!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Уапсен маж за нападот на автобусот „Борусија Дортмунд“


Дортмунд, 21 април, 2017 - 10:16 (META) 

Германската полиција приведе 26­-годишнo лице осомничено за минатонеделниот напад врз автобусот на фудбалскиот клуб „Борусија Дортмунд“, соопшти германското обвинителство, додавајќи дека неговиот мотив бил финансиски, а не терористички.

Сојузното обвинителство го идентификуваше Германецот од руско потекло како Сергеј В. и потврди дека е уапсен во предградието Тубинген.

Осомничениот се надевал дека со нападот ќе ја урне вредноста на акциите на фудбалскиот клуб, со што ќе успее да профитира.

Во експлозијата беа полесно повредени еден фудбалер и полицаец.

Истрежителите тогаш на местото на инцидентот пронајдоа белешки во кои одговорноста за нападот ја презема таканаречената Исламска држава, но се сомневаа во автентичноста.