Променливо облачно со локални слаби врнежи од дожд, утре многу силен ветер


Скопје, 22 февруари, 2019 - 9:15 (META) 

Времето во Македонија денеска ќе биде променливо облачно, во попладневните и во ноќните часови со локални слаби врнежи од дожд, а на планините од снег. Ќе дува слаб до умерен северен ветер, кој во текот на ноќта ќе се засили.

Утринската температура се движеше од -4 до 5 Целзиусови степени, а дневната ќе изнесува меѓу 3 и 14 степени.

Во Скопје, слично време, променливо облачно, во попладневните и во ноќните часови со слаби врнежи од дожд. Ќе дува слаб до умерен северен ветер, кој во текот на ноќта ќе се засили.

Утринската температура се спушти до 0, а дневната ќе достигне до 11 Целзиусови степени.

Поради нагло спуштање на многу студена воздушна маса од север, утре преку денот ќе дува силен североистичен ветер, чија брзина на места ќе достигнува од 90 до 100 км/ч.

Дневната температура значително ќе се намали, на повеќе места ќе биде за околу 15 степени пониска во однос на денешната. Утре претпладне и околу пладне ќе има локални врнежи.


Претпладнево сончево со умерена облачност, попладне пороен дожд


Скопје, 11 февруари, 2019 - 9:18 (META) 

Претпладне во Македонија времето ќе биде сончево со мала до умерена облачност, преку денот со засилен јужен ветер особено во западните делови, каде ќе достигнува брзина и до 80км/час.

Во попладневните часови облачноста ќе се зголеми и од запад ќе започнат врнежи од дожд, кои на места ќе бидат и поројни. Преку ноќта врнежите ќе се прошират насекаде и ќе бидат пообилни во западните и северните делови, каде на повисоките места ќе преминуваат во снег. Ветерот ќе го промени правецот во северен. Снежната покривка на планините ќе се зголеми, а помала снежна покривка ќе се формира и во местата над 600 м.н.в.

Температурата ќе се движи од 7 до 16 Целзиусови степени.

Во Скопје слично време, со температура од -1 до 13 степени.

Под влијание на многу студен бран од север од утре следува период на променливо облачно, значително постудено и ветровито време, со засилен северен ветер и со слаби локални врнежи од снег.


Облачно и ветровито време, со повремен дожд


Скопје, 6 февруари, 2019 - 9:12 (META) 

Времето денеска ќе биде облачно, постудено и ветровито со повремени врнежи од дожд, со слаб до умерен интензитет. На планините и на некои места врнежите ќе бидат од снег. Ќе дува умерен до засилен северен ветер, особено претпладне и најизразен долж Повардарието.

Дневната температура ќе биде во интервал од 4 до 9 Целзиусови степени.

Во Скопје ќе биде облачно и ветровито, околу пладне и попладне со повремен дожд. Ќе дува умерен, претпладне засилен северен ветер. Максималната температура ќе биде околу 6 Целзиусови степени.

Од утре следува период на стабилно време со пониски утрински температури, а дневните ќе бидат во постепен пораст. Утре се уште ќе има зголемена облачност, а од петок и особено за време на викендот ќе биде посончево и потопло, со дневна температура што во поголем дел од земјава ќе биде од 10 до 15 Целзиусови степени.


На западот променливо облачно, во другиот дел од земјава главно сончево


Скопје, 1 февруари, 2019 - 9:31 (META) 

Времето во западните делови на Македонија денеска ќе биде променливо облачно со слаб локален дожд, а на планините со слаб снег. Во останатите делови на земјава ќе биде сончево со умерена облачност. Претпладне по котлините ќе има појава на магла. Ќе дува слаб до умерен јужен ветер.

Утринската температура се движи од  -6 до 1 Целзиусов степен, а дневната ќе биде во интервал од 3 до 12 Целзиусови степени.

Во Скопје и околината слично време, со утринска температура од околу  -4 Целзиусови степени и дневна до 5 степени.

Следува период на претежно облачно и потопло време, особено на повисоките места и на планините, што ќе предизвика топење на снежната покривка. Во утринските часови по котлините ќе има појава на магла. За време на викендот ќе дува умерен до засилен југоисточен ветер. Од понеделник ќе има локални врнежи од дожд, со слаб до умерен интензитет.


Облачно време со повремени врнежи од дожд, а на повисоките места снег


Скопје, 31 јануари, 2019 - 9:07 (META) 

Времето денеска ќе биде претежно облачно со повремени врнежи од дожд, на повисоките места од дожд и снег, а на планините само од снег.

