!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Два филмски фестивали ќе се одржат во Штип неделава


Штип, 18 април, 2017 - 10:30 (META) 

Штип неделава ќе биде дoмаќин на два филмски фестивали. Вечерва во Домот на млади ќе гостува филмскиот планински фестивал „Ехо“, со програма која е селекција од најдобрите и наградувани филмови на фестивалот, што лани во октомври се одржа во Скопје.

Филмовите изобилуваат со убавините на планината, зборуваат за планинарите, искачувањата и за слободата. Фестивалот го организираат Дом на млади од Штип и Форумот за креативна авангарда.

В среда и в четврток, 19 и 20 април, ќе гостува Филозофскиот филмски фестивал и во мултимедијалниот центар на Универзитетот „Гоце Делчев“, ќе бидат прикажани вкупно шест филмови.


Саем за кариера во Штип


Штип, 27 април, 2016 - 9:40 (META) 

Домот на млади во Штип е домаќин на Саемот за кариера под наслов „ Биди мотивиран – успеј во сонот“. Саемот е дел од проектот за стекнување работни вештини за вработување кај младите (Мрежа ЈЕС), поддржан од УСАИД.

Се очекува вмрежување на претставниците на бизнис-секторот, социјалните партнери, училиштата, факултетите, Центарот за вработување, Централниот регистар, ученици во завршната година од средно образование и на млади невработени.

На саемот се очекува младите да ја збогатат својата мрежа на професионални контакти, а ќе имаат можност директно да им поставуваат прашања на присутните претставници на компаниите.

Од друга страна, претставниците на приватниот сектор ќе имаат можност да ги претстават своите услуги и производи, да направат кратка презентација за она што го покриваат и со што се занимаваат и каков вид занимања и профили планираат за во иднина.