Почина Горан Стефановски


Скопје, 28 ноември, 2018 - 9:33 (META) 

Во Велика Британија синоќа ненадејно, на 66 годишна возраст, почина познатиот македонски драматург Горан Стефановски.

Тој беше универзитетски професор и еден од најплодните драмски автори во македонската историја, автор на познатите драми „Диво месо“, „Лет во место“, Дупло дно“ и „Тетовирани души“. Беше и еден од креаторите на детската ТВ серија „Бушава азбука“ која се емитуваше на Македонската радио телевизија. Стефановски беше и дописен член на МАНУ.

Добитник е на наградите „Стале Попов“, „11 Октомври“,  на „Војдан Чернодрински“ (шестпати) и на „Стериина награда” (двапати).


Промоција на четвртата книга „Собрани драми“ од Горан Стефановски


Охрид, 19 август, 2015 - 11:28 (META) 

МАНУ, во рамките на „Научната и уметничка визита – Охрид 2015” и во соработка со фестивалот „Охридско лето“, вечерва од 20 часот, ќе ја промовира четвртата книга „Собрани драми“ од Горан Стефановски.

Настанот ќе се одржи во „Куќата на Уранија“, додека промотор ќе биде академик Катица Ќулавкова.

Извадоци од сцени од драмите ќе интерпретира актерот Никола Ристановски, а за процесот на создавање на драмите ќе говори авторот Стефановски.

Најновата збирка од едицијата „Темелници“, во издание на Табернакул, содржи три нови драми, „Одисеј“, „Огнени јазици“ и „Фигурае венерис хисториае“.