Врнежите ќе бидат со слаб до умерен интензитет. По одделни котлини ќе има појава на магла. Ќе дува слаб, во западните делови умерен ветер од западен правец.

Температурата ќе се движи од минус три до девет Целзиусови степени, во Скопје од 0 до 4 Целзиусови степени.

 Утре ќе биде сончево со умерена облачност, по котлините магливо, ќе дува слаб до умерен јужен ветер.

Врнежливо време денеска


Скопје, 30 јануари, 2019 - 9:27 (META) 

Времето денеска ќе биде облачно, со повремени врнежи од дожд. Попладне и во текот на ноќта пообилни врнежи ќе има во јужните и источните делови од земјава. На планините над 1.200 метри ќе има врнежи од снег.

Температурата ќе се движи од 0 до 10 Целзиусови степени, а во Скопје од 0 до 5 степени.

Утре ќе се задржи променливо облачно време со локални слаби врнежи од дожд, а на планините и на некои повисоки места од снег. Врнежите ќе бидат пообилни во источните делови каде вкупната количина на наврнат воден талог ќе биде над 20л/м2.


Претежно облачно денеска, со повремен дожд


Скопје, 29 јануари, 2019 - 9:12 (META) 

Во Македонија денеска времето ќе биде претежно облачно со повремени врнежи од дожд, особено попладне и кон крајот на денот.

На планините над 1.400 метри надморска височина ќе има врнежи од снег. Пообилни врнежи ќе има во текот на ноќта во источните делови од земјава.

Максималната температура ќе биде во интервал од 3 до 10 Целзиусови степени.

Во Скопје времето ќе биде претежно облачно. Кон крајот на денот ќе има услови за повремени врнежи од дожд. Максималната температура ќе достигне 5 Целзиусови степени.

Во следните два дена, до четврток, ќе преовладува променливо облачно време со повремени врнежи од дожд, а на планините од снег. Од петок до недела се очекува стабилно време и значително затоплување, особено на повисоките места и на планините, што ќе услови топење на снежната покривка.

Утрово најмногу снег 97 сантиметри е измерен на Попова Шапка, 67 сантиметри во Маврови Анови, 48 во Крушево, а најмалку 3 сантиметри во Скопје – Зајчев Рид, како и во Претор, Струмица и Куманово.


Снежни врнежи денеска, на југоистокот дожд


Скопје, 25 јануари, 2019 - 9:48 (META) 

Времето денеска ќе биде со врнежи од снег насекаде во земјата, а ќе се формира и нова снежна покривка. Само во југоисточниот дел има врнежи од дожд и снег. Дневната температура ќе се движи од нула до пет Целзиусови степени.

Во Скопје ќе биде облачно со врнежи од снег и ќе се формира снежна покривка. Максималната температура ќе достигне до еден Целзиусов степен.

Висината на снежна покривка изнесува 76 сантиметри на Попова Шапка, 60 Маврово, 41 Лазарополе, 30 Крушево, 24 Пожаране, 8 Тетово, 5 Битола, Претор, 2 Скопје-Петровец.


Облачно со повремени врнежи од дожд и температура до 8 степени


Скопје, 23 јануари, 2019 - 9:29 (META) 

Времето денеска ќе биде претежно облачно со повремени врнежи од дожд, а на повисоките места и на планините од снег. Повеќе врнежи ќе има попладне и во текот на ноќта кон четврток, особено во јужните делови. Ќе дува умерен југоисточен ветер.

Утринската температура ќе се движи од минус два до шест, а дневната од два до осум Целзиусови степени.
Во Скопје ќе преовладува слично време, претежно облачно со повремени врнежи од дожд. Повеќе врнежи се очекуваат попладне. Ќе дува умерен југоисточен ветер.

Утринската температура ќе се спушти до два, а дневната ќе достигне до шест Целзиусови степени.


Облачно време, повеќе врнежи попладне


Скопје, 22 јануари, 2019 - 9:31 (META) 

Времето денеска ќе биде облачно со повремени врнежи од дожд, а на повисоките места и на планините од снег.

Повеќе врнежи ќе има попладне, особено во западните и југоисточните делови. Ќе дува умерен, повремено засилен југоисточен ветер.

Дневната температура ќе се движи од еден до осум Целзиусови степени. Во Скопје слично време, со температура до пет Целзиусови степени.