Горивата поскапуваат за два денари


Скопје, 30 април, 2018 - 18:53 (META) 

Од полноќ малопродажните цени на бензините Еуросупер 95 и Еуросупер 98, како и на Еуродизелот и на Екстра лесното масло за домаќинство се зголемуваат за два денара по литар, соопшти денеска Регулаторната комисија за енергетика (РКЕ).

Според РКЕ, малопродажната цена на Еуросупер 95 ќе биде 70 денари, на Еуросупер 98 71,5, на Еуродизелот 62, а на Екстра лесното масло за домаќинство 50,5 денари за литар.

Се зголемува и малопродажната цена на мазутот, за 1,317 денари, поради што килограм ќе чини 30,037 денари.


Бензините поскапуваат за половина, a дизелот за еден денар


Скопје, 16 април, 2018 - 12:59 (META) 

Малопродажната цена на бензините од ноќеска нa полноќ се зголемува за половина, а на дизелот за еден денар, одлучи Регулаторна комисија за енергетика.

Новата цена на „еуросупер БС-95“ ќе изнесува 68 денари, на „еуросупер БС-98“ ќе биде 69,50 денари, „еуродизелот“ ќе се продава по 60 денари за литар.

Зголемувањето на цените на бензините се должи на тоа што, просечната цена на суровата нафта на светскиот пазар во изминатите 14 дена изнесуваше 68,9 долари за барел, а курсот на денарот во однос на доларот 50.003 денари.


Дизелот поевтинува за половина денар, цената на бензините останува иста


Скопје, 19 март, 2018 - 13:02 (META) 

Од ноќеска на полноќ дизелот поевтинува за половина денар, а цената на бензините останува иста, одлучи Регулаторна комисија за енергетика.

Цените на „еуросупер БС-95“ и „еуросупер БС-98“ остануваат 65,5 денари, односно 67,5 денари за литар.

Нова цена на дизелот ќе изнесува 57,5 денари за литар.


Бензините и дизелот поевтинуваат за 2,5 денари


Скопје, 19 февруари, 2018 - 13:17 (META) 

Со денешната одлука на Регулаторната комисија за енергетика, малопродажните цени на горивата од вечерва на полноќ се намалуваат за 6,19 отсто.

Со тоа цените на бензините ЕУРОСУПЕР-95, ЕУРОСУПЕР-98 и на ЕУРОДИЗЕЛ се намалуваат за 2,5 денари.  Од вечерва на полноќ, еден литар ЕУРОСУПЕР-95 ќе чини 65,5 денари, еден литар ЕУРОСУПЕР-98 ќе чини 67 денари, а еден литар ЕУРОДИЗЕЛ ќе чини 57 денари.


Дизелот поевтинува, а бензинот поскапува одлучи РКЕ


Скопје, 5 февруари, 2018 - 13:04 (META) 

Цените на дизел горивата од ноќеска на полноќ поевтинуваат за еден денар, а бензинот „еуросупер БС-95“ поскапува за половина денар, одлучи денеска Регулаторната комисија за енергетика (РКЕ).

Новата малопродажна цена на „еуросупер БС-95“ ќе изнесува 68 денари, а цената на бензинот „еуросупер БС-98“ е непроменета, односно 69,5 денари за литар. „Eуродизел“ ќе се продава за 59,5, денари.

Како причина за промената на малопродажните цени на нафтените деривати од РКЕ ги посочуваат за 0,7 отсто пониската просечна цена на суровата нафта на светскиот пазар во изминатие 14 дена и за 1,28 отсто понискиот курс на доларот во однос на денарот. 


Обвинителството отвори истрага за затајување данок при увоз на дизел гориво


Скопје, 25 јануари, 2018 - 15:10 (META) 

Основното јавно обвинителство за гонење на организиран криминал и корупција денеска соопшти дека, отворило предистражна постапка по допрен глас во врска со злоупотреба и затајување на данок при увоз на дизел гориво.

„Предистражната постапка е започната поради постоење на сомнение дека се увезувала стока декларирана како нафта за домаќинство, а всушност се увезувало дизел гориво при што е нанесена штета на буџетот на Република Македонија. Основното јавно обвинителство за гонење на организиран криминал и корупција презема дејствија за утврдување на фактите“, стои во соопштението на Обвинителството.

