „ербасот“ е предизвикан од механички дефект


Џакарта, 1 декември, 2015 - 13:51 (META) 

Минатогодишната авионска несреќа, во која авион на „Ер Азија“ во декември се урна во Јаванско Море во Индонезија, при што загинаа 162 лица, во најголема мера е последица на механички дефект на управувачкиот систем на „ербас A320-200“, соопштија денеска индонезиските истражители во завршниот извештај.

Поради повеќекратните проблеми со управувачкиот систем, пилотите, во особено лоши временски услови, го исклучиле автоматскиот пилот за да се справат со проблемите. Потоа изгубиле контрола над леталото, соопшти Националниот одбор за сигурност во сообраќајот.
„ЕрбасA320-200“, кој на 28 декември 2014 година, од индонезискиот град Сурабај полета кон Сингапур, а исчезнал од радарите половина час по полетувањето откако побарал дозвола за зголемување на висината поради лошите метеоролошки услови.


Индија нарачува 250 авиона од „Ербас“


Европскиот произведувал на авиони „Ербас“ добил од групацијата „ИндиГо“ нарачка за 250 авиони од типот „А320 нео“, што е најголема нарачка во историјата на оваа индиска авио-компанија.

Според цените во каталогот, нарачката е вредна 26 милијарди долари, односно 23,4 милијарди евра, соопштија од „Ербас“.

Нискобуџетната индиска авио-компанија „ИндиГо“, во 2005 година од „Ербас“ нарача 100 летала од типот „A320“ и уште 180 модели „A320 нео“ во 2011 година.

Вкупниот број на нарачки од семејството на „A320“ за „ИндиГо“ се искачи на 530 авиони.


„Ербас“ ќе гради гигантска сателитска мрежа


Париз, 15 јуни, 2015 - 15:41 (META) 

Европскиот гигант „Ербас“ склучил договор за изградба на најголемата констелација на сателити во светот, пренесува „Би-Би-Си“.

Компанијата планира да произведе 900 сателити за концернот „Уан веб“ (OneWeb), кој има намера да го прошири интернет-пристапот низ целиот свет.

Договорот бил објавен на Париското аерошоу и, според плановите, првично ќе бидат лансираат повеќе од 600 сателити, додека другите ќе се чуваат како резерва.

Консталацијата на сатетили на „Уан веб“, која ќе чини неколку милијарди долари, ќе ги минимизира сите претходни комерцијални мрежи за десетпати.

Според очекувањата, секој сателит ќе биде тежок околу 150 килограми, а според информациите „Уан веб“, цената за една единица ќе биде околу половина милион долари.

Како што пренесува „Би-Би-Си“, од „Ербас“ изјавиле дека првите 10 ќе бидат произведени во фабруката во Тулуз, а потоа работата ќе се пресели во САД.

За транспортот на сателитите во орбитата, ќе бидат потребни голем број ракети, поради што, пренесува „Би-Би-Си“, во проектот најверојатно ќе биде вклучен и „Вирџин груп“ на Ричард Бренсон, кој, во меѓувреме, работи на развој на систем за лансирање сателити базиран на неговиот туристички „вселенски авион“.


Авион на „Ер Канада“ излетал од писта, нема настрадани


Халифакс, 29 март, 2015 - 10:28 (META) 

Патнички авион од типот „ербас“ на компанијата „Ер Канада“ рано утрово излетал од пистата за време на слетувањето на аеродромот во канадскиот град Халифакс, пренесуваат светските медиуми.

Во несреќата нема загинати, но 25 патиници биле веднаш префрлени во болница. Никој од нив не бил во животна опасност.

Во авионот имало 132 патници и пет членови на екипажот. „Ербасот“ на „Ер Канада“ летал од Торонто и на аеродромот во Халифакс слетал кратко по полноќ, кога, според привчните информации, наводно, удрил во електричен столб.

„Авионот лошо слета“, изјавил портпаролот на аеродромот во Халифакс, Питер Спарвеј, пренесува ХРТ.

Аеродромот во Халифакс веднаш бил затворен. Ви моментот на несреќата, како што пренесуваат медиумите, паѓал снег и видливоста била значително намалена.


Проклетството „ербас А320“ однесе 789 животи


Париз, 24 март, 2015 - 16:36 (META) 

Авионите „ербас А320“, во кои спаѓаат моделите A318, A319, A320 и A321, од своето пуштање во сообраќај од април 1988 година, па досега, имале 60 несреќи, во кои загинале 789 лица. Од вкупниот број несреќи, во дури 24 авионите биле целосно уништени.

Авионот „A320“ официјално е претставен во март 1984 година, а првиот лет го имаше во февруари 1987 година. Испораката почна 13 меесеци подоцна.

Првата несреќа на моделот „A320“, каков што денеска се урна на француските Алпи, била на 26 јуни 1988 година, за време на демонстративниот лет на францускиот аеродром „Мулјаус-Хабсхајм“. „A320-111“, авион стар само неколку месеци, се урна во шумата зад пистата за слетување. Тројца од 136 патници загинаа.

„A320“ во 2008 година учествуваше во две несреќи во кои загинаа патници. Летот на авиопревозникот „ТАЦА“ кобно заврши при слетувањето во Сан Салвадор. Пет лица загинаа на пистата и уште двајца во авионот. Слично се случи и со експерименталниот лет „Икс-Ел Џерманија“, чиј авион се урна во море покрај јужниот брег на Франција. Загинаа седум патници.

Моделот „A320“ е познат и по несреќата во јануари 2009 година, кога авион на „Ју-Ес Ервејс“ на летот 1549 поради судир со јато птици и проблеми со моторот, принудно слета во реката Хадсон во Њујорк. За среќа, сите 155 патници беа навреме евакуирани од полупотонатиот авион. Капетанот и копилотот беа прогласени за херои.

Последната несреќа, пред падот на „Џерманвингс“, се случи во декември 2014 година, кога авион на индонезиската компанија „Ер Азија“, на летот 8501, се урна во Јаванско Море. Сите 162 патници загинаа. Истрагата за несреќата сè уште е во тек.


„Ербас“ има планови за „ѓеврек-авион“


Тулуза, 18 ноември, 2014 - 20:39 (META) 

Компанијата „Ербас“ поседува патент што повеќе наликува на летало од серијата „Ѕвездени патеки“ отколку на редовен патнички авион. Седиштата за патниците се сместени кружно поради што уште сега ова летало го доби името „ѓеврек-авион“.

Геометриската форма на авионот е дизајнирана така што патниците кои ќе седат во предниот и во задниот дел, ќе бидат целосно ослободени од стрес.

Овој начин на седење и формата на авионот ќе влијаат да има поголем број патнички седишта. Сепак, портпаролот на „Ербас“ вели дека овој модел сè уште не е во прозводство.

– Во нашата компанија се вработени многу умни луѓе кои имаат феноменални идеи. Можеби некои од тие идеи ќе ја видат светлината на денот во блиска иднина – изјавил портпаролот на компанијата.