!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Фудбалската репрезентација на Македонија вечерва домаќин на Италија


Скопје, 9 октомври, 2016 - 12:55 (META) 

Македонија е домаќин на репрезентацијата на Италија, а фудбалскиот натпревар ќе се одржи вечерва на Национална арена „Филип Втори“ во 20.45 часот.

Натпреварот е во рамките на квалификациите за Светско првенство во 2018 година.

Од Фудбалската федерација на Македонија (ФФМ) апелираат навивачите да дојдат навреме и нагласуваат дека вратите на арената ќе бидат отворени од 18.45 минути, а ќе бидат затворени 15 минути пред почетокот на натпреварот.


Штип е домаќин на Балканското првенство во пинг-понг


Штип, 20 октомври, 2015 - 17:03 (META) 

Девет од десет балкански држави го потврдиле своето учество на Балканското првенство во пинг-понг за пингпонгари до 21 година, што утре почнува во Штип.

Тимот на Грција до денеска се нема изјаснето дали ќе учествува на првенството, соопштија од организацискиот одбор. Сепак нашиот јужен сосед ќе има свој претставник, преку еден од судиите кој доаѓа од Грција.

Во следните два дена ќе се играат натпреварите во поединечна конкуренција и во двојки. Апсолутен фаворит на првенството е Романија, која е европски првак.

– На Балканот имаме неколку репрезентации кои играат одлично пинг-понг. Романија која е европски првак, Србија која има долга традиција во пинг-понг, Бугарите… сите тие репрезентации тренираат и многу повеќе од нас, но и вложуваат повеќе од нас, што ги прави подобри – изјави тренерот на македонската пингпонгарска репрезентација, Вијорел Уце.

Нашите репрезентативци очекуваат пласман меѓу четирите најдобри репрезентации.

Женската пингпонгарска репрезентација е целосно подмладена, со пингпонгарки на возраст од 12 до 16 години.

Најголем дел од составот на репрезентациите (машка и женска) доаѓа од Крива Паланка, каде работи и тренерот Уце.

Балканското првенство ќе биде повод и за одржување на Конгрес на балканските пингпонгарски федерации.

В.К.


Пекинг ја доби организацијата на ЗОИ 2022


Пекинг, 31 јули, 2015 - 16:34 (META) 

Главниот град на Кина, Пекинг, ќе биде домаќин на Зимските олимписки игри (ЗОИ) во 2022 година, одлучи Меѓународниот олимписки комитет (МОК) со денешното гласање, јавуваат светските агенции.

Со тоа, Пекинг е единствената светска метропола што била домаќин и на летни и на зимски олимписки игри.

На денешното гласање, Пекинг со тесен резултат, 44-40, го победи Алмату, во Казахстан, кој беше кандидат и до последен момент се надеваше дека ќе ја добие организацијата на ЗОИ 2022.

Кинеската престолнина, која беше организатор на Летните олимписки игри во 2008 година, во изборот влезе како фаворит и покрај недостигот од природен снег.

Конечната одлука беше донесена со тајно гласање со гласачки ливчиња, откако се појави проблеми со таблетите во текот на електронското гласање.