!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

За семејствата на осудените во „Диво насеље“, косовската влада ќе даде по 10.000 евра


Приштина, 10 ноември, 2017 - 15:19 (META) 

Владата на Косово денеска додели вкупно 219.000 евра за семејствата на осудените за случајот „Диво насеље“ и на загинатите во инцидентот на 9 и 10 мај мај 2015 година, јави „Порталб“.

Мерката ја објави премиерот на Косово, Рамуш Харадинај.

– Доделени се 219.000 евра за покривање на трошоците на семејствата на осудените и на загинатите во кумановскиот случај – рече Харадинај, објаснувајќи дека тие пари ќе бидат распределени по 10.000 евра за семејство.

– Парите за обештетувањата ќе се земат од државните резерви на Косово, а ќе ги префрли министерството за финансии – објасни Харадинај.

Министерот за финансии на Косово, Бедри Хамза, побара семејствата да му достават банкарски сметки, појаснувајќи дека ќе нема никакви проблеми поради префрлањето на парите.

Првостепената пресуда за „Диво насеље“ беше изречена на 2 и 3 ноември, при што беа изречени осум доживотни затворски казни, 13 казни по 40 години затвор, шест по 20 години и уште седум казни од по 18, 14, 13 и 12 години затвор.


Врховниот суд денеска ќе одлучува по жалбите на осудените во „Монструм“


Скопје, 29 јуни, 2017 - 10:17 (META) 

Врховниот суд денеска на јавна седница треба да ги разгледа жалбите на шестемина осудени на доживотни затворски казни во случајот „Монструм“, односно за петкратното убиство кај Смиљковско Езеро.

Седницата, како што соопшти судот, ќе биде јавна, а ќе се одржи во големата сала на Врховниот суд.

Судот претходно двапати ја одложи оваа седница, која првин требаше да се одржи на 30 мај, па беше презакажана и повторно одложена на 9 јуни, бидејќи дел од адвокатите на обвинетите беа на боледување.

Судот на претходното рочиште прифати да ги побара и да ги земе предвид доказите на обвинителите од Специјалното јавно обвинителство, кои на прес-конференција истакнаа дека водат предистражна постапка за случајот „Монструм“.

Инаку, Врховниот суд овој предмет го стави на дневен ред 15 месеци откако одбраната на осудените поднесе жалба на пресудите на Кривичниот и на Апелацискиот суд Скопје, со кои шестемина обвинети беа осудени на доживотни затворски казни.