На почетокот на оваа година дел од компаниите, коментирајќи го новиот закон за енергетика, го отворија прашањето за даночно затајување и неплаќање на акцизата при увоз на гориво на дел од увозниците.

Големите компании, кои надлежните институции редовно ги контролираат, тврдат дека малите увозници наместо дизел, на граница пријавуваат нафта за домаќинство и на тој начин плаќаат девет денари помалку за акциза по еден литар гориво.

Со последните измени на Законот за акцизи во ноември, минатата година акцизата за дизелот се зголеми за три денари и сега изнесува 15,121 денар по литар, додека акцизата за нафтата за домаќинство, која исто така се зголеми за три денари, од 1 јануари 2018 година изнесува 6,136 денари по литар.


Горивата од ноќеска на полноќ поскапуваат за еден денар


Скопје, 22 јануари, 2018 - 13:20 (META) 

Горивата од ноќеска на полноќ поскапуваат за еден денар по литар, одлучи денеска Регулаторната комисија за енергетика (РКЕ).

Новата малопродажна цена на бензинот „еуросупер БС-95“ ќе изнесува 67,5 денари за литар, „еуросупер БС-98“ ќе се продава за 69,5, „еуродизел“ за 60,5, а екстра-лесното масло за домаќинство за 49 денари за литар.

Како причина за зголемувањето на малопродажните цени на нафтените деривати од РКЕ ги посочуваат за 4,54 отсто повисоката просечна цена на суровата нафта на светскиот пазар во изминатите 14 дена и за 1,44 отсто повисокиот крус на доларот во однос на денарот.


Минимално зголемување на цените на горивата, од ноќеска на полноќ


Скопје, 9 јануари, 2018 - 12:35 (META) 

Од ноќеска на полноќ, дизелот поскапува за еден денар по литар, а цената на „еуросупер БС-98“се зголемува за половина денар по литар, одлучи денеска Регулаторната комисија за енергетика (РКЕ).

Малопродажната цена на бензинот „еуросупер БС-95“ останува 66,5 денари за литар, „еуросупер БС-98“ ќе се продава за 68,5, а „еуродизел“ за  59,5 денари.

Како причина за зголемувањето на цените на нафтените деривати од РКЕ ги посочуваат за 3,81 отсто повисоката просечна цена на сурoвата нафта на светскиот пазар во изминатите 14 дена и за 1,54 отсто понискиот курс на доларот во однос на денарот.


Дизел горивото поскапо за 3,5 денари поради зголемената акциза


Скопје, 1 јануари, 2018 - 16:53 (META) 

Првиот ден од 2018 година донесе повисока цена на дизел горивото, кое сега чини 3,5 денари повеќе од претходно, поради зголемената акциза, која порасна за толкав износ. Од денеска на бензинските станици дизел горивото чини 58,5 денари.

Зголемувањето на акцизата беше најавено на почетокот на ноември при презентацијата на предлог буџетот за 2018 година. Тогаш министерот за финансии, Драган Тевдовски истакна дека поскапувањето на дизелот нема да предизвика раст и на цените на другите производи. Образложението за зголемувањето на акцизата беше дека тоа ќе придонесе за намалување на загадувањето, бидејќи ќе ги дестимулира граѓаните да возат дизел возила, кои важат за значителни загадувачи.


Цената на горивата се намалува за половина денар


Скопје, 16 октомври, 2017 - 15:27 (META) 

Малопродажните цени на бензинот „еуросупер БС-95“, на дизелот и на екстралесното масло за домаќинство, од вечер на полноќ се намалуваат за половина денар по литар, одлучи денеска Регулатрната комисија за енергетика.

Новата цена на „еуросупер БС-95“ изнесува 63 денари за еден литар, на „еуродизел“ – 51 денар, а „еуросупер БС-98“ останува со цена од 65 денари за еден литар.

Намалувањето се должи на пониската просечната цена на суровата нафта на светскиот пазар, како и на намалувањето на курсот на денарот во однос на доларот.