!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Свечено врачени наградите „13 Ноември“ за 2017 година


Скопје, 14 ноември, 2017 - 11:37 (META) 

Синоќа, во Македонската опера и балет, се одржа свеченоста по повод одбележување на 13 Ноември – Денот на ослободувањето на Скопје, на која градоначалникот на Град Скопје, Петре Шилегов, на годинешните добитници им ги врачи наградите „13 Ноември“ за 2017 година.

– Денеска одбележуваме 73 години од ослободувањето на градот од фашистичките окупатори, победа којашто со пожртвувана борба ја извојуваа врз посупериорниот противник, генерациите коишто го почнаа градењето на самостојната држава во која нејзините граѓани ќе ги остваруваат своите идеали. Знам дека граѓаните на Скопје избраа живот во модерна Европа, но знам дека овој град е со многу предизвици и јас сум свесен за предизвикот кој го имам пред мене, загадувањето е секако најголемиот, но има и многу други проблеми и во инфраструктурата, урбанизмот, зеленилото…Но, заедно со мојата администрација сме подготвени да инвестираме во заедничката иднина на Скопје и да го направиме функционален град – рече Шилегов.

Добитници на Наградата „13 Ноември“ на Град Скопје, за 2017 година се Хаки Имери и Горан Кондов за наука, Јадранка Клисарова за образование и воспитание, Димитар Башевски и Пунторие Муча Зиба за култура и публицистика, Васил Атанасов и Стефан Хаџи-Николов за уметност, Раде Илиевски и Жан Митрев за здравствена заштита и хуманитарната активност и Чедомир Јаневски и Атанас Николовски за спорт.


Денеска во Собранието ќе биде доделена државната награда „Св. Климент Охридски“


Скопје, 8 декември, 2016 - 10:37 (META) 

Денеска напладне во Собранието на Република Македонија ќе биде доделена државната награда „Свети Климент Охридски“ за 2016 година. Наградата е највисоко признание за долгогодишни остварувања и придонес во областа на воспитанието, образованието, културата, уметноста, здравството, заштитата и на унапредувањето на човековата околина и социјалната дејност од јавен интерес.

Наградата, во областа на воспитанието и образованието, годинава ќе му биде доделена на фолклористот Марко Китевски, а во областа на културата и уметноста наградата ќе ја добијат музичкиот уметник Гордана Јосифова-Неделковска, скулпторот Жарко Башески, поетесата Весна Стојчевска и театарската критичарка и публицистка Лилјана Мазова.

Денеска во Македонија се одбележува државниот празник 8 Декември – Денот на свети Климент Охридски, ученик на светите браќа Кирил и Методиј и прв македонски книжевник, духовник и учител.


„Дипан“, добитник на „Златна палма“ на Кански филмски фестивал


Кан, 25 мај, 2015 - 11:13 (META) 

Филмот „Дипан“ на францускиот режисер Жак Одијар е добитник на „Златната палма“ на годинашниот Меѓународен филмски фестивал во Кан.

Филмот говори за тројца граѓани на Шри Ланка, кои се преправаат дека се семејство за да избегаат од земјата зафатена со војна и да се преселат во Франција.

Втората награда, жирито предводено од Итан и Џоел Коен, ја додели на драмата за холокаустот „Сауловиот син“, дебитнатскиот филм на Ласло Немеш.

Третата награда му припадна на филмот „Јастог“ на грчкиот режисер Јоргос Лантимос, во кој играат Колин Фарел, Џесика Барден и Рејчел Вајс.

За најдобар режисер е награден тајванскиот автор Ху Хсиао-хсиен за „Атентатор“.

Наградата за најдобра актерка ја поделија Руни Мара за „Керол“ и Емануел Берко за „Мојот крал“, а за најдобар актер беше прогласен Винсент Линдон за „Мерка на човекот“.